2 Mga Taga-Corinto 11:3

Ang Biblia 2011

Apan nahadlok ako nga ingon nga ang bitin milimbong kang Eva pinaagi sa iyang pagkamalimbongon, ang inyong mga panghunahuna mahisalaag gikan sa inyong matinud-anon ug putli nga pag-alagad kang Cristo.

Cross References

Genesis 3:1

Karon, ang bitin labawng malinglahon kay sa tanang ihalas nga mananap nga gibuhat sa Ginoong Dios. Ug miingon siya sa babaye, “Nag-ingon ba ang Dios, ‘Dili kamo makakaon gikan sa bisan unsa nga kahoy sa tanaman’?”

Genesis 3:13

Ug ang Ginoong Dios miingon sa babaye, “Unsa man kining imong gibuhat?” Ug ang babaye miingon, “Ang bitin milingla kanako, ug mikaon ako.”

Genesis 3:20

Ug ginganlan sa tawo ug Eva ang iyang asawa tungod kay siya mao ang inahan sa tanan nga buhi.

Genesis 3:4

Ug ang bitin miingon sa babaye, “Dili kamo mamatay.

Salmo 119:53

Ang init nga kaligutgot mihakop kanako tungod sa mga daotan nga mibiya gikan sa imong Balaod.

Mateo 24:24

Kay motungha ang mga mini nga Cristo ug mga mini nga propeta ug magpakita sila ug dagkong mga ilhanan ug mga katingalahan aron pagpasaag, kon mahimo, bisan pa sa mga pinili.

Juan 8:44

Kamo gikan sa inyong amahan nga mao ang yawa ug nagtinguha kamo sa pagbuhat sa kabubut-on sa inyong amahan. Siya mamumuno gayod sukad pa sa sinugdan, ug walay labot sa kamatuoran kay ang kamatuoran wala man diha kaniya. Sa dihang mamakak siya, magsulti siya tukma sa iyang kaugalingong kinaiya kay siya bakakon man ug amahan sa mga bakak.

Roma 12:8

ang nagmaymay, sa iyang pagpangmaymay; ang nag-amot, diha sa pagkamadagayaon; ang nangulo, diha sa kadasig; ang naghimo ug mga buhat sa kaluoy, diha sa kasaya.

2 Mga Taga-Corinto 1:12

Kay kini mao ang among pasigarbo: ang gipamatuod sa among tanlag mao nga diha sa kayano ug sa diosnong kamatinud-anon, dili diha sa kaalam nga unodnon kondili diha sa grasya sa Dios, nagkinabuhi kami dinhi sa kalibotan ug labaw pa gayod nganha kaninyo.

2 Mga Taga-Corinto 11:20

Kay antoson man lang ninyo kon may tawo nga mag-ulipon kaninyo o maghukhok kaninyo o mamintaha kaninyo o magpataas sa iyang kaugalingon o mosagpa kaninyo sa nawong.

2 Mga Taga-Corinto 11:29

Kinsa bay huyang ug ako dili usab huyang? Kinsa bay napandol ug ako wala mosilaob?

2 Mga Taga-Corinto 2:17

Kay lahi kami sa kadaghanan nga namaligya sa pulong sa Dios, kondili ingon nga mga tawong matinud-anon, ug ingon nga gikan sa Dios, kami nagsulti sa atubangan sa Dios pinaagi kang Cristo.

2 Mga Taga-Corinto 4:2

Ug gisalikway namo ang mga tinago nga makauulaw, wala mangilad o magtuis sa pulong sa Dios. Hinuon, pinaagi sa dayag nga pagsulti sa kamatuoran, kami nagpaila sa among kaugalingon ngadto sa tanlag sa tanang tawo sa atubangan sa Dios.

Mga Taga-Galacia 1:6

Nahibulong ako nga dali kamong mitalikod kaniya nga nagtawag kaninyo diha sa grasya ni Cristo ug mibalhin sa laing maayong balita,

Mga Taga-Galacia 2:4

Apan tungod sa mga igsoong mini nga gipasulod sa hilom ug mitipon aron sa pagpaniid sa atong kagawasan nga naato diha kang Cristo Jesus, aron madala kita nila ngadto sa kaulipnan,

Mga Taga-Galacia 3:1

O mga hungog nga taga-Galacia! Kinsa bay naglamat kaninyo? Sa atubangan sa inyong mga mata si Jesu-Cristo tataw nga gipasundayag nga gilansang diha sa krus.

Mga Taga-Galacia 4:11

Nahadlok ako alang kaninyo, nga tingali ug napakyas ang akong paghago diha kaninyo.

Mga Taga-Efeso 4:14

aron kita dili magpabilin nga mga bata nga mapadpad ngadto nganhi ug madala sa matag hangin sa doktrina pinaagi sa kaigmat ug lipatlipat sa mga tawo nga batid sa pagmugnag kasaypanan.

Mga Taga-Efeso 4:22

Gitudloan kamo sa paghukas sa inyong daang pagkatawo nga iya pa sa inyong karaang pamatasan nga nadunot tungod sa mga malimbongong kaibog,

Mga Taga-Efeso 6:24

Ang grasya maanaa unta sa tanan nga nahigugma sa Ginoong Jesu-Cristo uban sa gugmang walay kamatayon.

Mga Taga-Colosas 2:18

Ayaw kamo pagpahisalaag niadtong buot magpakaubos ug nagsimba ug mga anghel, nagbarog diha sa iyang mga panan-awon, nga sa walay katarongan nagpasigarbo tungod sa iyang unodnon nga mga panghunahuna.

Mga Taga-Colosas 2:4

Gisulti nako kini aron kamo dili malimbongan ni bisan kinsa pinaagi sa mga pulong nga madanihon.

Mga Taga-Colosas 2:8

Bantayi ninyo nga walay si bisan kinsa nga magbihag kaninyo pinaagi sa pilosopiya ug sa malimbongon nga pagpatuotuo sumala sa tawhanong kalagdaan nga gikabilinbilin, sumala sa mga gahom sa kalibotan ug dili sumala ni Cristo.

1 Mga Taga-Tesalonica 3:5

Tungod niini, sa wala na ako makaantos, nagsugo ako aron masayod mahitungod sa inyong pagtuo, sa kahadlok nga tingali ug nagpatintal kamo sa maninintal ug nga nakawang lamang ang among pagpangabudlay.

1 Timoteo 1:3

Sumala sa akong pag-agda kanimo sa nagpadulong ako sa Macedonia, magpabilin ikaw sa Efeso aron imong pasidan-an ang pipila ka tawo sa dili pagpanudlo ug lain nga mga pagtulun-an

1 Timoteo 2:14

ug si Adan wala malimbongi kondili ang babaye mao ang gilimbongan ug nahimong malinapason.

2 Timoteo 3:13

Apan ang mga tawong daotan ug ang mga tigpakaaron-ingnon mosamot pa sa pagkadaotan, manglimbong ug malimbongan.

Tito 1:10

Kay daghan ang mga tawong masukihon, mga tigsulti ug walay hinungdan ug mga limbongan, ilabina sa mga tawo nga mga tinuli

Mga Hebreo 13:9

Ayaw na kamo pagpaanod sa nagkalainlain ug lahi nga mga tinuohan kay ang maayo mao nga ang kasingkasing malig-on pinaagi sa grasya, dili pinaagi sa mga pagkaon nga wala makahatag ug kaayohan kanila nga mga nagkinabuhi subay niini.

2 Pedro 3:17

Busa mga hinigugma, kamo nga nasayod nang daan niini, pagbantay kay basin unya ug madala kamo sa kasaypanan sa mga tawong malapason ug mangapukan kamo gikan sa inyong kalig-on.

2 Pedro 3:3

Una sa tanan kinahanglan nga inyong mahibaloan nga sa ulahing mga adlaw adunay mga mabiaybiayon nga manungha, magkinabuhi sumala sa ilang kaugalingong kahidlaw

1 Juan 2:18

Mga anak, kini karon mao na ang kataposang takna ug sumala sa inyo nang nadungog nga moabot ang kaaway ni Cristo, bisan karon daghan man ang mga kaaway ni Cristo nga nanungha, busa kita nahibalo nga karon mao na ang kataposang takna.

1 Juan 4:1

Mga hinigugma, ayaw ninyo tuohi ang tanang espiritu, apan sulayi ninyo ang mga espiritu kon sila iya ba sa Dios kay daghan ang mga mini nga propeta nga nanungha sa kalibotan.

Judas 1:4

Kay nanulod sa hilom ang pipila ka mga tawo nga dugay nang gitagana alang niining maong paghukom, mga tawong dili diosnon nga nagtuis sa grasya sa atong Dios ngadto sa pagkamapatuyangon sa ilang kaibog ug sa pagsalikway sa atong Bugtong nga Agalon ug Ginoo, si Jesu-Cristo.

Gipadayag 12:15

Ug ang bitin mibugwak ug tubig nga daw suba gikan sa iyang baba nga iyang gipaagpas sa babaye aron maanod siya sa baha.

Gipadayag 12:9

Ug gitambog ang dakong dragon, ang bitin nga karaan, ang ginganlag Yawa ug Satanas, ang tiglimbong sa tibuok kalibotan—gitambog ngadto sa kalibotan, ug ang iyang mga anghel gitambog uban kaniya.

Gipadayag 20:2

Ug iyang gidakop ang dragon, ang karaang bitin, nga mao ang Yawa ug si Satanas, ug gigapos sulod sa usa ka libo ka tuig,