2 Mga Taga-Corinto 11:29

Ang Biblia 2011

Kinsa bay huyang ug ako dili usab huyang? Kinsa bay napandol ug ako wala mosilaob?

Cross References

Mateo 11:6

Ug bulahan siya nga dili mapandol dinhi kanako.”

Juan 2:17

Ug ang iyang mga tinun-an nahinumdom nga kini nasulat, “Ang mainitong pagbati alang sa imong balay maglamoy kanako.”

Roma 12:15

Paglipay kamo duyog sa mga nalipay, hilak duyog sa mga nanghilak.

Roma 15:1

Busa kita nga mga lig-on kinahanglang motabang pagpas-an sa mga kaluyahon sa mga huyang, ug dili magpahimuot sa atong kaugalingon.

1 Mga Taga-Corinto 11:22

Wala ba kamoy mga balay diin adto kamo mokaon ug moinom? O buot ba ninyong tamayon ang iglesia sa Dios ug pakaulawan ang mga kabos? Unsa may akong isulti kaninyo? Dayegon ko ba kamo? Dili gayod ako modayeg niini.

1 Mga Taga-Corinto 12:26

Kon ang usa ka bahin mag-antos, ang tanan magdungan sa pag-antos; kon ang usa ka bahin pasidunggan, ang tanan magdungan sa paglipay.

1 Mga Taga-Corinto 15:36

Uy, buang! Ang imong gipugas dili mahimong buhi gawas kon kini mamatay.

1 Mga Taga-Corinto 8:13

Busa, kon ang pagkaon makapandol sa akong igsoon, dili gayod ako mokaon ug karni aron dili ako makaangin sa pagkapandol sa akong igsoon.

1 Mga Taga-Corinto 8:9

Apan pagbantay kay basin unya ug ang imong kagawasan mahimong kapandolan sa mga huyang.

1 Mga Taga-Corinto 9:22

Ngadto sa mga huyang, nahimo akong huyang aron makabig nako ang mga huyang. Ako nahimong tanang butang ngadto sa tanang tawo, aron nga sa bisan unsang paagi maluwas unta nako ang pipila kanila.

2 Mga Taga-Corinto 13:9

Kay kami malipay sa diha nga kami huyang ug kamo lig-on. Ug kami nag-ampo usab niini nga kamo magmahingpit.

Mga Taga-Galacia 2:14

Apan sa akong pagkakita nga sila wala magtarong sumala sa kamatuoran sa Maayong Balita, ako miingon kang Cefas sa atubangan nilang tanan, “Kon ikaw nga Judio nagkinabuhi man gani sama sa Gentil ug dili ingon sa Judio, unsaon man nimo pagpugos sa mga Gentil sa pagkinabuhi sama sa mga Judio?”

Mga Taga-Galacia 6:2

Pagyayongay kamo sa mga kabug-at sa usa ug usa, ug sa ingon niana matuman ninyo ang balaod ni Cristo.

Gipadayag 2:2

“ ‘Nasayod ako sa imong mga buhat, sa imong paghago ug sa imong paglahutay, ug nga ikaw dili makapailob sa daotan nga mga tawo ug giusisa nimo ang mga nag-ingon nga sila mga apostoles apan dili diay, ug nasuta nimo nga sila bakakon.

Gipadayag 2:20

Apan aduna akoy butang nga batok kanimo, imo lamang gipasagdan ang babaye nga si Jezebel nga nag-ingon nga siya propeta ug nga nagtudlo ug nagpahisalaag sa akong mga sulugoon sa paghimo ug salawayong pakighilawas ug sa pagkaon sa mga hinalad ngadto sa mga larawan.