2 Mga Taga-Corinto 11:26

Ang Biblia 2011

Sa kanunay nga pagpanaw nahimutang ako sa kakuyaw sa mga suba, sa kakuyaw sa mga tulisan, sa kakuyaw sa akong mga katagilungsod, sa kakuyaw sa mga Gentil, sa kakuyaw sa siyudad, sa kakuyaw sa kamingawan, sa kakuyaw sa kadagatan, sa kakuyaw sa mga igsoon nga mini,

Cross References

Mga Buhat 13:45

Apan sa pagkakita sa mga Judio sa panon sa katawhan, sila napuno sa kasina ug ilang gisupak ang mga gipanulti ni Pablo, ug gibugalbugalan nila siya.

Mga Buhat 13:50

Apan ang mga Judio mihulhog sa mga inilang kababayen-an nga mga relihiyoso ug sa mga kadagkoan sa siyudad, ug naghagit sila ug mga pagpanglutos kang Pablo ug kang Bernabe, ug gihinginlan sila gikan sa ilang dapit.

Mga Buhat 14:19

Apan may mga Judio nga nangabot didto gikan sa Antioquia ug sa Iconio. Ug sa nadani na nila ang mga tawo, ilang gibato si Pablo ug giguyod paingon sa gawas sa siyudad, sa pagdahom nga siya patay na.

Mga Buhat 14:5

Ug nahitabo nga dihay kalihokan ang mga Gentil ug mga Judio uban sa ilang mga pangulo, sa pagpasipala ug pagbato kanila.

Mga Buhat 15:40

apan si Pablo nga mipili kang Silas, migikan nga tinugyan sa kaigsoonan ngadto sa grasya sa Ginoo.

Mga Buhat 17:13

Apan sa pagkahibalo sa mga Judio sa Tesalonica nga gisangyaw usab ni Pablo ang pulong sa Dios didto sa Berea, miadto usab sila didto nga naghagit ug nagpagubot sa mga pundok sa katawhan.

Mga Buhat 17:5

Apan ang mga Judio nasina, ug sa nakakuha sila ug mga bugoy sa merkado, ug nakapundok ug mga tawo, ilang gigubot ang siyudad. Ug ilang gisulong ang balay ni Jason sa pagpangita kang Pablo ug Silas aron ilang dad-on ngadto sa katawhan.

Mga Buhat 18:12

Apan sa diha nga si Galio mao ang gobernador sa Acaya, ang mga Judio naghimo ug hiniusa nga pagsulong kang Pablo ug gidala siya ngadto sa hukmanan

Mga Buhat 19:1

Samtang didto si Apolos sa Corinto, si Pablo miagi sa mga kayutaan sa ibabaw ug miabot sa Efeso diin iyang gikatagbo ang pipila ka tinun-an.

Mga Buhat 19:23

Ug niadtong panahona nahitabo ang dili gamayng kagubot mahitungod sa Dalan.

Mga Buhat 20:19

nag-alagad ako sa Ginoo uban sa dakong pagpaubos ug uban sa mga luha ug sa mga pagsulay nga miabot kanako tungod sa laraw sa mga Judio.

Mga Buhat 20:3

Ug didto nagpabilin siya sulod sa tulo ka bulan, ug sa diha nga ang mga Judio naghimo ug laraw batok kaniya sa dihang molawig na unta siya padulong sa Siria, mihukom siya sa pagpauli agi sa Macedonia.

Mga Buhat 23:10

Sa diha nga misamot kainit ang panaglalisay, ang komandante nga nahadlok nga kuniskunison si Pablo, misugo sa mga sundalo sa pagkanaog ug sa pagkuha kaniya pinaagi sa kusog gikan kanila ug sa pagdala kaniya ngadto sa kampo.

Mga Buhat 25:3

naghangyo nga unta iyang ipadala si Pablo ngadto sa Jerusalem, naglaraw ug usa ka pagpangatang aron mapatay nila siya diha sa dalan.

Mga Buhat 27:42

Ang plano sa mga sundalo mao ang pagpatay sa mga binilanggo, kay tingali unya ug adunay molangoy ug moikyas.

Roma 15:19

Pinaagi sa gahom sa mga milagro ug sa mga katingalahan, pinaagi sa gahom sa Espiritu sa Dios, nga tungod niana, natapos nako pagwali ang Maayong Balita mahitungod kang Cristo sukad sa Jerusalem hangtod sa kayutaan libot sa Ilirico.

Roma 8:35

Kinsa ba ang makapahimulag kanato gikan sa gugma ni Cristo? Ang pag-antos ba o ang kasakitan o ang paglutos o ang gutom o ang kahubo o ang katalagman o ang espada ba?

1 Mga Taga-Corinto 15:30

Ug ngano ba nga kami namiligro man sa matag takna?

1 Mga Taga-Corinto 15:32

Unsa may maako, kon sa tinawhanong pagkasulti, ako nakigbugno batok sa pintas nga mga mananap didto sa Efeso? Kon ang mga patay dili man mabanhaw, “Mangaon ug manginom kita kay ugma mangamatay man kita.”

2 Mga Taga-Corinto 11:32

Sa Damasco, ang gobernador nga ubos ni Hari Aretas nagpabantay sa siyudad sa Damasco aron sa pagdakop kanako,

Mga Taga-Galacia 2:4

Apan tungod sa mga igsoong mini nga gipasulod sa hilom ug mitipon aron sa pagpaniid sa atong kagawasan nga naato diha kang Cristo Jesus, aron madala kita nila ngadto sa kaulipnan,