2 Mga Taga-Corinto 11:23

Ang Biblia 2011

Mga alagad ba sila ni Cristo? Labaw pa ako (nagsulti ako ingon nga buangbuang), labaw pa ka dako ang akong mga pagbudlay, labaw ka daghan ang akong pagkabilanggo, dili maihap ang mga pagbunal ug sa makadaghan nag-ungaw sa kamatayon.

Cross References

Jeremias 36:5

Ug si Jeremias misugo kang Baruk, nga nag-ingon, “Ako gibilanggo aron dili makaadto sa balay sa Ginoo;

Mga Buhat 14:19

Apan may mga Judio nga nangabot didto gikan sa Antioquia ug sa Iconio. Ug sa nadani na nila ang mga tawo, ilang gibato si Pablo ug giguyod paingon sa gawas sa siyudad, sa pagdahom nga siya patay na.

Mga Buhat 20:23

gawas nga sa matag lungsod ang Espiritu Santo nagpasidaan kanako nga ang mga gapos ug mga kasakit nagpaabot kanako.

Mga Buhat 21:11

Ug sa pagduol niya kanamo, iyang gikuha ang bakos ni Pablo ug gigapos ang iyang kaugalingong mga tiil ug mga kamot, ug miingon, “Mao kini ang giingon sa Espiritu Santo, ‘Sa ingon niini gaposon sa mga Judio sa Jerusalem ang tag-iya niining bakosa ug itugyan siya ngadto sa mga kamot sa mga Gentil.’ ”

Mga Buhat 25:14

Samtang nagpabilin sila didto sulod sa daghang mga adlaw, gibutyag ni Festo ang kaso ni Pablo sa atubangan sa hari nga nag-ingon, “Aniay usa ka tawo dinhi nga gibiyaang binilanggo ni Felix.

Mga Buhat 27:1

Sa dihang nahukman na nga kinahanglan kaming molawig padulong sa Italia, si Pablo ug ang uban pang mga binilanggo ilang gitugyan ngadto sa usa ka kapitan sa Panon ni Agusto, nga ginganlan ug Julio.

Mga Buhat 28:16

Sa pag-abot namo sa Roma, si Pablo gitugotan sa pagpuyo nga siya ra, uban sa sundalo nga nagbantay kaniya.

Mga Buhat 28:30

Ug si Pablo mipuyo didto sulod sa tibuok duha ka tuig, pinaagi sa iyang kaugalingong gasto, ug nag-abiabi sa tanang miadto kaniya.

Mga Buhat 9:16

kay ipakita nako kaniya kon unsa ka daghan ang kinahanglan niyang antoson tungod sa akong ngalan.”

Roma 8:36

Ingon sa nasulat, “Tungod kanimo gipamatay kami sa tibuok nga adlaw; giisip kami nga daw mga karnero nga ihawonon.”

1 Mga Taga-Corinto 15:10

Apan pinaagi sa grasya sa Dios ako mao ako karon, ug ang grasya niya alang kanako wala mapakyas. Apan, ako nakabuhat ug labaw pa kay kang bisan kinsa kanila, hinuon dili ako kondili ang grasya sa Dios nga ania uban kanako.

1 Mga Taga-Corinto 3:5

Busa unsa man diay si Apolos? Unsa man usab si Pablo? Sila mga alagad nga pinaagi kanila kamo mituo, ug ang matag usa sumala sa gihatag sa Ginoo.

1 Mga Taga-Corinto 4:1

Busa ipaisip kami sa tawo ingon nga mga sulugoon ni Cristo ug mga piniyalan sa mga misteryo sa Dios.

1 Mga Taga-Corinto 4:11

Hangtod karon, kami gigutom ug giuhaw, nagkagidlay, dinagmalan, walay kaugalingong mga puluy-anan,

1 Mga Taga-Corinto 4:9

Kay ako naghunahuna nga ang Dios nagbutang kanamong mga apostoles nga iwit, ingon nga mga patyonon tungod kay kami nahimo man nga mga talan-awon alang sa kalibotan, sa mga anghel ug sa mga tawo.

2 Mga Taga-Corinto 10:7

Tan-awa ang anaa sa inyong atubangan. Kon adunay masaligon nga siya iya ni Cristo, papahinumdumi kaniya ang iyang kaugalingon, ingon nga siya iya ni Cristo, mao usab kami.

2 Mga Taga-Corinto 11:5

Kay sa akong hunahuna sa bisan unsang paagi wala ako maulahi niining mga hawod nga mga apostoles.

2 Mga Taga-Corinto 3:6

nga mao ang naghimo kanamong takos nga alagad sa bag-ong kasabotan, dili sa nasulat kondili sa Espiritu kay ang nasulat makamatay, apan ang Espiritu maghatag ug kinabuhi.

2 Mga Taga-Corinto 4:11

Samtang kami buhi, kanunay kaming gitahan ngadto sa kamatayon tungod kang Jesus, aron ang kinabuhi ni Jesus mapadayag dinhi sa among mga lawas nga may kamatayon.

2 Mga Taga-Corinto 6:9

ingon nga mga wala mailhi apan mga inila, ingon nga mga himatyon apan tan-awa buhi kami, ingon nga mga kinastigo apan wala mamatay,

Mga Taga-Galacia 6:17

Sukad karon, ayaw na ako ipasamok ni bisan kinsa kay gidala nako sa akong lawas ang mga timaan ni Jesus.

Mga Taga-Efeso 3:1

Tungod niining maong hinungdan, ako, si Pablo, binilanggo ni Cristo Jesus tungod ug alang kaninyo nga mga Gentil,

Mga Taga-Efeso 4:1

Busa, ako nga binilanggo diha sa Ginoo, naghangyo kaninyo nga unta magkinabuhi kamo nga takos gayod sa tawag nga alang niini gitawag kamo,

Mga Taga-Efeso 6:20

Tungod niini ako nahimong usa ka tinugyanan nga kinadenahan aron pinaagi niini ako magmaisogon, ingon nga gikinahanglan sa akong pagsulti.

Mga Taga-Filipos 1:13

nga tungod niana nahibaloan na sa tibuok palasyo ug sa uban pa nga ang akong pagkabilanggo alang kang Cristo.

Mga Taga-Filipos 2:17

Apan kon ibubo ako diha sa inyong halad nga inihaw ug sa halad sa inyong pagtuo, ikalipay ko kini ug ako maglipay uban kaninyong tanan.

Mga Taga-Colosas 1:24

Gikalipay nako karon ang akong mga pag-antos tungod ug alang kaninyo, ug dinhi sa akong lawas akong gihingpit ang mga kasakit nga nakulang sa mga pag-antos ni Cristo alang sa iyang lawas nga mao ang iglesia

Mga Taga-Colosas 1:29

Alang niini ako naghago, nanglimbasog sumala sa kusog nga iyang gihatag nga naggahom sa sulod nako.

1 Mga Taga-Tesalonica 3:2

ug among gipadala si Timoteo, nga among igsoon ug kaubang magbubuhat sa Dios diha sa Maayong Balita mahitungod kang Cristo, alang sa paglig-on kaninyo ug sa pagdasig kaninyo sa inyong pagtuo,

1 Timoteo 4:6

Kon kining mga butanga imong itudlo sa mga igsoon, ikaw mahimong maayong alagad ni Cristo Jesus, gimatuto sa mga pulong sa pagtuo ug sa maayong pagtulun-an nga imong gisunod.

2 Timoteo 1:16

Hinaot nga ang Ginoo maghatag ug kaluoy sa panimalay ni Onesiforo, kay sa makadaghan iya akong gidasig. Wala niya ikaulaw ang akong pagkabilanggo,

2 Timoteo 1:8

Busa ayaw ikaulaw ang pagpamatuod sa atong Ginoo, o alang kanako nga iyang binilanggo, hinuon pakig-ambit sa mga pag-antos alang sa Maayong Balita pinaagi sa gahom sa Dios

2 Timoteo 2:9

nga tungod niini ako nag-antos bisan ngadto sa pagkaginapos sama sa usa ka tigbuhat ug daotan. Apan ang pulong sa Dios dili ginapos.

2 Timoteo 3:11

sa mga paglutos, sa mga pag-antos, sa mga nahitabo kanako didto sa Antioquia, sa Iconio ug sa Listra, unsa nga mga paglutos nga akong giantos, ug giunsa sa Ginoo sa pagpalingkawas kanako gikan niining tanan.

Filemon 1:9

apan tungod sa gugma ako maghangyo kanimo. Ako, si Pablo nga gulang na ug karon binilanggo usab tungod kang Cristo Jesus,

Mga Hebreo 10:34

Kay kamo may kaluoy man sa mga binilanggo, ug gikalipay ninyo nga sakmitan sa inyong katigayonan, kay inyo mang nahibaloan nga kamo adunay usa ka labaw pa ka maayong bahandi ug nga kini molungtad.