2 Mga Taga-Corinto 11:22

Ang Biblia 2011

Mga Hebreo ba sila? Mao usab ako. Mga Israelinhon ba sila? Mao usab ako. Mga kaliwat ba sila ni Abraham? Mao usab ako.

Cross References

2 Cronicas 20:7

Wala ba nimo, O among Dios, papahawaa ang mga nagpuyo niining yutaa gikan sa atubangan sa imong katawhan nga Israel ug ihatag kini hangtod sa kahangtoran ngadto sa kaliwatan ni Abraham nga imong higala?

Exodo 10:3

Busa si Moises ug si Aaron miadto sa Paraon ug miingon kaniya, “Mao kini ang giingon sa Ginoo, ang Dios sa mga Hebreo, ‘Unsa ba kadugay nga magdumili ikaw sa pagpaubos sa imong kaugalingon sa akong atubangan? Tugoti sa paglakaw ang akong katawhan aron sila makaalagad kanako.

Exodo 3:18

Sila mamati sa imong tingog ug ikaw ug ang mga pangulo sa Israel moadto sa hari sa Ehipto ug moingon kaniya, ‘Si Yahweh, ang Dios sa mga Hebreo, nagpakita kanamo, ug karon naghangyo kami kanimo sa pagtugot kanamo sa paglakaw ug tulo ka adlaw nga panaw ngadto sa kamingawan aron maghalad kami ngadto kang Yahweh nga among Dios.’

Exodo 5:3

Unya sila miingon, “Ang Dios sa mga Hebreo nakigkita kanamo. Tugoti kami sa paglakaw ug tulo ka adlaw nga panaw ngadto sa kamingawan aron kami makahalad ngadto sa Ginoo nga among Dios, basin unya ug silotan kami niya pinaagi sa kamatay ug espada.”

Exodo 7:16

Ug ingna siya, ‘Ang Ginoo, ang Dios sa mga Hebreo, nagsugo kanako nganhi kanimo, nga nag-ingon, “Tugoti sa paglakaw ang akong katawhan aron sila makaalagad kanako didto sa kamingawan ug tan-awa, wala pa gihapon ikaw motuman.”

Exodo 9:1

Unya ang Ginoo miingon kang Moises, “Adtoa ang Paraon ug ingna siya, ‘Mao kini ang giingon sa Ginoo, ang Dios sa mga Hebreo: Tugoti sa paglakaw ang akong katawhan aron sila makaalagad kanako.

Exodo 9:13

Unya ang Ginoo miingon kang Moises, “Sayo pagbangon sa pagkabuntag ug atubanga ang Paraon ug ingna siya, ‘Mao kini ang giingon sa Ginoo, ang Dios sa mga Hebreo: Tugoti sa paglakaw ang akong katawhan aron sila makaalagad kanako.

Mateo 3:9

ug ayaw kamo panghambog sa pag-ingon sa inyong kaugalingon, ‘Si Abraham mao ang among amahan’, kay sultihan ko kamo nga ang Dios makahimo sa pagpabarog ug mga anak alang kang Abraham gikan niining mga bato.

Mga Buhat 22:3

“Ako usa ka Judio nga natawo sa Tarsus sa Cilicia, apan nagtubo dinhi niining siyudara sa tiilan ni Gamaliel, gitudloan sumala sa higpit nga paagi sa balaod sa atong mga katigulangan, mainiton alang sa Dios sama kaninyong tanan niining mga adlawa karon.

Mga Buhat 6:1

Niadtong mga adlawa, sa nag-anam na ka daghan ang mga tinun-an, ang mga Judio nga Grego ug sinultihan nagbagulbol batok sa mga Judio nga lumad tungod kay ang ilang mga biyuda napasagdan man sa matag adlawng pagpang-apod-apod.

Roma 11:1

Busa mangutana ako, gisalikway ba sa Dios ang iyang katawhan? Wala gayod! Ako mismo usa ka Israelinhon, kaliwat ni Abraham, sakop sa banay ni Benjamin.

Roma 9:4

nga mao ang mga Israelinhon. Ila ang pagkaanak, ang kadungganan, ang mga kasabotan, ang paghatag sa Balaod, ang pagsimba ug ang mga saad;

Mga Taga-Galacia 3:16

Karon ang mga saad gihatag kang Abraham ug sa iyang kaliwat. Wala ingna, “Ug sa mga kaliwatan,” nga daw ingon ug daghan, kondili, “Ug sa imong kaliwat,” ingon nga usa ra, nga mao si Cristo.

Mga Taga-Filipos 3:5

Gituli ako sa ikawalo nga adlaw, gikan sa kaliwatan ni Israel, sa banay ni Benjamin, Hebreo nga gikan sa mga Hebreo, sumala sa Balaod, usa ka Pariseo.