2 Mga Taga-Corinto 11:18

Ang Biblia 2011

Ug kay daghan man ang nagpasigarbo sumala sa unod, ako usab magpasigarbo.

Cross References

1 Mga Taga-Corinto 4:10

Kami mga buang tungod kang Cristo apan kamo mga maalamon diha kang Cristo. Kami mga huyang, apan kamo mga kusgan. Kamo mga pinasidunggan apan kami mga tinamay.

2 Mga Taga-Corinto 1:17

Nagduhaduha ba ako sa akong tinguha pagbuhat niini? Naghimo ba ako sa akong mga laraw ingon sa tawong unodnon, nga dali ra nga moingon ug “Oo” ug unya “Dili” dayon?

2 Mga Taga-Corinto 11:12

Ug ang akong gibuhat karon akong padayonon sa pagbuhat aron akong kakuhaan ug kahigayonan ang mga tawong naninguha sa kahigayonan sa pagpasigarbo nga ang ilang pagpangalagad sama sa amoa.

2 Mga Taga-Corinto 12:1

Kinahanglan nga magpasigarbo ako bisan pa ug walay makuha niini. Hisgotan nako ang mga panan-awon ug mga gipadayag gikan sa Ginoo.

2 Mga Taga-Corinto 12:11

Karon nahimo ako nga buang! Kamo mao ang nagtukmod kanako kay angay gayod unta nga ako inyong dayegon, kay sa bisan unsa wala ako maulahi nianang mga hawod nga apostoles, bisan tuod ug ako ingon lamang niini.

2 Mga Taga-Corinto 12:9

apan siya miingon kanako, “Ang akong grasya igo alang kanimo kay ang akong gahom gihingpit diha sa kaluyahon.” Sa ingon niana, labaw nakong gikalipay ang pagpasigarbo tungod sa akong mga kaluyahon aron ang gahom ni Cristo molandong nganhi kanako.

2 Mga Taga-Corinto 5:16

Busa sukad karon dili na namo ilhon ang tawo sumala sa unod bisan pa kon kaniadto giila namo si Cristo sumala sa unod, karon wala na kami mag-ila kaniya sa ingon.

1 Pedro 1:24

kay “Ang tanang tawo sama sa sagbot ug ang tanang himaya niini sama sa bulak sa sagbot. Ang sagbot malaya, ug ang kabulakan mangatagak,