2 Mga Taga-Corinto 11:15

Ang Biblia 2011

Busa dili ikahibulong kon ang iyang mga sulugoon magtakoban usab sa ilang kaugalingon ingon nga mga ministro sa pagkamatarong. Ang ilang dangatan motukma ra unya sa ilang mga binuhatan.

Cross References

2 Mga Hari 5:13

Apan ang iyang mga sulugoon miduol ug miingon kaniya, “Amahan ko, kon ang propeta magsugo kanimo sa pagbuhat ug dakong butang, dili ba buhaton nimo kini? Unsa pa kaha nga misulti lamang siya kanimo, ‘Panghugas, ug mahinlo ka’?”

Jeremias 29:32

busa mao kini ang giingon sa Ginoo: Akong silotan si Semaias nga taga-Nehelam, ug ang iyang kaliwatan. Dili na siya makabaton ug usa ka tawo nga magpuyo uban niining katawhan, ug dili siya makakita sa kaayohan nga buhaton nako alang sa akong katawhan, nag-ingon ang Ginoo, tungod kay siya nagsulti ug pagsupil batok sa Ginoo.’ ”

Jeremias 5:31

ang mga propeta nagpropesiya ug bakak, ug ang mga pari nagmando diha sa ilang kaugalingong kagahom; ang akong katawhan nahigugma nga maingon niana, apan unsay inyong buhaton kon ang kataposan moabot?

Ezequiel 13:22

Tungod kay pinaagi sa bakak gipasubo ninyo ang kasingkasing sa matarong bisan ug wala ako magpasubo kaniya, ug gidasig ninyo ang daotan aron nga siya dili motalikod gikan sa daotan niyang dalan aron pagluwas sa iyang kinabuhi,

Mga Buhat 13:10

ug miingon, “Ikaw nga anak sa yawa, ikaw nga kaaway sa tanang pagkamatarong, puno sa tanang limbong ug kadaotan, dili ka ba mohunong sa pagtuis sa mga tul-id nga dalan sa Ginoo?

Roma 2:6

nga magbalos sa matag tawo sumala sa iyang mga binuhatan:

Roma 3:8

Ug nganong dili man hinuon kita moingon, sumala sa gipamasangil sa uban nga kita nag-ingon, “Buhaton nato ang daotan aron mosangpot ang maayo”? Kining mga tawhana angay gayong silotan.

1 Mga Taga-Corinto 9:11

Kon kami nagpugas ug butang nga espirituhanon diha kaninyo, dako ra ba diay kon kami moani ug mga butang gikan ninyo?

2 Mga Taga-Corinto 11:13

Kay kining mga tawhana mga mini nga apostoles, limbongan nga mga magbubuhat, nagtakoban sa ilang kaugalingon ingon nga mga apostoles ni Cristo.

2 Mga Taga-Corinto 11:23

Mga alagad ba sila ni Cristo? Labaw pa ako (nagsulti ako ingon nga buangbuang), labaw pa ka dako ang akong mga pagbudlay, labaw ka daghan ang akong pagkabilanggo, dili maihap ang mga pagbunal ug sa makadaghan nag-ungaw sa kamatayon.

2 Mga Taga-Corinto 3:9

Kay kon ang pagpangalagad sa pagkahinukman mahimayaon, labaw pa gayod ka madagayaon ang himaya sa pagpangalagad sa pagkamatarong.

Mga Taga-Efeso 6:12

Kay ang atong pagpakig-away dili man sa unod ug dugo, kondili batok sa mga nagmando, batok sa mga kagamhanan, batok sa mga makagagahom sa kalibotan nga gingitngitan, batok sa mga daotan nga espirituhanong panon diha sa mga langitnong dapit.

Mga Taga-Filipos 3:19

Ang ilang dangatan mao ang kalaglagan, ang ilang dios mao ang tiyan, ug ang ilang himaya diha sa ilang kaulawan, ang ilang mga hunahuna anaa sa mga yutan-ong butang.

2 Pedro 2:3

Tungod sa ilang kahakog, ila kamong panapion pinaagi sa tinumotumo nga mga pulong. Sukad pa sa karaang panahon ang hukom kanila wala maghunong, ug ang ilang kalaglagan wala matulog.

Judas 1:4

Kay nanulod sa hilom ang pipila ka mga tawo nga dugay nang gitagana alang niining maong paghukom, mga tawong dili diosnon nga nagtuis sa grasya sa atong Dios ngadto sa pagkamapatuyangon sa ilang kaibog ug sa pagsalikway sa atong Bugtong nga Agalon ug Ginoo, si Jesu-Cristo.

Gipadayag 13:14

Ug pinaagi sa mga milagro nga gitugot kaniya sa paghimo diha sa atubangan sa bangis nga mananap, iyang gilimbongan ang mga nagpuyo sa yuta sa pag-agda kanila sa paghimo ug larawan alang sa bangis nga mananap nga nasamad sa espada apan nabuhi.

Gipadayag 13:2

Ug ang bangis nga mananap nga akong nakita daw usa ka leopardo, ang iyang mga tiil daw mga tiil sa oso, ug ang iyang baba daw baba sa liyon. Ug kaniya gihatag sa dragon ang iyang gahom ug ang iyang trono ug ang dakong kagahom.

Gipadayag 9:11

Ug aduna silay hari nga mao ang anghel sa kahiladman; ang iyang ngalan sa pinulongang Hebreo mao si Abadon, ug sa pinulongang Grego siya ginganlan ug Apolion.