2 Mga Taga-Corinto 11:13

Ang Biblia 2011

Kay kining mga tawhana mga mini nga apostoles, limbongan nga mga magbubuhat, nagtakoban sa ilang kaugalingon ingon nga mga apostoles ni Cristo.

Cross References

Jeremias 23:16

Mao kini ang giingon sa Ginoo sa mga panon: “Ayaw kamo pamati sa mga pulong sa mga propeta nga nagpropesiya kaninyo, nga nagpuno kaninyo sa mga kawang nga paglaom. Sila nagsulti ug mga panan-awon sa kaugalingon nilang mga hunahuna, ug dili gikan sa baba sa Ginoo.

Jeremias 27:14

Ayaw kamo pamati sa mga pulong sa mga propeta nga magsulti kaninyo, ‘Dili kamo mag-alagad sa hari sa Babilonia,’ kay bakak ang ilang gipropesiya kaninyo.

Mateo 25:24

Ang nakadawat usab ug usa ka talanton miduol nga nag-ingon, ‘Ginoo, nakaila ako nga ikaw usa ka tig-a nga pagkatawo, nag-ani sa dili nimo pinugas ug nanghipos sa dili nimo pinaliran.

Mga Buhat 15:1

Apan dihay pipila ka tawo nga miabot gikan sa Judea ug nagtudlo sa kaigsoonan, “Gawas kon matuli kamo sumala sa batasan ni Moises, dili kamo maluwas.”

Mga Buhat 15:24

Kay kami nakadungog nga pipila ka tawo gikan kanamo nagsamok kaninyo sa mga pulong nga nagpalibog sa inyong mga hunahuna bisan wala namo sila sugoa.

Mga Buhat 20:30

ug gikan gayod kaninyo adunay motungha nga mga tawong magsulti ug sukwahi nga butang aron sa pagdani sa mga tinun-an sa pagsunod kanila.

Roma 16:18

Kay kini sila wala mag-alagad sa atong Ginoong Cristo, kondili sa ilang kaugalingong tiyan, ug pinaagi sa nindot ug madanihong mga pulong naglimbong sila sa kasingkasing sa mga yano ug panabot.

2 Mga Taga-Corinto 11:15

Busa dili ikahibulong kon ang iyang mga sulugoon magtakoban usab sa ilang kaugalingon ingon nga mga ministro sa pagkamatarong. Ang ilang dangatan motukma ra unya sa ilang mga binuhatan.

2 Mga Taga-Corinto 2:17

Kay lahi kami sa kadaghanan nga namaligya sa pulong sa Dios, kondili ingon nga mga tawong matinud-anon, ug ingon nga gikan sa Dios, kami nagsulti sa atubangan sa Dios pinaagi kang Cristo.

2 Mga Taga-Corinto 4:2

Ug gisalikway namo ang mga tinago nga makauulaw, wala mangilad o magtuis sa pulong sa Dios. Hinuon, pinaagi sa dayag nga pagsulti sa kamatuoran, kami nagpaila sa among kaugalingon ngadto sa tanlag sa tanang tawo sa atubangan sa Dios.

Mga Taga-Galacia 1:7

dili nga adunay laing maayong balita, kondili nga adunay nagpagubot kaninyo ug buot motuis sa Maayong Balita ni Cristo.

Mga Taga-Galacia 2:4

Apan tungod sa mga igsoong mini nga gipasulod sa hilom ug mitipon aron sa pagpaniid sa atong kagawasan nga naato diha kang Cristo Jesus, aron madala kita nila ngadto sa kaulipnan,

Mga Taga-Galacia 4:17

Sila nagmainiton kaninyo, apan dili maayo ug katuyoan. Buot nilang mahimulag kamo, aron kamo magmainiton kanila.

Mga Taga-Galacia 6:12

Sila nga nagtinguha sa paghimo ug maayong pagpasundayag sa unod mao ang buot magpugos kaninyo sa pagpatuli ug kini aron lamang nga sila dili lutoson tungod sa krus ni Cristo.

Mga Taga-Efeso 4:14

aron kita dili magpabilin nga mga bata nga mapadpad ngadto nganhi ug madala sa matag hangin sa doktrina pinaagi sa kaigmat ug lipatlipat sa mga tawo nga batid sa pagmugnag kasaypanan.

Mga Taga-Filipos 3:18

Kay daghan kanila, nga akong gisugilon kaninyo sa makadaghan ug nga bisan karon isugilon nako uban sa paghilak, nagkinabuhi nga mga kaaway sa krus ni Cristo.

Mga Taga-Filipos 3:2

Pagbantay kamo sa mga iro, pagbantay kamo sa mga tigbuhat ug daotan, pagbantay kamo sa mga tigputol sa unod.

Mga Taga-Colosas 2:4

Gisulti nako kini aron kamo dili malimbongan ni bisan kinsa pinaagi sa mga pulong nga madanihon.

Mga Taga-Colosas 2:8

Bantayi ninyo nga walay si bisan kinsa nga magbihag kaninyo pinaagi sa pilosopiya ug sa malimbongon nga pagpatuotuo sumala sa tawhanong kalagdaan nga gikabilinbilin, sumala sa mga gahom sa kalibotan ug dili sumala ni Cristo.

1 Juan 2:18

Mga anak, kini karon mao na ang kataposang takna ug sumala sa inyo nang nadungog nga moabot ang kaaway ni Cristo, bisan karon daghan man ang mga kaaway ni Cristo nga nanungha, busa kita nahibalo nga karon mao na ang kataposang takna.

1 Juan 4:1

Mga hinigugma, ayaw ninyo tuohi ang tanang espiritu, apan sulayi ninyo ang mga espiritu kon sila iya ba sa Dios kay daghan ang mga mini nga propeta nga nanungha sa kalibotan.

Judas 1:4

Kay nanulod sa hilom ang pipila ka mga tawo nga dugay nang gitagana alang niining maong paghukom, mga tawong dili diosnon nga nagtuis sa grasya sa atong Dios ngadto sa pagkamapatuyangon sa ilang kaibog ug sa pagsalikway sa atong Bugtong nga Agalon ug Ginoo, si Jesu-Cristo.

Gipadayag 19:20

Ug nadakpan ang bangis nga mananap, ug uban kaniya nadakpan ang mini nga propeta nga mao ang naghimo sa mga milagro diha sa iyang atubangan, nga pinaagi niini gipahisalaag niya ang mga nakadawat sa patik sa mapintas nga mananap ug ang mga nagsimba sa iyang larawan. Kining duha gitambog nga buhi ngadto sa linaw nga kalayo nga nagdilaab sa asupri.

Gipadayag 2:2

“ ‘Nasayod ako sa imong mga buhat, sa imong paghago ug sa imong paglahutay, ug nga ikaw dili makapailob sa daotan nga mga tawo ug giusisa nimo ang mga nag-ingon nga sila mga apostoles apan dili diay, ug nasuta nimo nga sila bakakon.

Gipadayag 2:20

Apan aduna akoy butang nga batok kanimo, imo lamang gipasagdan ang babaye nga si Jezebel nga nag-ingon nga siya propeta ug nga nagtudlo ug nagpahisalaag sa akong mga sulugoon sa paghimo ug salawayong pakighilawas ug sa pagkaon sa mga hinalad ngadto sa mga larawan.

Gipadayag 2:9

“ ‘Nasayod ako sa imong kasakit ug sa imong kakabos, apan dato ikaw, ug sa pagpasipala kanimo sa mga nag-ingon nga sila mga Judio apan dili diay, hinuon sinagoga sila ni Satanas.