2 Mga Taga-Corinto 11:1

Ang Biblia 2011

Buot unta ako nga kamo moantos kanako sa usa ka gamayng binuang! Apan antosa lang gayod ninyo kini uban kanako!

Cross References

2 Mga Hari 5:3

Ug siya miingon sa iyang agalon nga babaye, “Kon ang akong agalon uban pa unta sa propeta nga atua sa Samaria, mamaayo unta siya sa iyang sanla.”

Numeros 11:29

Apan si Moises mitubag kaniya, “Nasina ba ikaw alang kanako? Maayo unta kon ang tibuok nga katawhan sa Ginoo mga propeta pa, nga ibutang sa Ginoo ang iyang Espiritu diha kanila!”

Mateo 17:17

Ug si Jesus mitubag nga nag-ingon, “O katawhan nga walay pagtuo ug sukwahi! Hangtod kanus-a ba nga ako makig-uban kaninyo? Hangtod kanus-a ba nga ako mag-antos kaninyo? Dad-a siya dinhi kanako.”

Mga Buhat 18:14

Apan sa dihang mobuka na unta si Pablo sa iyang baba, si Galio miingon sa mga Judio, “Kon kini may labot pa gayod sa usa ka kalapasan o daotang buhat, O mga Judio, may katarongan unta ako sa pagpaminaw kaninyo.

Mga Buhat 26:29

Ug si Pablo miingon, “Sa mubo o taas, nag-ampo ako sa Dios nga dili lamang ikaw ra kondili ang tanan usab nga nakadungog kanako karong adlawa mahimo untang sama kanako, gawas niining mga kadena.”

1 Mga Taga-Corinto 1:21

Tungod kay, diha sa kaalam sa Dios, ang kalibotan wala man moila sa Dios pinaagi sa kaalam, gikahimut-an sa Dios pinaagi sa kabuang sa atong giwali ang pagluwas kanila nga nagtuo.

1 Mga Taga-Corinto 3:18

Kinahanglang walay usa nga maglimbong sa iyang kaugalingon. Kon aduna kaninyoy maghunahuna nga siya maalamon niining panahona, kinahanglang magpakabuang siya aron mahimo siyang maalamon.

1 Mga Taga-Corinto 4:10

Kami mga buang tungod kang Cristo apan kamo mga maalamon diha kang Cristo. Kami mga huyang, apan kamo mga kusgan. Kamo mga pinasidunggan apan kami mga tinamay.

1 Mga Taga-Corinto 4:8

Karon kay natagbaw na man kamo, nangadato na kamo! Kamo naghari nga wala kami! Kon naghari pa lang gayod unta kamo, maghari unta kami uban kaninyo!

2 Mga Taga-Corinto 11:19

Kay sa inyong pagkamaalamon, malipayon kamong nagpailob sa mga buangbuang!

2 Mga Taga-Corinto 11:21

Makauulaw man, apan akong isulti nga kami huyang niana. Apan bisag unsay ipasigarbo ni bisan kinsa (nagsulti ako karon ingon nga buangbuang), ako usab makapasigarbo niana.

2 Mga Taga-Corinto 11:4

Kay maayo man kaayo kamong motubay kon adunay motungha nga magwali ug Jesus nga lahi sa among giwali, ug dali ra kaayo kamong modawat ug lahi nga espiritu kay sa inyong nadawat ug lahi nga maayong balita kay sa inyong gidawat.

2 Mga Taga-Corinto 12:11

Karon nahimo ako nga buang! Kamo mao ang nagtukmod kanako kay angay gayod unta nga ako inyong dayegon, kay sa bisan unsa wala ako maulahi nianang mga hawod nga apostoles, bisan tuod ug ako ingon lamang niini.

2 Mga Taga-Corinto 5:13

Kay kon kami wala sa among kaugalingon, kini alang sa Dios; ug kon kami anaa sa maayo nga panimuot, kini alang kaninyo.

Mga Hebreo 5:2

Ug siya makahimo nga magmalumo ngadto sa mga walay alamag ug sa mga nahisalaag kay siya sa iyang kaugalingon nagapos man usab sa kaluyahon.

Josue 7:7

Si Josue miingon, “O Ginoong Dios, nganong gidala pa man nimo kining katawhan dinhi sa tabok sa Jordan aron itugyan kami ngadto sa kamot sa mga Amorihanon, aron laglagon kami? Nakontento na unta kami sa pagpuyo sa pikas daplin sa Jordan!