2 Mga Taga-Corinto 10:7

Ang Biblia 2011

Tan-awa ang anaa sa inyong atubangan. Kon adunay masaligon nga siya iya ni Cristo, papahinumdumi kaniya ang iyang kaugalingon, ingon nga siya iya ni Cristo, mao usab kami.

Cross References

Mateo 23:5

Apan ang tanan nilang buhat gihimo aron lamang sa pagpasundayag ngadto sa mga tawo kay gipadak-an nila ang ilang mga pilakterya diha sa ilang ulo ug bukton ug gipatas-an nila ang ilang mga borlas sa sidsid sa ilang mga bisti.

Lucas 16:15

Apan si Jesus miingon kanila, “Kamo mao ang mga nagpakamatarong sa inyong kaugalingon sa atubangan sa mga tawo, apan ang Dios nahibalo sa inyong mga kasingkasing kay ang gipakahalangdon sa mga tawo dulumtanan man sa atubangan sa Dios.

Juan 7:24

Ayaw kamo panghukom pinasikad sa makita lamang, kondili panghukom kamo pinaagi sa matarong nga paghukom.”

1 Mga Taga-Corinto 1:12

Ako nagsulti niini karon kay ang matag usa kaninyo nag-ingon, “Ako iya ni Pablo,” o “Ako iya ni Apolos,” o “Ako iya ni Cefas,” o “Ako iya ni Cristo.”

1 Mga Taga-Corinto 14:37

Kon adunay maghunahuna nga siya propeta, o espirituhanon, kinahanglan nga moila siya nga kining akong gisulat kaninyo sugo sa Ginoo.

1 Mga Taga-Corinto 15:23

Apan ang matag usa sa iyang kaugalingong panahon: si Cristo ang unang bunga ug unya sa iyang pag-anhi, sila nga mga iya ni Cristo.

1 Mga Taga-Corinto 3:23

ug kamo iya ni Cristo ug si Cristo iya sa Dios.

1 Mga Taga-Corinto 9:1

Dili ba ako gawasnon? Dili ba usa ako ka apostol? Wala ba ako makakita kang Jesus nga atong Ginoo? Dili ba kamo akong buhat diha sa Ginoo?

2 Mga Taga-Corinto 10:1

Ako gayod, si Pablo, naghangyo kaninyo tungod sa kaaghop ug kalumo ni Cristo—ako nga giingon nga mapaubsanon kon anaa sa inyong atubangan, apan isog kaayo kon layo!

2 Mga Taga-Corinto 11:18

Ug kay daghan man ang nagpasigarbo sumala sa unod, ako usab magpasigarbo.

2 Mga Taga-Corinto 11:23

Mga alagad ba sila ni Cristo? Labaw pa ako (nagsulti ako ingon nga buangbuang), labaw pa ka dako ang akong mga pagbudlay, labaw ka daghan ang akong pagkabilanggo, dili maihap ang mga pagbunal ug sa makadaghan nag-ungaw sa kamatayon.

2 Mga Taga-Corinto 11:4

Kay maayo man kaayo kamong motubay kon adunay motungha nga magwali ug Jesus nga lahi sa among giwali, ug dali ra kaayo kamong modawat ug lahi nga espiritu kay sa inyong nadawat ug lahi nga maayong balita kay sa inyong gidawat.

2 Mga Taga-Corinto 12:11

Karon nahimo ako nga buang! Kamo mao ang nagtukmod kanako kay angay gayod unta nga ako inyong dayegon, kay sa bisan unsa wala ako maulahi nianang mga hawod nga apostoles, bisan tuod ug ako ingon lamang niini.

2 Mga Taga-Corinto 13:3

kay nangita man gayod kamo ug pamatuod nga si Cristo nagsulti pinaagi kanako. Siya dili huyang nganha kaninyo hinuon gamhanan diha kaninyo.

2 Mga Taga-Corinto 5:12

Wala kami magdayeg pag-usab sa among kaugalingon nganha kaninyo, apan naghatag hinuon kaninyo ug higayon sa pagpasigarbo tungod kanamo, aron kamo adunay ikatubag kanila nga nagpasigarbo diha sa dagway lamang ug dili sa diha kasingkasing.

Mga Taga-Galacia 3:29

Ug kon kamo mga iya ni Cristo, kaliwat kamo ni Abraham, mga manununod sumala sa saad.

1 Juan 4:6

Kita iya sa Dios. Ang nakaila sa Dios mamati kanato ug siya nga dili iya sa Dios dili mamati kanato. Pinaagi niini mailhan nato ang espiritu sa kamatuoran ug ang espiritu sa kasaypanan.

1 Samuel 16:7

Apan ang Ginoo miingon kang Samuel, “Ayaw pagtan-aw sa iyang nawong o sa gitas-on sa iyang barog tungod kay ako nagsalikway kaniya, kay ang Ginoo nagtan-aw dili ingon sa makita sa tawo, kay ang tawo nagtan-aw sa panagway sa gawas apan ang Ginoo nagtan-aw sa kasingkasing.”