2 Mga Taga-Corinto 10:10

Ang Biblia 2011

Kay sila nag-ingon, “Ang iyang mga sulat ugdang ug isog apan huyang sa inatubangay ug dili angay tagdon ang iyang pagpanulti.”

Cross References

Exodo 4:10

Apan si Moises miingon sa Ginoo, “O akong Ginoo, dili ako maayong manulti bisan hangtod karon ug bisan sukad sa imong pagpakigsulti sa imong ulipon; kay ako hinay nga mosulti ug yungit ug dila.”

Jeremias 1:6

Unya miingon ako, “Ah, Ginoong Dios! Tan-awa, dili ako mahibalong mosulti, kay usa lamang ako ka batan-on.”

1 Mga Taga-Corinto 1:17

Kay si Cristo wala magpadala kanako aron sa pagpamautismo, kondili sa pagwali sa Maayong Balita, dili pinaagi sa maalamon nga mga pulong, aron ang krus ni Cristo dili mawad-an sa gahom.

1 Mga Taga-Corinto 1:21

Tungod kay, diha sa kaalam sa Dios, ang kalibotan wala man moila sa Dios pinaagi sa kaalam, gikahimut-an sa Dios pinaagi sa kabuang sa atong giwali ang pagluwas kanila nga nagtuo.

2 Mga Taga-Corinto 10:1

Ako gayod, si Pablo, naghangyo kaninyo tungod sa kaaghop ug kalumo ni Cristo—ako nga giingon nga mapaubsanon kon anaa sa inyong atubangan, apan isog kaayo kon layo!

2 Mga Taga-Corinto 10:11

Pasabta ang maong mga tawo nga unsa gani ang among giingon pinaagi sa sulat sa wala kami diha, mao usab kana ang among buhaton inig-anha namo.

2 Mga Taga-Corinto 10:9

Dili ako buot nga masabot nga nanghadlok kaninyo pinaagi sa mga sulat.

2 Mga Taga-Corinto 11:21

Makauulaw man, apan akong isulti nga kami huyang niana. Apan bisag unsay ipasigarbo ni bisan kinsa (nagsulti ako karon ingon nga buangbuang), ako usab makapasigarbo niana.

2 Mga Taga-Corinto 11:6

Ug bisan ako dili batid nga mamumulong, apan sa kahibalo wala ako makulangi, hinuon sa tanang paagi kini gipakita na namo kaninyo diha sa tanang mga butang.

2 Mga Taga-Corinto 13:3

kay nangita man gayod kamo ug pamatuod nga si Cristo nagsulti pinaagi kanako. Siya dili huyang nganha kaninyo hinuon gamhanan diha kaninyo.