2 Mga Taga-Corinto 10:1

Ang Biblia 2011

Ako gayod, si Pablo, naghangyo kaninyo tungod sa kaaghop ug kalumo ni Cristo—ako nga giingon nga mapaubsanon kon anaa sa inyong atubangan, apan isog kaayo kon layo!

Cross References

Salmo 45:4

Diha sa imong pagkahalangdon pagkabayo nga madaogon tungod sa kamatuoran ug sa pagpanalipod sa pagkamatarong; itugot nga ang imong tuong kamot magtudlo kanimo ug mga butang nga makalilisang!

Zacarias 9:9

Paglipay sa hilabihan, O anak nga babaye sa Zion! Singgit ug kusog, O anak nga babaye sa Jerusalem! Tan-awa, ang imong hari mianhi kanimo, malamposon ug madaogon siya, mapaubsanon ug nagsakay sa asno, sa usa ka nati nga asno.

Mateo 11:29

Pas-ana ninyo ang akong yugo ug pagtuon kamo gikan kanako kay ako maaghop ug mapaubsanon sa kasingkasing ug makakaplag kamo ug pahulay alang sa inyong mga kalag.

Mateo 21:5

“Suginli ninyo ang babayeng anak sa Zion, tan-awa, ang imong hari moanha kanimo, malumo ug nagkabayo sa asno, ug sa iyang nati, ang laki nga anak sa asno.”

Mga Buhat 8:32

Ug ang bahin sa kasulatan nga iyang gibasa mao kini: “Sama sa karnero nga gidala ngadto sa ihawan, o sa nating karnero nga hilom sa atubangan sa nagputol sa iyang buhok, wala usab niya bukha ang iyang baba.

Roma 10:20

Ug si Isaias maisogon nga miingon, “Nakit-an ako sa mga tawo nga wala mangita kanako, gipadayag nako ang akong kaugalingon ngadto sa mga wala magpakisayod mahitungod kanako.”

Roma 12:1

Busa naghangyo ako kaninyo mga igsoon, pinaagi sa mga kaluoy sa Dios, sa pagtugyan sa inyong mga lawas isip halad nga buhi, balaan ug makapahimuot sa Dios nga mao ang inyong espirituhanon nga pagsimba.

Roma 15:15

Apan mahitungod sa pipila ka butang nagsulat ako kaninyo nga maisogon agig pagpahinumdom kaninyo, tungod sa grasya nga gihatag kanako sa Dios

1 Mga Taga-Corinto 2:3

Ug ako, diha sa kahuyang ug kahadlok ug sa hilabihan nga pagkurog, nakig-uban kaninyo.

1 Mga Taga-Corinto 4:10

Kami mga buang tungod kang Cristo apan kamo mga maalamon diha kang Cristo. Kami mga huyang, apan kamo mga kusgan. Kamo mga pinasidunggan apan kami mga tinamay.

1 Mga Taga-Corinto 4:21

Unsa may inyong gitinguha? Moanha ba ako kaninyo uban ang bunal o diha ba sa gugma inubanan sa espiritu sa kalumo?

2 Mga Taga-Corinto 10:10

Kay sila nag-ingon, “Ang iyang mga sulat ugdang ug isog apan huyang sa inatubangay ug dili angay tagdon ang iyang pagpanulti.”

2 Mga Taga-Corinto 10:2

Ako nangamuyo kaninyo nga kon anaa na ako diha dili unta ako mapugos sa pagpakita sa kaisog tungod sa akong pagsalig ingon nga buot nakong ipakita niadtong naghunahuna nga kami nagkinabuhi sumala sa unod.

2 Mga Taga-Corinto 10:7

Tan-awa ang anaa sa inyong atubangan. Kon adunay masaligon nga siya iya ni Cristo, papahinumdumi kaniya ang iyang kaugalingon, ingon nga siya iya ni Cristo, mao usab kami.

2 Mga Taga-Corinto 11:21

Makauulaw man, apan akong isulti nga kami huyang niana. Apan bisag unsay ipasigarbo ni bisan kinsa (nagsulti ako karon ingon nga buangbuang), ako usab makapasigarbo niana.

2 Mga Taga-Corinto 11:30

Kon kinahanglan man ako nga magpasigarbo, maoy akong ipasigarbo ang mga butang nga nagpadayag sa akong kahuyang.

2 Mga Taga-Corinto 12:5

Kining tawhana akong ipasigarbo apan sa akong kaugalingon dili ako magpasigarbo gawas sa akong mga kaluyahon.

2 Mga Taga-Corinto 3:12

Busa tungod kay kami nakabaton man sa maong paglaom, kami maisogon,

2 Mga Taga-Corinto 5:20

Tungod kang Cristo kami mga pinadala, sama nga ang Dios naghangyo pinaagi kanamo. Alang kang Cristo, naghangyo kami kaninyo, pasig-uli kamo ngadto sa Dios.

2 Mga Taga-Corinto 6:1

Busa ingon nga mga kaubang magbubuhat diha sa Dios, naghangyo usab kami kaninyo nga dili ninyo dawaton ang grasya sa Dios sa walay kapuslanan.

2 Mga Taga-Corinto 7:4

Aduna akoy dakong pagsalig kaninyo aduna akoy dakong garbo kaninyo, napuno ako sa kalipay. Ug bisan pa sa tanan namong kasakit, nag-awas ang akong kalipay.

Mga Taga-Galacia 4:13

Kamo nasayod nga tungod sa balatian sa akong lawas, nagsangyaw ako kaninyo sa Maayong Balita sa unang higayon.

Mga Taga-Galacia 5:2

Karon, ako, si Pablo, magsulti kaninyo nga kon magpatuli gani kamo, si Cristo dili magpulos kaninyo.

Mga Taga-Efeso 3:1

Tungod niining maong hinungdan, ako, si Pablo, binilanggo ni Cristo Jesus tungod ug alang kaninyo nga mga Gentil,

Mga Taga-Efeso 4:1

Busa, ako nga binilanggo diha sa Ginoo, naghangyo kaninyo nga unta magkinabuhi kamo nga takos gayod sa tawag nga alang niini gitawag kamo,

Mga Taga-Filipos 4:5

Ang inyong pagkamapailobon ipaila ninyo sa tanang mga tawo. Ang Ginoo duol na.

Mga Taga-Colosas 1:23

kon kamo magpadayon gayod sa pagtuo, dili matarog ug lig-on ug dili mobulag sa paglaom sa Maayong Balita nga inyong nadungog nga giwali ngadto sa tanang mga binuhat ilalom sa langit ug nga niini ako, si Pablo, nahimong alagad.

2 Mga Taga-Tesalonica 3:17

Ako, si Pablo nagsulat niini pinaagi sa akong kaugalingong kamot. Mao kini ang ilhanan sa tanan nakong sulat. Mao kini ang akong sinulatan.

Filemon 1:19

Ako si Pablo, nagsulat pinaagi sa akong kamot. Ako mobayad sa walay paghisgot kanimo nga ikaw nakautang kanako bisan gani ang imong kaugalingon.

Filemon 1:9

apan tungod sa gugma ako maghangyo kanimo. Ako, si Pablo nga gulang na ug karon binilanggo usab tungod kang Cristo Jesus,

1 Pedro 2:11

Mga hinigugma, mangamuyo ako kaninyo ingon nga mga dumuduong ug mga langyaw, sa paglikay sa lawasnong mga pangibog nga nakig-away batok sa kalag.

Gipadayag 1:9

Ako, si Juan, ang inyong igsoon ug nakig-ambit uban kaninyo sa kasakit ug sa gingharian ug sa paglahutay diha kang Jesus. Ako didto sa pulo nga gitawag ug Patmos tungod sa pulong sa Dios ug sa pagpamatuod mahitungod kang Jesus.