2 Mga Taga-Corinto 1:17

Ang Biblia 2011

Nagduhaduha ba ako sa akong tinguha pagbuhat niini? Naghimo ba ako sa akong mga laraw ingon sa tawong unodnon, nga dali ra nga moingon ug “Oo” ug unya “Dili” dayon?

Cross References

Jeremias 23:32

Tan-awa, ako batok niadtong nagpropesiya sa mga damgo nga bakak, nag-ingon ang Ginoo, ug nagsulti kanila ug nagpahisalaag sa akong katawhan pinaagi sa ilang kabakakan ug sa ilang pagkadanghag bisan ug wala ako magpadala kanila o magsugo kanila, busa wala sila magpulos niining katawhan, nag-ingon ang Ginoo.

Sofonias 3:4

Ang iyang mga propeta mapatuyangon ug dili kasaligan nga mga tawo; ang iyang mga pari nagpasipala sa unsay balaan, gisupak nila ang Balaod.

Mateo 1:19

Ug si Jose nga iyang bana, tungod kay matarong man siya ug dili buot magpakaulaw kaniya, nakahukom sa pagpakigbulag kaniya sa hilom.

Mateo 5:37

Himoa nga ang inyong isulti ‘Oo’ Kon ‘Oo’, ‘Dili’ kon ‘Dili’, kay bisan unsa nga kapin niini naggikan sa daotan.

Juan 8:15

Naghukom kamo pinaagi sa unod apan wala ako maghukom kang bisan kinsa.

2 Mga Taga-Corinto 1:12

Kay kini mao ang among pasigarbo: ang gipamatuod sa among tanlag mao nga diha sa kayano ug sa diosnong kamatinud-anon, dili diha sa kaalam nga unodnon kondili diha sa grasya sa Dios, nagkinabuhi kami dinhi sa kalibotan ug labaw pa gayod nganha kaninyo.

2 Mga Taga-Corinto 11:18

Ug kay daghan man ang nagpasigarbo sumala sa unod, ako usab magpasigarbo.

Mga Taga-Galacia 1:16

sa pagpadayag sa iyang Anak dinhi kanako aron kini akong isangyaw ngadto sa mga Gentil, wala dayon ako magpakitambag kang bisan kinsa,

Mga Taga-Galacia 2:2

Mitungas ako sumala sa usa ka pagpadayag, ug gipadayag nako kanila ang Maayong Balita nga akong giwali ngadto sa mga Gentil, apan ngadto lamang kanila nga mga tinamod, kay tingali unya ug maningkamot ako o nakapaningkamot na ba hinuon sa wala lamay kapuslanan.

1 Mga Taga-Tesalonica 2:18

Kay kami naninguha gayod sa pag-anha diha kaninyo—ako si Pablo sa makadaghan—apan gisanta kami ni Satanas.

Santiago 5:12

Apan labaw sa tanan, mga igsoon, ayaw gayod kamo panumpa, bisan pinaagi sa langit o pinaagi sa yuta, o sa bisan unsang panumpa, hinuon ang inyong Oo himoa nga Oo, ug ang inyong dili himoa nga dili, aron dili kamo mahiagom sa paghukom.

Mga Maghuhukom 9:4

Ug sila mihatag kaniya ug 70 ka buok salaping plata gikan sa balay ni Baal-berit, nga niini si Abimelek nagsuhol ug mga tawo nga walay pulos ug walay hinungdan, nga misunod kaniya.