2 Mga Taga-Corinto 1:14

Ang Biblia 2011

ingon nga kamo may nasabtan na, aron kamo makapasigarbo kanamo ingon nga kamo amo unyang ikapasigarbo sa adlaw sa atong Ginoong Jesus.

Cross References

Roma 11:25

Mga igsoon, basin unya ug magpakamaalamon kamo sa inyong kaugalingon busa buot nakong makasabot kamo niining maong misteryo: ang kagahi miabot sa usa ka bahin sa Israel hangtod sa panahon nga ang pagkahingpit sa mga Gentil moabot na,

1 Mga Taga-Corinto 1:8

Siya maglig-on kaninyo hangtod sa kataposan, aron dili kamo masaway unya sa adlaw sa atong Ginoong Jesu-Cristo.

1 Mga Taga-Corinto 11:18

Kay una sa tanan, sa dihang magtigom kamo ingon nga iglesia, nakadungog ako nga adunay mga pagkabahinbahin diha kaninyo ug nagtuo ako nga may pagkatinuod kini.

1 Mga Taga-Corinto 15:31

Namatay ako adlaw-adlaw, mga igsoon, sa akong garbo diha kaninyo pinaagi kang Cristo Jesus nga atong Ginoo.

2 Mga Taga-Corinto 2:5

Apan kon aduna may nakapaguol, siya wala maghimo niini kanako, kondili sa igong gidak-on—sa walay pagpalapaw niini—nganha kaninyong tanan.

2 Mga Taga-Corinto 5:12

Wala kami magdayeg pag-usab sa among kaugalingon nganha kaninyo, apan naghatag hinuon kaninyo ug higayon sa pagpasigarbo tungod kanamo, aron kamo adunay ikatubag kanila nga nagpasigarbo diha sa dagway lamang ug dili sa diha kasingkasing.

2 Mga Taga-Corinto 9:2

kay ako nasayod man sa inyong pagkamainiton, nga tungod niini gipasigarbo ko kamo ngadto sa mga tawo sa Macedonia nga ang Acaya andam na sukad pa sa miaging tuig, ug ang inyong kaikag nakapadasig sa kadaghanan kanila.

Mga Taga-Filipos 1:10

aron kamo mouyon sa unsay labing maayo, ug magmaputli ug dili masaway alang sa adlaw ni Cristo,

Mga Taga-Filipos 1:26

aron nga dinhi kanako makabaton kamo ug igong hinungdan sa pagpasigarbo kang Cristo Jesus, tungod sa akong pag-anha pag-usab kaninyo.

Mga Taga-Filipos 1:6

Ug ako masaligon nga siya nga nagsugod ug maayong buhat diha kaninyo maghingpit niini hangtod sa adlaw ni Jesu-Cristo.

Mga Taga-Filipos 2:16

nga nagpadayon sa pagtanyag sa pulong alang sa kinabuhi, aron nga sa adlaw unya ni Cristo ako mapasigarbohon nga ako wala diay magdagan nga walay pulos o maghago nga walay pulos.

Mga Taga-Filipos 4:1

Busa, akong mga igsoon, hinigugma ug hinandom, akong kalipay ug purongpurong, barog kamo nga lig-on diha sa Ginoo, akong mga hinigugma.

1 Mga Taga-Tesalonica 3:13

aron iyang mapalig-on ang inyong mga kasingkasing aron dili masaway diha sa kabalaan sa atubangan sa atong Dios ug Amahan inig-abot unya sa atong Ginoong Jesus uban sa tanan niyang mga balaan.

1 Mga Taga-Tesalonica 5:23

Ang Dios sa pakigdait magbalaan unta kaninyo sa kinatibuk-an, ug ang inyong bug-os nga espiritu, kalag ug lawas magpabilin unta nga dili masaway inig-abot sa atong Ginoong Jesu-Cristo.