2 Mga Taga-Corinto 1:11

Ang Biblia 2011

Kamo usab motabang pinaagi sa pag-ampo alang kanamo, aron daghan ang magpasalamat alang kanamo tungod sa panalangin nga nadawat namo agig tubag sa daghang mga pag-ampo.

Cross References

Isaias 37:4

Tingali nga ang Ginoo nga imong Dios namati sa mga pulong sa Rabsakes nga gipadala sa hari sa Asiria nga iyang agalon aron sa paghagit sa Dios nga buhi, ug mobadlong sa mga pulong nga nadungog sa Ginoo nga imong Dios. Busa ipatugbaw ang imong pag-ampo alang sa salin nga nahabilin.’ ”

Mga Buhat 12:5

Busa si Pedro gibilanggo. Apan gihimo sa iglesia alang kaniya ang mainiton nga pag-ampo ngadto sa Dios.

2 Mga Taga-Corinto 4:15

Kay kining tanan tungod ug alang kaninyo aron nga samtang ang grasya modagaya ngadto sa daghan pang mga tawo, kini makapadagaya unta sa mga pasalamat ngadto sa himaya sa Dios.

2 Mga Taga-Corinto 9:14

Ug sila mangandoy kaninyo ug mag-ampo alang kaninyo tungod sa hilabihan ka dakong grasya sa Dios diha kaninyo.

Mga Taga-Filipos 1:19

Oo, ako usab maglipay kay ako nasayod nga pinaagi sa inyong mga pag-ampo ug sa tabang sa Espiritu ni Jesu-Cristo, kini mosangpot ra alang sa akong kagawasan.

Mga Taga-Colosas 4:3

Ug pag-ampo kamo alang kanamo usab, nga unta ang Dios magbukas kanamo ug ganghaan alang sa pulong, aron pagsugilon sa misteryo ni Cristo, nga tungod niini ako karon nahimong binilanggo,

1 Mga Taga-Tesalonica 5:25

Mga igsoon, pag-ampo kamo alang kanamo.

2 Mga Taga-Tesalonica 3:1

Sa kataposan, mga igsoon, pag-ampo kamo alang kanamo aron ang pulong sa Ginoo motulin unta ug mapasidunggan sama sa nahimo diha kaninyo

Filemon 1:22

Ug andami ako ug kaabotan, kay naglaom ako nga pinaagi sa inyong mga pag-ampo, mahibalik ako kaninyo.

Mga Hebreo 13:18

Pag-ampo kamo alang kanamo, kay kami masaligon nga kami nagbaton ug maayong tanlag, nagtinguha sa pagkinabuhi nga dungganan sa tanang butang.