1 Timoteo 4:3

Ang Biblia 2011

nga magdili sa pagminyo, magdili sa mga pagkaon nga gibuhat sa Dios nga dawaton uban sa pagpasalamat sa mga magtutuo ug nahibalo sa kamatuoran.

Cross References

Genesis 9:3

Ang tanang butang nga naglihok ug buhi mahimong pagkaon alang kaninyo, ug ingon nga gihatag nako kaninyo ang mga lunhawng tanom, gihatag nako kaninyo ang tanan.

Ecclesiastes 5:18

Tan-awa, ang akong nakita nga maayo ug angay mao ang pagkaon ug pag-inom ug pagpangita sa kalipay diha sa tanang paghago, diin ang usa naghago ilalom sa adlaw sa pipila lamang ka adlaw sa iyang kinabuhi nga gihatag sa Dios kaniya kay kini mao man ang iyang bahin.

Daniel 11:37

Dili siya magtagad sa mga dios sa iyang mga katigulangan o sa gihigugma sa mga babaye. Dili siya magtagad sa bisan unsang dios kay siya magpadako sa iyang kaugalingon labaw sa tanan.

Mateo 14:19

Unya iyang gisugo ang panon sa katawhan sa pagpanglingkod sa mga balili. Ug samtang gigunitan niya ang lima ka pan ug duha ka isda, miyahat siya sa langit ug nagpasalamat. Unya iyang gipikaspikas ang mga pan ug gihatag ngadto sa mga tinun-an ug gihatag kini sa mga tinun-an ngadto sa katawhan.

Mateo 15:11

dili ang mosulod sa baba mao ang makapahugaw sa tawo, kondili ang mogula gikan sa baba mao ang makapahugaw sa tawo.”

Mateo 15:36

Ug iyang gikuha ang pito ka pan ug ang mga isda, ug sa nakapasalamat na siya, kini iyang gipikaspikas ug gihatag ngadto sa mga tinun-an ug gipanghatag kini sa mga tinun-an ngadto sa katawhan.

Lucas 24:30

Sa nagtambong siya sa kan-anan uban kanila, siya mikuha ug pan ug nagpasalamat, ug kini iyang gipikaspikas ug gihatag kanila.

Juan 6:23

Apan didtoy mga gagmayng sakayan gikan sa Tiberias nga midunggo duol sa dapit diin sila nangaon ug pan human makapasalamat ang Ginoo.

Mga Buhat 27:35

Ug sa nakasulti na siya niini, mikuha siya ug pan, nagpasalamat siya sa Dios sa atubangan sa tanan ug iya kining gipikaspikas ug misugod siya sa pagkaon.

Roma 14:17

Kay ang gingharian sa Dios dili pagkaon o ilimnon, kondili pagkamatarong ug pakigdait ug kalipay diha sa Espiritu Santo.

Roma 14:3

Ang mokaon ug bisan unsa kinahanglang dili magtamay sa dili mokaon, ug ang dili mokaon ug bisan unsa kinahanglang dili maghukom sa mokaon, kay kini siya gidawat man sa Dios.

Roma 14:6

Ang nagtamod sa adlaw, nagtamod niini sa pagpasidungog sa Ginoo. Ug siya usab nga mokaon nagkaon aron sa pagpasidungog sa Ginoo, kay nagpasalamat man siya sa Dios, ug siya nga dili mokaon wala mokaon aron sa pagpasidungog sa Ginoo; ug nagpasalamat sa Dios.

1 Mga Taga-Corinto 6:13

“Ang pagkaon alang sa tiyan ug ang tiyan alang sa pagkaon,” apan kining duha wad-on sa Dios. Ang lawas dili alang sa salawayong pakighilawas, kondili alang sa Ginoo, ug ang Ginoo alang sa lawas.

1 Mga Taga-Corinto 7:28

Apan kon mangasawa ka man, wala ikaw makasala, ug kon ang dalaga mamana wala siya makasala. Hinuon ang mga minyo makasinati sa kasakit diha sa unod ug buot unta nako nga makalikay kamo gikan niini.

1 Mga Taga-Corinto 8:8

Apan ang pagkaon dili gayod makapaduol kanato ngadto sa Dios. Kon kita dili mangaon, dili kita mahimong labaw ka daotan ug kon kita mangaon, dili kita mahimong labaw ka maayo.

Mga Taga-Colosas 2:16

Busa ayaw tugoti nga adunay maghukom kaninyo mahitungod sa pagkaon ug pag-inom o mahitungod sa kasaulogan o sa bag-ong subang sa bulan o sa adlaw nga igpapahulay.

Mga Taga-Colosas 3:17

Ug bisan unsay inyong buhaton, sa pulong o sa buhat, buhata ang tanan sa ngalan sa Ginoong Jesus, uban sa pagpasalamat ngadto sa Dios nga Amahan pinaagi kaniya.

1 Timoteo 2:4

nga nagtinguha nga ang tanang tawo maluwas ug makaabot sa kahibalo sa kamatuoran.

1 Timoteo 4:4

Kay maayo ang tanang binuhat sa Dios, ug walay ipasalikway kon gidawat kini uban sa pagpasalamat,

1 Timoteo 5:14

Busa buot nako nga mamana ang mga batan-ong biyuda, manganak sila, magdumala sa ilang mga panimalay ug dili maghatag sa kaaway ug higayon sa pagsulti ug mga pagdaot kanato.

Mga Hebreo 13:4

Himoa ninyo nga ang panagtiayon makabaton sa pagtahod sa tanan, ug himoa ninyo nga ang higdaanan sa panagtiayon dili mahugawan, kay ang Dios mosilot gayod sa mga makihilawason ug sa mga mananapaw.

Mga Hebreo 13:9

Ayaw na kamo pagpaanod sa nagkalainlain ug lahi nga mga tinuohan kay ang maayo mao nga ang kasingkasing malig-on pinaagi sa grasya, dili pinaagi sa mga pagkaon nga wala makahatag ug kaayohan kanila nga mga nagkinabuhi subay niini.

1 Samuel 9:13

Sa pag-abot ninyo sa siyudad, makit-an ninyo siya sa dili pa siya motungas sa habog nga dapit aron mokaon, kay ang katawhan dili mangaon hangtod nga siya moabot tungod kay kinahanglan nga panalanginan niya ang halad. Pagkahuman niana silang mga dinapit mangaon. Busa karon panungas na kamo kay makita dayon ninyo siya.”