1 Timoteo 2:1

Ang Biblia 2011

Karon, una sa tanan, ako nag-awhag nga ang mga pangamuyo, mga pag-ampo, mga paghangyo, ug mga pagpasalamat kinahanglang himoon alang sa tanang tawo,

Cross References

Esdras 6:10

aron sila makahalad ug mga halad nga kahimut-an sa Dios sa langit ug mag-ampo alang sa kinabuhi sa hari ug sa iyang mga anak nga lalaki.

Salmo 72:19

Dalaygon ang iyang mahimayaong ngalan hangtod sa kahangtoran; mapuno unta sa iyang himaya ang tibuok nga yuta! Amen ug Amen!

Jeremias 29:7

Apan tinguhaa ninyo ang kaayohan sa siyudad diin didto ko kamo gipabihag, ug pag-ampo kamo sa Ginoo mahitungod niini, kay diha sa kaayohan niini kamo makakaplag sa inyong kaayohan.

Mga Buhat 17:30

Ang Dios wala manumbaling sa mga panahon sa pagkawalay alamag, apan karon nagsugo sa tanang mga tawo sa tanang dapit sa paghinulsol,

Roma 1:8

Una, nagpasalamat ako sa akong Dios pinaagi kang Jesu-Cristo alang kaninyong tanan, kay ang inyong pagtuo nasangyaw man sa tibuok kalibotan.

Roma 6:17

Apan salamat sa Dios nga kamo nga kaniadto ulipon sa sala, karon kinasingkasing na nga nagtuman sa pagtulun-an nga inyong gidawat.

1 Mga Taga-Corinto 15:3

Kay gitugyan nako kaninyo ingon nga labing mahinungdanon sa tanan ang unsay nadawat nako, nga si Cristo namatay alang sa atong mga sala sumala sa kasulatan,

2 Mga Taga-Corinto 8:6

Tungod niini, si Tito among giagda nga padayonon usab niya diha kaninyo ang iyang nasugdan nga buhat sa gugma.

Mga Taga-Efeso 3:13

Busa maghangyo ako kaninyo, nga unta dili kamo maluya tungod sa akong mga pag-antos alang kaninyo; mao kini ang inyong kahimayaan.

Mga Taga-Efeso 5:20

Sa tanang higayon magpasalamat kamo ngadto sa Dios nga Amahan tungod sa tanang mga butang, diha sa ngalan sa atong Ginoong Jesu-Cristo.

Mga Taga-Efeso 6:18

Pinaagi sa bug-os nga pag-ampo ug pagpangamuyo, pag-ampo diha sa Espiritu sa tanang panahon. Alang niini, kinahanglang magtukaw kamo uban sa bug-os nga pagkamapadayonon ug sa pangamuyo alang sa tanang mga balaan

Mga Taga-Filipos 1:3

Gipasalamatan nako ang akong Dios diha sa tanan nakong paghandom kaninyo.

Mga Taga-Filipos 4:6

Ayaw kamo kabalaka mahitungod sa bisan unsang butang, apan sa tanang butang ipahibalo ninyo sa Dios ang inyong mga hangyo pinaagi sa pag-ampo ug sa pagpangamuyo uban ang pagpasalamat.

1 Mga Taga-Tesalonica 3:12

ug ang Ginoo magpatubo ug magpadato kaninyo diha sa gugma sa matag usa ug ngadto sa tanang tawo, sama sa among gibuhat nganha kaninyo,

2 Mga Taga-Tesalonica 1:3

Kinahanglan nga kanunay kaming magpasalamat ngadto sa Dios mahitungod kaninyo, mga igsoon, ingon nga maoy angay, kay ang inyong pagtuo nagtubo man sa hilabihan gayod, ug ang gugma sa matag usa kaninyo nagkadako man alang sa usa ug usa.

1 Timoteo 2:4

nga nagtinguha nga ang tanang tawo maluwas ug makaabot sa kahibalo sa kamatuoran.

1 Timoteo 5:5

Ang babaye nga tinuod gayod nga biyuda, ug nagpuyo nga nag-inusara, nagbutang sa iyang paglaom diha sa Dios ug nagpadayon diha sa mga pagpangamuyo ug sa mga pag-ampo sa gabii ug sa adlaw.

2 Timoteo 2:24

Ug ang ulipon sa Ginoo kinahanglan nga dili palaaway kondili maaghop ngadto sa tanan, maayong motudlo, mainantoson.

Tito 2:11

Ang grasya sa Dios gipadayag alang sa kaluwasan sa tanang tawo,

Tito 3:2

dili magsulti ug daotan mahitungod kang bisan kinsa, magmakigdaiton, magmalumo, ug magpakita sa hingpit nga pagkamatinahuron ngadto sa tanang tawo.

Mga Hebreo 6:11

Ug maoy among gipanghinaot nga unta ang matag usa kaninyo, hangtod sa kataposan, magpakita sa samang paningkamot sa pagkab-ot sa hingpit nga kasigurohan sa paglaom,

Santiago 5:16

Busa ngadto sa usa ug usa pagsinugiray kamo sa inyong mga sala ug pag-ampo kamo alang sa usa ug usa, aron kamo mangaayo. Ang pag-ampo sa tawong matarong dako ug kahimoan.