o sa pagtagad sa minaomaong mga sugilanon ug walay kataposang asoy sa kagikanan, nga naghatag ug hinungdan sa panaglantugi labaw kay sa diosnong buluhaton diha sa pagtuo.
Kay kini mao ang among pasigarbo: ang gipamatuod sa among tanlag mao nga diha sa kayano ug sa diosnong kamatinud-anon, dili diha sa kaalam nga unodnon kondili diha sa grasya sa Dios, nagkinabuhi kami dinhi sa kalibotan ug labaw pa gayod nganha kaninyo.
Ug dili malalis nga dako gayod ang misteryo sa pagkadiosnon: Siya nadayag diha sa lawas, namatud-an nga matarong diha sa Espiritu, nakita sa mga anghel, gisangyaw taliwala sa kanasoran, gituohan dinhi sa kalibotan, gibayaw ngadto sa himaya.
Apan ikaw, O tawo sa Dios, pahilayo niining mga butanga; paningkamoti ang pagkamalahutayon, pagkadiosnon, pagtuo, paghigugma, pagkamainantoson, pagkaaghop.
O Timoteo, matngoni ang mga butang nga gisalig diha kanimo. Likayi ang mga sultisulti nga dili diosnon ug ang mga pagsumpakiay nga gitawag ug kahibalo apan dili tinuod nga kahibalo,
Pahinumdomi sila niini, ug pahimatngoni sila sa atubangan sa Dios sa dili pagpakiglantugi mahitungod sa mga pulong nga dili makahatag ug kaayohan, hinuon makadaot sa mga namati.
Likayi ang mga pangibog nga iya sa kabatan-on ug tinguhaa ang pagkamatarong, pagtuo, gugma ug pakigdait, uban sa mga nagtawag sa Ginoo gikan sa putli nga kasingkasing.
Si Pablo, ulipon sa Dios ug apostol ni Jesu-Cristo, sumala sa pagtuo sa mga pinili sa Dios, ug hingpit nga kahibalo sa kamatuoran sumala sa pagkadiosnon,
Apan likayi ang binuang nga mga pakiglantugi, mga pagsubay sa kagikan, mga pakiglalis ug mga pakig-away mahitungod sa balaod kay kini walay kapuslanan ug kawang lamang.
Ayaw na kamo pagpaanod sa nagkalainlain ug lahi nga mga tinuohan kay ang maayo mao nga ang kasingkasing malig-on pinaagi sa grasya, dili pinaagi sa mga pagkaon nga wala makahatag ug kaayohan kanila nga mga nagkinabuhi subay niini.
Kay wala kami magsubay sa tinumotumong mga sugilanon sa among pagpahibalo kaninyo sa gahom ug pag-anhi sa atong Ginoong Jesu-Cristo, apan kami nakasaksi gayod sa iyang pagkahalangdon.