1 Timoteo 1:3

Ang Biblia 2011

Sumala sa akong pag-agda kanimo sa nagpadulong ako sa Macedonia, magpabilin ikaw sa Efeso aron imong pasidan-an ang pipila ka tawo sa dili pagpanudlo ug lain nga mga pagtulun-an

Cross References

Mga Buhat 18:19

Ug sila miabot sa Efeso ug didto gibiyaan niya sila, ug siya misulod sa sinagoga ug nakiglantugi sa mga Judio.

Mga Buhat 18:21

Apan sa pagpanamilit na niya kanila, siya miingon, “Mobalik ra ako kaninyo kon itugot sa Dios.” Unya milawig siya gikan sa Efeso.

Roma 15:26

Kay gikalipay man sa Macedonia ug Acaya ang paghatag ug amot alang sa mga kabos sa mga balaan didto sa Jerusalem.

Roma 16:17

Naghangyo ako kaninyo mga igsoon, sa pagbantay sa mga naghimo ug mga pagbahinbahin ug mga kapandolan nga supak sa pagtulun-an nga inyong nakat-onan, ug likayi sila.

2 Mga Taga-Corinto 11:4

Kay maayo man kaayo kamong motubay kon adunay motungha nga magwali ug Jesus nga lahi sa among giwali, ug dali ra kaayo kamong modawat ug lahi nga espiritu kay sa inyong nadawat ug lahi nga maayong balita kay sa inyong gidawat.

Mga Taga-Efeso 4:14

aron kita dili magpabilin nga mga bata nga mapadpad ngadto nganhi ug madala sa matag hangin sa doktrina pinaagi sa kaigmat ug lipatlipat sa mga tawo nga batid sa pagmugnag kasaypanan.

Mga Taga-Filipos 2:24

ug ako nagsalig sa Ginoo nga sa dili madugay moanha usab ako.

1 Timoteo 4:11

Isugo ug itudlo kining mga butanga.

1 Timoteo 4:6

Kon kining mga butanga imong itudlo sa mga igsoon, ikaw mahimong maayong alagad ni Cristo Jesus, gimatuto sa mga pulong sa pagtuo ug sa maayong pagtulun-an nga imong gisunod.

1 Timoteo 5:7

Isugo kini aron dili sila masaway.

1 Timoteo 6:10

Kay ang paghigugma sa salapi mao ang gamot sa tanang pagkadaotan ug tungod sa maong pangibog may mga tawo nga nahisalaag gikan sa pagtuo ug ilang giduslak ang ilang kaugalingon sa daghang kasakit.

1 Timoteo 6:17

Sa mga dato niining panahona karon, sugoa sila nga dili magpataas sa ilang kaugalingon o magbutang sa ilang paglaom diha sa walay kasigurohan nga mga bahandi, kondili diha sa Dios nga madagayaong naghatag kanato sa tanang butang alang sa atong kalipay.

1 Timoteo 6:3

Kon adunay tawo nga nagtudlo ug sukwahi niini ug wala mouyon sa maayong mga pulong sa atong Ginoong Jesu-Cristo ug sa pagtulun-an nga sibo sa pagkadiosnon,

2 Timoteo 1:18

Hinaot nga ang Ginoo magtugot kaniya sa pagkakaplag ug kaluoy gikan sa Ginoo niadto unyang adlawa. Ikaw nasayod gayod sa tanang pagpangalagad nga iyang gihimo diha sa Efeso.

2 Juan 1:7

Kay daghang mga malimbongon ang nanungha sa kalibotan, mga tawo nga wala mag-ila nga si Jesu-Cristo mianhi pinaagi sa unod. Mao kini ang malimbongon ug ang kaaway ni Cristo.

Gipadayag 2:14

Apan aduna akoy pipila ka butang batok kanimo: anaa diha kanimo ang pipila nga nagsunod sa gitudlo ni Balaam nga mao ang nagtudlo kang Balak sa pagbutang ug kapandolan sa atubangan sa mga anak ni Israel, pinaagi sa pagdani kanila sa pagkaon sa mga hinalad ngadto sa mga larawan ug sa paghimo ug salawayong pakighilawas.

Gipadayag 2:20

Apan aduna akoy butang nga batok kanimo, imo lamang gipasagdan ang babaye nga si Jezebel nga nag-ingon nga siya propeta ug nga nagtudlo ug nagpahisalaag sa akong mga sulugoon sa paghimo ug salawayong pakighilawas ug sa pagkaon sa mga hinalad ngadto sa mga larawan.