1 Timoteo 1:10

Ang Biblia 2011

sa mga makihilawason, sa mga makig-unay ug isigkalalaki, sa mga mamimihag ug tawo, sa mga bakakon, sa mga tigpanumpa ug bakak, ug bisan unsa pa nga kabatok sa maayong pagtulun-an

Cross References

Genesis 19:5

Unya ilang gitawag si Lot, “Hain ba ang mga tawo nga mianhi kanimo karong gabii? Pagulaa sila nganhi kanamo aron kami makighilawas kanila.”

Genesis 37:27

Ibaligya hinuon nato siya sa mga Ismaelinhon ug dili nato bakyawon ang atong mga kamot batok kaniya kay ato siyang igsoon, atong unod.” Ug mipatuo kaniya ang iyang mga igsoon.

Genesis 40:15

Kay sa pagkatinuod, gikawat ako gikan sa yuta sa mga Hebreo, ug dinhi usab wala akoy nahimo nga kinahanglan ila akong bilanggoon.”

Exodo 20:7

“Ayaw gamita sa walay kapuslanan ang ngalan sa Ginoo nga imong Dios kay ang Ginoo dili mag-isip nga walay sala niadtong naggamit sa walay kapuslanan sa iyang ngalan.

Exodo 21:16

“Si bisan kinsa nga mangdagit ug tawo, ibaligya man kini niya o nakaplagan nga diha sa iyang mga kamot, kinahanglan nga patyon.

Oseas 10:4

Sila naglitok ug kawang nga mga pulong; uban sa walay pulos nga panumpa, sila naghimo ug kasabotan; busa ang paghukom moturok sama sa makahilo nga sagbot diha sa mga tudling sa darohan.

Levitico 18:22

Ayaw pakighilawas sa isigkalalaki sama nga uban sa usa ka babaye, kini dulumtanan.

Levitico 20:13

Kon ang usa ka tawo makighilawas sa isigkalalaki sama nga uban sa usa ka babaye, silang duha nagbuhat ug dulumtanan, silang duha patyon gayod ug sila ra ang sad-an sa ilang kamatayon.

Zacarias 5:4

Pagulaon nako kini, nag-ingon ang Ginoo sa mga panon, ug kini mosulod sa balay sa kawatan, ug sa sulod sa balay niadtong nanumpa ug bakak pinaagi sa akong ngalan, ug magpabilin kini taliwala sa iyang balay ug maglamoy niini uban sa mga kahoy ug mga bato nga anaa niini.”

Zacarias 8:17

Ayaw kamo paglaraw ug daotan diha sa inyong mga kasingkasing batok sa usa ug usa ug ayaw higugmaa ang pagpanumpa ug bakak, kay kining tanang mga butanga akong gidumtan, nag-ingon ang Ginoo.”

Malaquias 3:5

“Unya ako moanha kaninyo aron sa paghukom ug ako mahimong tulin nga saksi batok sa mga tigsalamangka, batok sa mananapaw, batok sa mga nanumpa sa bakak, batok kanila nga nagdaogdaog sa sinuholan pinaagi sa iyang suhol, sa biyuda ug sa ilo, batok sa nagsalikway sa dumuduong, ug wala mahadlok kanako, nag-ingon ang Ginoo sa mga panon.

Juan 8:44

Kamo gikan sa inyong amahan nga mao ang yawa ug nagtinguha kamo sa pagbuhat sa kabubut-on sa inyong amahan. Siya mamumuno gayod sukad pa sa sinugdan, ug walay labot sa kamatuoran kay ang kamatuoran wala man diha kaniya. Sa dihang mamakak siya, magsulti siya tukma sa iyang kaugalingong kinaiya kay siya bakakon man ug amahan sa mga bakak.

Roma 1:26

Tungod niining maong hinungdan, gitugyan sila sa Dios ngadto sa mga pangibog nga makauulaw. Ang ilang kababayen-an miilis sa ilang naandang paggawi ngadto sa paggawi nga supak sa kinaiya.

Deuteronomio 24:7

“Kon ang usa ka tawo masakpan nga nanagit sa usa sa iyang mga igsoon sa katawhan sa Israel, ug kon nag-isip siya niini ingon nga ulipon o iyang gibaligya, ang nagdagit patyon. Sa ingon niini puohon ninyo ang daotan sa inyong taliwala.

1 Timoteo 4:6

Kon kining mga butanga imong itudlo sa mga igsoon, ikaw mahimong maayong alagad ni Cristo Jesus, gimatuto sa mga pulong sa pagtuo ug sa maayong pagtulun-an nga imong gisunod.

1 Timoteo 6:3

Kon adunay tawo nga nagtudlo ug sukwahi niini ug wala mouyon sa maayong mga pulong sa atong Ginoong Jesu-Cristo ug sa pagtulun-an nga sibo sa pagkadiosnon,

2 Timoteo 1:13

Sunda ang sumbanan sa mga maayong pulong nga imong nadungog gikan kanako, diha sa pagtuo ug sa gugma nga anaa kang Cristo Jesus.

2 Timoteo 4:3

Kay moabot ang panahon nga ang mga tawo dili na molahutay sa maayong pagtulun-an, kondili sumala sa ilang kaugalingong mga pangibog, magpatigom sila ug mga magtutudlo nga maghapohap sa ilang nagkatol nga mga dalunggan,

Tito 1:13

Tinuod kini nga pagpamatuod. Busa badlonga sila pag-ayo aron malig-on sila diha sa pagtuo,

Tito 1:9

nga naghupot pag-ayo sa kasaligang pulong sumala sa gitudlo kaniya, aron makahimo siya sa pagdasig pinaagi sa hustong pagtulun-an ug sa pagbadlong sa mga nagsupak niini.

Mga Hebreo 13:4

Himoa ninyo nga ang panagtiayon makabaton sa pagtahod sa tanan, ug himoa ninyo nga ang higdaanan sa panagtiayon dili mahugawan, kay ang Dios mosilot gayod sa mga makihilawason ug sa mga mananapaw.

Judas 1:7

Ingon sa Sodoma ug Gomora ug sa silingang kalungsoran, nga sa samang paagi nagbuhat sa salawayong pakighilawas ug sa pagpatuyang sa kaulag, nahimo silang mga panag-ingnan pinaagi sa pagpahiagom sa silot nga kalayong walay kataposan.

Gipadayag 18:13

kaningag, mga lamas, insenso, mga pahumot, bino, lana sa olibo, pino nga harina ug trigo, mga baka ug mga karnero, mga kabayo ug mga karwahi, ug mga ulipon, nga sa ato pa, mga tawo.

Gipadayag 21:27

Apan dinhi niini walay bisan unsa nga hugaw nga pasudlon, ang naghimo ug mga dulumtanan o bakak, kondili sila lamang nga nasulat diha sa basahon sa kinabuhi nga iya sa Nating Karnero.

Gipadayag 21:8

Apan alang sa mga talawan, sa mga walay pagtuo, sa mga dulumtanan, sa mga mamumuno, ug sa mga makihilawason, sa mga salamangkiro ug sa mga nagsimba ug mga diosdios, ug sa tanang mga bakakon, ang ilang bahin anaa sa linaw nga nagdilaab sa kalayo ug asupri, nga mao ang ikaduhang kamatayon.”

Gipadayag 22:15

Sa gawas anaa ang mga iro, ang mga salamangkiro, ang mga makihilawason, ang mga mamumuno, ang mga nagsimba ug mga diosdios, ug ang tanang nahigugma ug naghimo sa bakak.