1 Samuel 9:4

Ang Biblia 2011

Milatas sila sa kabungtoran sa Efraim, ug sa yuta sa Salisa apan wala nila kini makit-i. Ug miadto sila sa yuta sa Saalim ug wala gihapon kini didto. Unya milatas sila sa yuta sa Benjamin apan wala gayod nila makit-i ang mga asno.

Cross References

Genesis 33:18

Midangat si Jacob nga malinawon didto sa lungsod sa Sekem nga anaa sa yuta sa Canaan gikan sa Padan-aram ug nagkampo siya sa atubangan sa lungsod.

2 Mga Hari 4:42

Dihay usa ka tawo nga gikan sa Baal-salisa nga nagdala sa mga unang bunga ngadto sa tawo sa Dios, 20 ka pan nga sebada ug bag-ong inani nga mga uhay sa trigo diha sa iyang sako. Ug si Eliseo miingon, “Hatagi ang katawhan aron sila makakaon.”

Juan 3:23

Ug si Juan usab namautismo didto sa Aenon duol sa Salim kay daghan man ug tubig didto. Ug ang mga tawo nangadto ug gibautismohan sila.

Josue 19:42

sa Saalabin, sa Aialon, sa Itla,

Josue 24:33

Ug si Eleasar nga anak ni Aaron namatay ug ilang gilubong siya didto sa bungtod sa Gibea, ang lungsod ni Pinehas nga iyang anak nga gihatag kaniya didto sa kabungtoran sa Efraim.

Mga Maghuhukom 17:1

May usa ka tawo sa kabungtoran sa Efraim nga ginganlan ug Mikeas.

Mga Maghuhukom 19:1

Niadtong mga adlawa, sa diha nga walay hari sa Israel, may usa ka Levihanon nga nagpuyo sa layong dapit sa kabungtoran sa Efraim nga nagbaton alang kaniya ug usa ka puyopuyo gikan sa Betlehem sa Juda.

1 Samuel 1:1

May usa ka tawo sa Ramataim-sofim, sa kabungtoran sa Efraim, nga ang ngalan mao si Elkana nga anak nga lalaki ni Jeroham nga anak ni Elihu nga anak ni Tohu nga anak ni Zuf nga Efraimhanon.

1 Samuel 9:3

Unya ang mga asno ni Kis nga amahan ni Saul nangawala. Busa si Kis miingon kang Saul nga iyang anak, “Pagdala ug usa sa mga sulugoon uban nimo, ug lakaw, pangitaa ninyo ang mga asno.”