1 Samuel 9:16

Ang Biblia 2011

“Ugma sa mga ingon niining taknaa padad-an ko ikaw ug usa ka tawo gikan sa yuta sa Benjamin, ug ikaw magdihog kaniya ingon nga pangulo ibabaw sa akong katawhan nga Israel. Siya mao ang moluwas sa akong katawhan gikan sa kamot sa mga Filistihanon, kay akong nakita ang akong katawhan tungod kay ang ilang pagtuaw midangat kanako.”

Cross References

2 Samuel 3:18

Busa karon buhata kini; kay ang Ginoo nagsaad kang David nga nag-ingon, ‘Pinaagi sa kamot sa akong sulugoon nga si David luwason nako ang akong katawhan nga Israel gikan sa kamot sa mga Filistihanon ug gikan sa kamot sa tanan nilang mga kaaway.’ ”

2 Mga Hari 20:5

“Balik ug ingna si Hesekias nga pangulo sa akong katawhan, Kini mao ang gisulti sa Ginoo, ang Dios ni David nga imong amahan: Nadungog nako ang imong pag-ampo, nakita nako ang imong mga luha; ikaw akong ayohon; sa ikatulo nga adlaw kinahanglan nga moadto ikaw sa balay sa Ginoo.

Salmo 102:1

Pamatia ang akong pag-ampo, O Ginoo; padangata ang akong pagtuaw nganha kanimo!

Salmo 106:44

Bisan pa niana, iyang gitagad ang ilang kasakit, sa dihang nadungog niya ang ilang pagtuaw.

Salmo 25:18

Sud-onga ang akong kasakit ug ang akong kalisdanan, ug pasayloa ang tanan nakong mga sala.

Mga Panultihon 16:9

Ang kasingkasing sa tawo maglaraw sa iyang pamaagi, apan ang Ginoo magmando sa iyang mga lakang.

Jeremias 32:8

Unya si Hanamel nga akong ig-agaw miadto kanako sa hawanan sa mga bantay sumala sa pulong sa Ginoo, ug miingon kanako, ‘Palita ang akong uma nga anaa sa Anatot sa yuta ni Benjamin, kay ang katungod sa pagpanag-iya ug sa paglukat imoha; palita kini alang sa imong kaugalingon.’ Unya ako nahibalo nga kini mao ang pulong sa Ginoo.

1 Samuel 10:1

Unya si Samuel mikuha ug usa ka gamayng tibod nga lana ug mibubo niini diha sa ulo ni Saul, ug mihalok kaniya ug miingon, “Wala ba magdihog kanimo ang Ginoo aron mahimong pangulo sa iyang katawhan nga Israel? Ikaw maghari ibabaw sa katawhan sa Ginoo ug magluwas kanila gikan sa mga kaaway nga naglibot kanila. Ug kini mao ang ilhanan kanimo nga ang Ginoo nagdihog kanimo nga mahimong pangulo ibabaw sa iyang panulundon.

1 Samuel 14:20

Unya si Saul ug ang tibuok katawhan nga uban kaniya nagtigom ug nangadto sa gubat, ug ang espada sa matag usa batok sa iyang isigkaingon, ug may dakong kaguliyang.

1 Samuel 14:23

Busa ang Ginoo nagluwas sa Israel niadtong adlawa ug ang gubat misaylo sa Bet-aben.

1 Samuel 15:1

Si Samuel miingon kang Saul, “Ang Ginoo nagpaanhi kanako aron sa pagdihog kanimo ingon nga hari ibabaw sa iyang katawhan nga Israel, busa karon pamati sa mga pulong sa Ginoo.

1 Samuel 16:1

Ang Ginoo miingon kang Samuel, “Unsa ba kadugay ang imong pagbangutan alang kang Saul, nga nakita nimo nga akong gisalikway siya gikan sa pagkahari sa Israel? Sudli ug lana ang imong sungay ug lakaw. Paadtoon ko ikaw kang Jesse nga taga-Betlehem kay ako nagtagana ug usa ka hari alang kanako taliwala sa iyang mga anak.”

1 Samuel 16:3

Ug dapita si Jesse ngadto sa paghalad ug ipakita nako kanimo kon unsay imong buhaton ug ikaw magdihog alang kanako kaniya nga akong nganlan kanimo.”