1 Samuel 9:12

Ang Biblia 2011

Sila mitubag, “Ania siya, nag-una siya kaninyo. Pagdali, karon pa lang siya miabot sa siyudad kay ang katawhan may usa ka paghalad karong adlawa sa habog nga dapit.

Cross References

Genesis 31:54

Unya si Jacob naghimo ug halad didto sa bukid ug gitawag niya ang iyang mga kadugo aron sa pagkaon ug pan ug nangaon sila ug pan, ug nagpabilin sila niadtong gabhiona didto sa bukid.

1 Cronicas 16:39

Iyang gibilin si Zadok nga pari ug ang iyang mga kaigsoonan nga mga pari sa atubangan sa tolda sa Ginoo didto sa habog nga dapit didto sa Gibeon,

1 Samuel 10:5

Human niana, lakaw ngadto sa Gibeat-elohim diin atua didto ang kampo sa kasundalohan sa mga Filistihanon ug unya sa imong pag-abot didto sa siyudad, ikaw makatagbo ug usa ka panon sa propeta nga nanglugsong gikan sa habog nga dapit nga nagdala ug alpa, tambor, plawta ug lira diha kanila nga nagpropesiya.

1 Samuel 16:2

Si Samuel miingon, “Unsaon nako pag-adto? Kon si Saul makadungog niana, iya akong patyon.” Ug ang Ginoo miingon, “Pagdala ug usa ka nating baka ug ingna, ‘Ako mianhi aron sa paghalad alang sa Ginoo.’

1 Samuel 2:35

Magpabarog ako alang sa akong kaugalingon ug usa ka matinumanon nga pari, nga magbuhat sumala sa anaa sa akong kasingkasing ug hunahuna. Ako magtukod alang kaniya ug usa ka lig-on nga balay, ug siya mosulod ug mogawas sa atubangan sa akong dinihogan hangtod sa kahangtoran.

1 Samuel 20:6

Kon mangita gayod kanako ang imong amahan, ingna siya, ‘Si David naghangyo pag-ayo kanako nga siya tugotan pag-adto sa Betlehem nga iyang siyudad kay adunay tinuig nga paghalad didto alang sa tibuok panimalay!’

1 Samuel 7:17

Unya siya adto mouli sa Rama kay atua man didto ang iyang balay, ug didto nagpahamtang usab siya sa hustisya alang sa Israel, ug didto naghimo siya ug usa ka halaran alang sa Ginoo.