1 Samuel 8:9

Ang Biblia 2011

Busa pamatia ang ilang tingog. Hinuon, pasidan-i sila pag-ayo ug saysayi sila sa mga pamaagi sa hari nga magmando kanila.”

Cross References

Jeremias 11:7

Kay ako nagpasidaan sa inyong mga katigulangan sa dihang gidala ko kamo gikan sa yuta sa Ehipto, nagpadayon ako sa pagpasidaan kanila nga nag-ingon, Tumana ang akong tingog.

Ezequiel 3:18

Kon ako moingon ngadto sa daotan, ‘Ikaw mamatay gayod,’ ug ikaw wala maghatag kaniya ug pasidaan o magsulti sa pagbadlong sa daotan gikan sa ngil-ad niyang dalan aron pagluwas sa iyang kinabuhi, ang maong tawo nga daotan mamatay sa iyang kasal-anan, apan ang iyang dugo paninglon nako diha sa imong kamot.

Ezequiel 46:18

Ang pangulo dili makakuha gikan sa panulundon sa katawhan aron sa pagpapahawa kanila gikan sa ilang napanag-iya. Siya maghatag ug panulundon sa iyang mga anak nga lalaki gikan sa iyang kaugalingon nga katigayonan aron walay usa sa akong katawhan nga mapahawa gikan sa iyang katigayonan.”

1 Samuel 10:25

Unya gisultihan ni Samuel ang katawhan sa mga katungod ug mga katungdanan sa pagkahari ug gisulat niya kini sa usa ka basahon ug gibutang kini sa atubangan sa Ginoo. Ug gipalakaw ni Samuel ang tanang tawo, ang matag usa ngadto sa iyang balay.

1 Samuel 12:1

Unya si Samuel miingon sa tibuok Israel, “Ako namati sa inyong tingog sa tanan ninyong gisulti kanako, ug naghimo ug usa ka hari ibabaw kaninyo.

1 Samuel 14:52

Dihay bangis nga pagpakiggubat batok sa mga Filistihanon sa tanang mga adlaw ni Saul, si bisan kinsa nga makit-an ni Saul nga kusgan nga tawo o isog nga tawo, iya kining kuhaon alang kaniya.

1 Samuel 2:13

Ang nabatasan sa mga pari ngadto sa katawhan mao nga kon may maghalad ug inihawng mananap, ang sulugoon sa pari moduol samtang gipabukalan pa ang unod dala ang tinidor nga may tulo ka ngipon,

1 Samuel 8:8

Sumala sa tanang buhat nga ilang gihimo kanako, sukad sa adlaw nga ako nagkuha kanila gikan sa Ehipto hangtod niining adlawa nga ila akong gisalikway ug nag-alagad sa laing mga dios, mao usab ang ilang gihimo nganha kanimo.