1 Samuel 8:19

Ang Biblia 2011

Apan ang katawhan nagdumili sa pagpamati sa tingog ni Samuel ug sila miingon, “Dili! Kinahanglan nga adunay hari ibabaw kanamo,

Cross References

2 Mga Hari 21:9

Apan wala sila mamati ug si Manases midani kanila sa pagbuhat ug daotan nga labaw pa kay sa gihimo sa mga nasod nga gilaglag sa Ginoo sa atubangan sa katawhan sa Israel.

Salmo 81:11

“Apan ang akong katawhan wala mamati sa akong tingog, ang Israel dili buot kanako.

Salmo 81:12

Busa gitugyan nako sila ngadto sa kagahi sa ilang kasingkasing, sa pagsunod sa ilang kaugalingong katuyoan.

Isaias 66:4

ako usab magpili ug kasakitan alang kanila, ug magdala sa ilang mga kahadlok nganha kanila; tungod kay sa diha nga ako nagtawag, walay mitubag, sa diha nga ako misulti, sila wala mamati; apan gihimo nila ang unsay daotan sa akong mga mata, ug gipili kadtong wala nako kahimut-i.”

Jeremias 44:16

“Mahitungod sa pulong nga imong gisulti kanamo pinaagi sa ngalan sa Ginoo, dili kami mamati kanimo.

Jeremias 7:13

Ug karon tungod kay inyong gibuhat kining tanang mga butanga, nag-ingon ang Ginoo, ug sa dihang misulti ako kaninyo, wala kamo mamati ug sa diha nga mitawag ako kaninyo, wala kamo motubag,

Ezequiel 33:31

Ug sila manganha kanimo sama sa katawhan nga manganha, ug sila manglingkod sa imong atubangan ingon nga akong katawhan ug sila mamati sa imong mga pulong, apan sila dili magbuhat niini, kay pinaagi sa ilang mga baba sila magpakita sa hilabihang gugma, apan ang ilang kasingkasing nagsunod sa ilang ganansiya.

Deuteronomio 17:14

“Kon moabot na kamo sa yuta nga gihatag kaninyo sa Ginoo nga inyong Dios ug mapanag-iya ninyo kini ug magpuyo kamo niini ug unya moingon, ‘Magbutang ako ug hari ibabaw nako, sama sa tanang nasod nga naglibot kanako,’

1 Samuel 12:12

Sa diha nga inyong nakita nga si Nahas nga hari sa mga Amonihanon mianhi batok kaninyo, kamo miingon kanako, ‘Dili, apan usa ka hari ang maghari ibabaw kanamo,’ sa diha nga ang Ginoo nga inyong Dios mao ang inyong hari.