1 Samuel 7:8

Ang Biblia 2011

Ang katawhan sa Israel miingon kang Samuel, “Ayaw paghunong sa pag-ampo ngadto sa Ginoo nga Dios alang kanato nga unta magluwas siya kanato gikan sa kamot sa mga Filistihanon.”

Cross References

Isaias 37:4

Tingali nga ang Ginoo nga imong Dios namati sa mga pulong sa Rabsakes nga gipadala sa hari sa Asiria nga iyang agalon aron sa paghagit sa Dios nga buhi, ug mobadlong sa mga pulong nga nadungog sa Ginoo nga imong Dios. Busa ipatugbaw ang imong pag-ampo alang sa salin nga nahabilin.’ ”

Isaias 62:1

Tungod ug alang sa Zion dili ako mohilom, ug tungod ug alang sa Jerusalem dili ako mopahulay, hangtod nga ang iyang pagkamatarong mogula ingon sa kasanag, ug ang iyang kaluwasan ingon sa usa ka sulo nga nagsiga.

Jeremias 27:18

Kon sila mga propeta ug kon ang pulong sa Ginoo anaa kanila, papangamuyoa sila karon sa Ginoo sa mga panon, aron ang mga kagamitan nga nahibilin sa balay sa Ginoo, sa balay sa hari sa Juda ug sa Jerusalem, dili mahiadto sa Babilonia.

Jeremias 42:2

ug sila miingon kang Jeremias nga propeta, “Himoa nga ang among pangamuyo moabot sa imong atubangan, ug pag-ampo alang kanamo ngadto sa Ginoo nga imong Dios, alang niining tanan nga nahibilin kay kami diyotay lamang nga nahibilin gikan sa daghan, ingon nga ang imong mga mata nakakita kanamo,

Santiago 5:16

Busa ngadto sa usa ug usa pagsinugiray kamo sa inyong mga sala ug pag-ampo kamo alang sa usa ug usa, aron kamo mangaayo. Ang pag-ampo sa tawong matarong dako ug kahimoan.