1 Samuel 7:6

Ang Biblia 2011

Busa sila nagtigom didto sa Mispa ug nagkalos ug tubig ug gibubo kini sa atubangan sa Ginoo. Nagpuasa sila niadtong adlawa ug miingon, “Kami nakasala batok sa Ginoo.” Ug si Samuel nahimong maghuhukom sa katawhan sa Israel didto sa Mispa.

Cross References

Genesis 31:49

ug ang haligi Mispa, kay matod niya, “Ang Ginoo magbantay taliwala kanako ug kanimo kon kita layo sa usa ug usa.

2 Samuel 14:14

Kinahanglan nga kitang tanan mamatay, kita sama sa tubig nga nayabo sa yuta nga dili na matigom pag-usab, apan ang Dios dili mobawi sa kinabuhi niadtong nangita ug mga paagi aron kadtong nahimulag dili mahimong usa ka sinalikway.

1 Mga Hari 8:47

apan kon sila makaamgo didto sa yuta diin sila dad-a nga binihag ug maghinulsol ug magpakiluoy kanimo didto sa yuta sa nagbihag kanila ug moingon, ‘Kami nakasala ug nagmasinupakon ug naghimo ug daotan,’

1 Cronicas 11:18

Unya ang tulo misulod sa taliwala sa panon sa mga Filistihanon, ug nagkuha ug tubig gikan sa atabay sa Betlehem, nga didto duol sa ganghaan, ug gidala kini ngadto kang David. Apan si David wala moinom niini, kondili gibubo niya kini alang sa Ginoo,

2 Cronicas 20:3

Unya si Jehosafat nahadlok, ug mipahimutang sa iyang kaugalingon aron sa pagpangita sa Ginoo, ug nagmando ug usa ka pagpuasa sa tibuok Juda.

Nehemias 9:27

Busa ikaw nagtugyan kanila ngadto sa kamot sa ilang mga kaaway nga nagpaantos kanila ug sa panahon sa ilang pag-antos, sila mituaw nganha kanimo ug ikaw namati gikan sa langit. Ug sumala sa imong dakong kaluoy ikaw mihatag kanila ug mga manluluwas nga miluwas kanila gikan sa kamot sa ilang mga kaaway.

Job 16:20

Ang akong mga higala nagyubit kanako; ang akong mata nagpaagas ug mga luha ngadto sa Dios,

Job 3:24

Kay ang akong pagpanghupaw moabot ingon nga akong pagkaon, ug ang akong pag-agulo gibubo sama sa tubig.

Job 33:27

ug siya mag-awit sa atubangan sa mga tawo ug moingon, ‘Ako nakasala, ug gituis nako ang matarong, ug kini wala magpulos kanako.

Job 40:4

“Tan-awa, ako walay pulos, unsa ba ang akong itubag kanimo? Gitapion nako ang akong kamot sa akong baba.

Job 42:6

tungod niini, gitamay nako ang akong kaugalingon, ug naghinulsol diha sa abog ug sa abo.”

Salmo 106:6

Kami ug ang among katigulangan nakasala; nagbuhat kami ug kasal-anan, nagbuhat sa kadaotan.

Salmo 119:136

Ang akong mga mata nagpaagas ug daghang luha tungod kay ang mga tawo wala magtuman sa imong Balaod.

Salmo 42:3

Ang akong mga luha mao ang akong pagkaon sa adlaw ug sa gabii, samtang ang mga tawo kanunay nga nag-ingon kanako, “Hain man ang imong Dios?”

Salmo 6:6

Gikapoyan na ako sa akong pag-agulo; matag gabii gipalunopan nako sa luha ang akong higdaanan; ang akong higdanaan gibasa nako sa akong paghilak.

Salmo 62:8

Salig kamo kaniya sa tanan nga panahon, mga katawhan; ibubo ninyo ang inyong kasingkasing sa atubangan niya; ang Dios mao ang dalangpanan alang kanato. Selah

Jeremias 31:19

Kay human ako mibiya, ako naghinulsol; ug human ako matudloi, akong gihampak ang akong paa; naulaw ako ug ako nalibog, tungod kay ako nag-antos sa kaulawan sa akong pagkabatan-on.’

Jeremias 36:9

Sa ikalima nga tuig ni Jehoiakim nga anak ni Josias, hari sa Juda, sa ikasiyam nga bulan, ang tanang katawhan sa Jerusalem ug ang tanang katawhan nga miabot gikan sa mga siyudad sa Juda ngadto sa Jerusalem nagpahibalo ug usa ka pagpuasa sa atubangan sa Ginoo.

Jeremias 9:1

O katubigan unta ang akong ulo, ug ang akong mga mata tuboran sa mga luha, aron ako maghilak adlaw ug gabii tungod sa mga nangamatay sa anak nga babaye sa akong katawhan!

Mga Pagbangotan 2:11

Ang akong mga mata naluya sa paghinilak; ang akong kalag nasamok; ang akong kasingkasing nabubo ngadto sa yuta tungod sa pagkalaglag sa anak nga babaye sa akong katawhan, tungod kay ang mga bata ug ang mga masuso gipanguyapan diha sa kadalanan sa siyudad.

Mga Pagbangotan 3:49

“Ang akong mga mata magpadagayday nga walay hunong, walay pahulay,

Mga Pagbangotan 5:16

Ang purongpurong nahulog gikan sa among ulo; alaot kami, kay kami nakasala!

Ezequiel 20:4

Hukman ba nimo sila, anak sa tawo, hukman ba nimo sila? Pahibaloa sila sa mga dulumtanan sa ilang katigulangan,

Oseas 5:1

Pamatia kini, O mga pari! Tagda, O balay sa Israel! Paminawa, O balay sa hari! Kay ang paghukom mahitungod kaninyo; kay kamo nahimong lit-ag sa Mispa, ug pukot nga gibukhad didto sa Tabor.

Joel 2:12

“Apan bisan karon,” nag-ingon ang Ginoo, “balik kamo kanako uban ang bug-os ninyong kasingkasing, uban ang pagpuasa, uban ang paghilak ug uban ang pagsubo;

Levitico 16:29

“Kini mahimong usa ka lagda hangtod sa kahangtoran alang kaninyo. Sa ikapito nga bulan, sa ikanapulo nga adlaw sa bulan, hikawi ninyo ang inyong mga kaugalingon ug ayaw kamo pagbuhat ug bisan unsa, lumad man o dumuduong nga nagpuyo sa taliwala kaninyo,

Levitico 26:40

“Apan kon isugid nila ang ilang pagkadaotan ug ang pagkadaotan sa ilang mga katigulangan tungod sa ilang kalapasan nga ilang gihimo batok kanako, ug kay naglakaw man sila batok kanako,

Lucas 15:18

Motindog ako ug moadto sa akong amahan ug ingnon nako siya, “Amahan ko, nakasala ako batok sa langit ug sa imong atubangan.

Josue 18:26

ang Mispe, ang Kefira, ang Mosa,

Mga Maghuhukom 10:10

Unya ang katawhan sa Israel mituaw ngadto sa Ginoo nga nag-ingon “Kami nakasala batok kanimo tungod kay gisalikway namo ang among Dios ug nag-alagad sa mga Baal.”

Mga Maghuhukom 10:15

Ug ang katawhan sa Israel miingon sa Ginoo, “Kami nakasala, buhata kanamo ang bisan unsa nga maayo alang kanimo. Luwasa lamang kami niining adlawa.”

Mga Maghuhukom 2:4

Sa diha nga ang anghel sa Ginoo misulti niining mga pulonga ngadto sa tanang katawhan sa Israel ang katawhan mipatugbaw sa ilang mga tingog ug nanghilak.

Mga Maghuhukom 20:23

Ug ang katawhan sa Israel nangadto ug nanghilak sa atubangan sa Ginoo hangtod sa pagkagabii ug sila nangutana sa Ginoo, “Makig-away ba kami pag-usab batok sa among kaigsoonan nga mga kaliwat ni Benjamin?” Ug ang Ginoo miingon, “Pangadto kamo batok kanila.”

Mga Maghuhukom 20:26

Unya ang tanang katawhan sa Israel, ang tibuok nga kasundalohan, nanungas ug nangadto sa Betel ug nanghilak. Nanglingkod sila didto sa atubangan sa Ginoo ug nagpuasa niadtong adlawa hangtod sa pagkagabii ug naghalad ug mga halad nga sunogon ug mga halad sa pakigdait sa atubangan sa Ginoo.

Mga Maghuhukom 3:10

Ug ang Espiritu sa Ginoo mikunsad kaniya ug siya nahimong maghuhukom sa Israel. Siya miadto sa pagpakiggubat ug ang Ginoo nagtugyan kang Cusan-risataim nga hari sa Mesopotamia ngadto sa iyang kamot ug ang iyang kamot midaog batok kang Cusan-risataim.

1 Samuel 1:15

Apan si Hana mitubag, “Dili, akong agalon. Ako usa ka babaye nga may gikagul-an pag-ayo. Wala ako makainom ug bino o isog nga ilimnon, kondili akong gibubo ang akong kagul-anan diha sa Ginoo.

1 Samuel 10:17

Unya gipatawag ni Samuel ang katawhan ngadto sa Ginoo didto sa Mispa.

1 Samuel 12:10

Unya sila mituaw ngadto sa Ginoo ug miingon, ‘Kami nakasala tungod kay among gitalikdan ang Ginoo ug nag-alagad sa mga Baal ug sa Astarot, apan karon luwasa kami gikan sa kamot sa among mga kaaway ug kami mag-alagad kanimo.’

1 Samuel 7:15

Ug si Samuel nahimong maghuhukom sa Israel sa tanang mga adlaw sa iyang kinabuhi.