1 Samuel 7:3

Ang Biblia 2011

Unya si Samuel miingon sa tibuok nga balay sa Israel, “Kon kamo mamalik sa Ginoo sa tibuok ninyong kasingkasing, isalikway ang mga langyawng dios ug ang Astarot gikan kaninyo. Itumong ang inyong kasingkasing ngadto sa Ginoo, ug mag-alagad kaniya lamang, ug siya magluwas kaninyo gikan sa kamot sa mga Filistihanon.”

Cross References

Genesis 35:2

Busa si Jacob miingon sa iyang panimalay ug sa tanan nga uban kaniya, “Isalikway ninyo ang laing mga dios nga anaa kaninyo, ug panghinlo kamo sa inyong kaugalingon ug pag-ilis kamo sa inyong mga bisti.

1 Mga Hari 11:33

tungod kay ila akong gitalikdan, ug nagsimba sila kang Astarot nga diosa sa mga Sidonhanon, kang Camos nga dios sa Moab ug kang Milcom nga dios sa mga Amonihanon, ug wala sila maglakaw sa akong mga dalan, sa pagbuhat sa matarong diha sa akong panan-aw ug sa pagtuman sa akong mga lagda ug sa akong mga tulumanon, sama sa gihimo ni David nga iyang amahan.

1 Mga Hari 8:48

kon sila maghinusol uban sa tibuok nilang hunahuna ug sa tibuok nilang kasingkasing didto sa yuta sa ilang mga kaaway nga nagbihag kanila ug mag-ampo nganha kanimo nga mag-atubang sa ilang yuta nga imong gihatag sa ilang katigulangan, ang siyudad nga imong gipili ug ang balay nga akong gitukod alang sa imong ngalan,

2 Mga Hari 17:39

apan kahadloki ninyo ang Ginoo nga inyong Dios ug siya magluwas kaninyo gikan sa kamot sa tanan ninyong mga kaaway.”

2 Mga Hari 23:15

Dugang pa, ang halaran nga diha sa Betel, ang habog nga dapit nga gibuhat ni Jeroboam nga anak ni Nebat nga naghimo sa Israel sa pagpakasala, kadtong halaran sa habog nga dapit iyang gilumpag ug gidugmok ang mga bato niini, gipulpog hangtod nga naabo ug gisunog usab niya ang Asera.

1 Cronicas 22:19

Karon ibutang ang inyong hunahuna ug ang inyong kasingkasing sa pagpangita sa Ginoo nga inyong Dios. Pangandam kamo ug tukora ninyo ang balaang puluy-anan sa Ginoo nga Dios aron madala ang sudlanan sa kasabotan sa Ginoo ug ang mga balaang sudlanan sa Dios ngadto sa balay nga tukoron sa ngalan sa Ginoo.”

1 Cronicas 28:9

“Ug ikaw, Solomon nga akong anak, ilha ang Dios sa imong amahan ug alagari siya uban ang tibuok nimong kasingkasing ug uban sa usa ka masinugtanon nga kasingkasing, kay ang Ginoo nagsusi sa tanang mga kasingkasing, ug nakasabot sa tanang mga laraw ug mga hunahuna. Kon imo siyang pangitaon, imo siyang makit-an, apan kon imo siyang biyaan, isalikway ikaw niya hangtod sa kahangtoran.

2 Cronicas 19:3

Hinuon may maayong mga butang nga nakita diha kanimo kay imong gipukan ang mga Asera gikan sa yuta ug gibutang nimo ang imong kasingkasing sa pagpangita sa Dios.”

2 Cronicas 20:33

Apan ang mga habog nga dapit wala kuhaa; ang katawhan wala pa gihapon maggahin sa ilang kasingkasing alang sa Dios sa ilang mga katigulangan.

2 Cronicas 30:19

nga naggahin sa iyang kasingkasing sa pagpangita sa Dios, ang Ginoo, ang Dios sa iyang mga katigulangan, bisan pa ug dili sumala sa balaod sa paghinlo sa balaan nga puluy-anan.”

Mga Panultihon 16:1

Ang mga laraw sa kasingkasing iya sa tawo, apan ang tubag sa dila gikan sa Ginoo.

Isaias 55:7

pabiyaa sa daotan sa iyang dalan, ug ang tawo nga dili matarong sa iyang mga hunahuna; ug pabalika siya sa Ginoo, aron siya maluoy kaniya, ug sa atong Dios, kay siya mopasaylo sa madagayaon gayod.

Jeremias 24:7

Hatagan nako sila ug kasingkasing sa pag-ila nga ako mao ang Ginoo; ug sila mahimo nga akong katawhan ug ako mahimo nga ilang Dios, kay sila mobalik kanako uban sa tibuok nilang kasingkasing.

Jeremias 36:3

Basin pa ug ang balay sa Juda sa diha nga makadungog sa tanang kadaot nga gitinguha nako nga buhaton kanila, ang matag usa kanila mobiya gikan sa daotan niyang pamaagi ug nga mapasaylo nako ang ilang kasaypanan ug ang ilang mga sala.”

Jeremias 4:1

“Kon ikaw mobalik, O Israel, nag-ingon ang Ginoo, mobalik ikaw kanako. Kon kuhaon nimo ang imong mga dulumtanan gikan sa akong atubangan ug dili magduhaduha,

Ezequiel 14:6

“Busa ingna ang balay sa Israel, Mao kini ang giingon sa Ginoong Dios: Paghinulsol kamo, ug biyai ang inyong mga diosdios, ug ilingiw ang inyong mga nawong gikan sa tanan ninyong nga mga dulumtanan.

Ezequiel 18:31

Isalikway gikan kaninyo ang tanan ninyong kalapasan nga inyong gihimo batok kanako, ug bag-oha ninyo ang inyong kasingkasing ug bag-oha ang inyong espiritu! Kay ngano ba nga mamatay kamo, O balay sa Israel?

Oseas 14:1

O Israel, balik ngadto sa Ginoo nga imong Dios, kay ikaw nahisukamod tungod sa imong kasal-anan.

Mateo 15:8

‘Kining mga tawhana nagpasidungog kanako pinaagi sa ilang mga ngabil, apan ang ilang kasingkasing layo kanako.

Mateo 4:10

Unya si Jesus miingon kaniya, “Pahawa, Satanas! Kay nasulat kini, ‘Maoy simbaha ang Ginoo nga imong Dios, ug siya lamang ang alagara.’ ”

Mateo 6:24

“Walay tawo nga makaalagad ug duha ka agalon kay mahitabo man nga dumtan niya ang usa ug higugmaon niya ang usa o dapigan niya ang usa ug tamayon niya ang usa. Dili kamo makaalagad sa Dios ug sa mga bahandi.

Lucas 4:8

Ug si Jesus mitubag kaniya, “Nasulat kini, ‘Simbahon nimo ang Ginoo nga imong Dios, ug siya lamang ang imong alagaran.’”

Juan 4:24

Ang Dios espiritu ug ang mga magsimba kaniya kinahanglang magsimba diha sa espiritu ug sa kamatuoran.”

Deuteronomio 10:20

Kahadloki ninyo ang Ginoo nga inyong Dios. Alagari siya ug pakighiusa kaniya ug panumpa pinaagi sa iyang ngalan.

Deuteronomio 13:4

Sunda ninyo ang Ginoo nga inyong Dios ug kahadloki ninyo siya ug tumana ang iyang mga sugo ug pamatia ang iyang tingog, ug pag-alagad kamo kaniya ug ayaw kamo pagbulag kaniya.

Deuteronomio 4:29

Apan gikan didto mangita kamo sa Ginoo nga inyong Dios ug makakaplag kamo kaniya kon mangita kamo kaniya sa tibuok ninyong kasingkasing ug sa tibuok ninyong kalag.

Deuteronomio 6:13

Kahadloki ninyo ang Ginoo nga inyong Dios. Pag-alagad kamo kaniya ug panumpa pinaagi sa iyang ngalan.

Josue 13:31

ug ang katunga sa Gilead, ang Astarot, ang Edrei, ang mga siyudad sa gingharian ni Og, didto sa Basan. Gihatag kini ngadto sa katawhan ni Makir nga anak ni Manases, sa katunga sa mga Makirhanon sumala sa ilang mga panimalay.

Josue 24:14

“Busa karon kahadloki ninyo ang Ginoo, ug alagari siya diha sa pagkamatinud-anon ug sa pagkamatinumanon. Isalikway ninyo ang mga dios nga gialagaran sa inyong mga ginikanan sa unahan sa Suba ug sa Ehipto ug alagari ang Ginoo.

Josue 24:23

Miingon siya, “Busa isalikway ninyo ang laing mga dios nga anaa uban kaninyo ug ipaduol ang inyong kasingkasing ngadto sa Ginoo, ang Dios sa Israel.”

Mga Maghuhukom 10:16

Busa gisalikway nila ang laing mga dios gikan sa ilang taliwala ug mialagad sa Ginoo. Ug siya nasubo tungod sa kaalaotan sa Israel.

Mga Maghuhukom 10:6

Unya ang katawhan sa Israel nagbuhat pag-usab ug daotan diha sa panan-aw sa Ginoo, ug nag-alagad sa mga Baal ug sa mga Astarot, sa mga dios sa Siria, sa mga dios sa Sidon, sa mga dios sa Moab, sa mga dios sa mga Amonihanon, ug sa mga dios sa mga Filistihanon. Ug ilang gisalikway ang Ginoo ug wala mag-alagad kaniya.

Mga Maghuhukom 2:11

Ang katawhan sa Israel naghimo ug daotan diha sa panan-aw sa Ginoo ug nag-alagad sa mga Baal.

Mga Maghuhukom 2:13

Ilang gibiyaan ang Ginoo, ug mialagad sila sa mga Baal ug sa mga Astarot.

1 Samuel 31:10

Unya gibutang nila ang iyang mga kahimanan sa gubat didto sa templo ni Astarot ug gigaid nila ang iyang lawas didto sa kuta sa Betsan.