1 Samuel 7:17

Ang Biblia 2011

Unya siya adto mouli sa Rama kay atua man didto ang iyang balay, ug didto nagpahamtang usab siya sa hustisya alang sa Israel, ug didto naghimo siya ug usa ka halaran alang sa Ginoo.

Cross References

Genesis 33:20

Ug gipatindog niya didto ang usa ka halaran, ug kini ginganlan niya, “Dios, ang Dios ni Israel.”

Genesis 35:7

Ug nagtukod siya didto ug usa ka halaran, ug gitawag ang maong dapit ug El-Betel kay didto nagpakita kaniya ang Dios, sa pagkagiw niya gikan sa iyang igsoon.

Isaias 10:29

gilatas nila ang walog, didto sa Geba nagpalabay sila sa kagabhion; ang Rama mikurog, ang Gibea ni Saul mikagiw.

Mga Maghuhukom 4:5

Nabatasan niya ang paglingkod sa ilalom sa palmera ni Deborah sa tungatunga sa Rama ug sa Betel sa kabungtoran sa Efraim ug ang katawhan sa Israel moadto kaniya alang sa iyang paghukom.

Mga Maghuhukom 6:24

Unya si Gideon naghimo ug usa ka halaran didto alang sa Ginoo ug gitawag kini, Ang Ginoo mao ang kalinaw. Hangtod niining adlawa nagtindog pa kini didto sa Opra nga ila sa mga kaliwat ni Abieser.

1 Samuel 1:1

May usa ka tawo sa Ramataim-sofim, sa kabungtoran sa Efraim, nga ang ngalan mao si Elkana nga anak nga lalaki ni Jeroham nga anak ni Elihu nga anak ni Tohu nga anak ni Zuf nga Efraimhanon.

1 Samuel 1:19

Sayo sila nga mibangon ug misimba atubangan sa Ginoo. Unya namauli sila sa ilang balay sa Rama. Ug si Elkana nakigdulog kang Hana nga iyang asawa ug ang Ginoo nahinumdom kaniya.

1 Samuel 11:15

Busa ang tanang katawhan nangadto sa Gilgal ug didto gihimo nila si Saul nga hari sa atubangan sa Ginoo didto sa Gilgal. Naghalad sila didto ug mga halad sa pakigdait sa atubangan sa Ginoo ug didto si Saul ug ang tanang mga tawo sa Israel naglipay sa hilabihan gayod.

1 Samuel 14:35

Ug si Saul naghimo ug usa ka halaran sa Ginoo ug mao kadto ang unang halaran nga iyang gitukod alang sa Ginoo.

1 Samuel 15:34

Unya si Samuel miadto sa Rama ug si Saul mitungas ngadto sa iyang balay didto sa Gibea ni Saul.

1 Samuel 2:11

Unya si Elkana mipauli ngadto sa iyang balay sa Rama. Ug ang bata nag-alagad sa Ginoo uban sa pari nga si Eli.

1 Samuel 28:3

Niadtong higayona, si Samuel patay na ug ang tibuok Israel nagbangotan alang kaniya ug gilubong siya didto sa Rama, didto sa iyang kaugalingong siyudad. Gipapahawa ni Saul ang mga tigpakisayod ug mga espiritu ug ang mga tigsalamangka gikan sa yuta.

1 Samuel 8:4

Unya ang tanang kadagkoan sa Israel nagtigom ug nangadto kang Samuel didto sa Rama,

1 Samuel 9:12

Sila mitubag, “Ania siya, nag-una siya kaninyo. Pagdali, karon pa lang siya miabot sa siyudad kay ang katawhan may usa ka paghalad karong adlawa sa habog nga dapit.