1 Samuel 7:15

Ang Biblia 2011

Ug si Samuel nahimong maghuhukom sa Israel sa tanang mga adlaw sa iyang kinabuhi.

Cross References

Mga Maghuhukom 2:16

Unya ang Ginoo nagpatungha ug mga maghuhukom nga nagluwas kanila gikan sa gahom niadtong mga nanulis kanila.

1 Samuel 12:1

Unya si Samuel miingon sa tibuok Israel, “Ako namati sa inyong tingog sa tanan ninyong gisulti kanako, ug naghimo ug usa ka hari ibabaw kaninyo.

1 Samuel 12:11

Ug ang Ginoo nagpadala kang Jerubaal, kang Barak, kang Jefta ug kang Samuel ug nagluwas kaninyo gikan sa kamot sa inyong mga kaaway sa tanang dapit ug nagpuyo kamo nga layo sa kakuyaw.

1 Samuel 25:1

Unya namatay si Samuel, ug ang tibuok nga Israel nagtigom ug nagbangutan alang kaniya, ug gilubong siya didto sa iyang balay sa Rama. Unya si David mitindog ug miadto sa kamingawan sa Paran.

1 Samuel 7:16

Ug siya mag-adtoan matag tuig sa Betel, sa Gilgal ug sa Mispa, ug siya naghukom sa Israel niining mga dapita.

1 Samuel 7:6

Busa sila nagtigom didto sa Mispa ug nagkalos ug tubig ug gibubo kini sa atubangan sa Ginoo. Nagpuasa sila niadtong adlawa ug miingon, “Kami nakasala batok sa Ginoo.” Ug si Samuel nahimong maghuhukom sa katawhan sa Israel didto sa Mispa.