1 Samuel 7:10

Ang Biblia 2011

Samtang naghalad pa si Samuel sa halad nga sunogon, mipaduol ang mga Filistihanon aron sa pagsulong sa Israel, apan ang Ginoo nagpadahunog ug dakong tingog batok sa mga Filistihanon niadtong adlawa ug gipalibog sila, ug gibuntog sa atubangan sa Israel.

Cross References

Salmo 18:15

Unya nakita ang mga agianan sa kadagatan, ug ang mga patukoranan sa kalibotan nadayag, sa imong pagbadlong, O Ginoo, tungod sa pangusmo sa imong ilong.

Salmo 29:3

Ang tingog sa Ginoo anaa ibabaw sa katubigan; ang Dios sa himaya nagdahunog, ang Ginoo ibabaw sa daghang katubigan.

Salmo 29:4

Ang tingog sa Ginoo gamhanan, ang tingog sa Ginoo puno sa pagkahalangdon.

Salmo 78:66

Ug iyang gibuntog ang iyang mga kaaway; gibutang niya sila sa usa ka kaulawan nga walay kataposan.

Zacarias 4:6

Unya siya miingon kanako, “Kini mao ang pulong sa Ginoo ngadto kang Zerubabel: Dili pinaagi sa kusog o pinaagi sa gahom, kondili pinaagi sa akong Espiritu, nag-ingon ang Ginoo sa mga panon.

Deuteronomio 28:7

“Ang Ginoo maghimo nga ang inyong mga kaaway nga moalsa batok kaninyo mabuntog diha sa inyong atubangan. Manggula sila batok kaninyo sa usa ka dalan, ug sa pito ka dalan mokagiw sila gikan kaninyo.

Josue 10:10

Ug gilisang sila sa Ginoo diha sa atubangan sa Israel nga mipatay kanila sa usa ka dakong kamatay didto sa Gibeon ug gigukod sila ngadto sa tungasanan sa Bet-horon ug gilaglag sila hangtod sa Aseka ug ngadto sa Makeda.

Mga Maghuhukom 4:15

Ug gibuntog sa Ginoo si Sisera ug ang tanan niyang mga karwahi ug ang tanan niyang mga kasundalohan pinaagi sa sulab sa espada diha sa atubangan ni Barak. Ug si Sisera mikawas sa iyang karwahi ug midagan.

Mga Maghuhukom 5:20

Gikan sa langit nakig-away ang mga bituon, gikan sa ilang mga agianan nakig-away sila batok kang Sisera.

Mga Maghuhukom 5:8

Sa diha nga napili ang mga bag-ong dios, ang gubat diha sa mga ganghaan. Diha bay usa ka taming o bangkaw nga nakita taliwala sa 40,000 sa Israel?

1 Samuel 12:17

Dili ba ting-ani sa trigo karong adlawa? Ako motawag sa Ginoo aron siya magpadala ug dalugdog ug ulan, ug kamo mahibalo ug makakita nga ang inyong pagkadaotan dako kaayo, nga inyong gihimo diha sa panan-aw sa Ginoo, sa pagpangayo ug usa ka hari alang sa inyong kaugalingon.”

1 Samuel 14:15

May kaguliyang didto sa kampo, sa kapatagan ug sa taliwala sa tibuok katawhan; ang mga sundalo nga nagbantay sa kuta ug ang mga nanulong nangurog, ang yuta milinog, ug kini nahimong dakong kaguliyang.

1 Samuel 2:10

Kadtong makigbatok sa Ginoo, mangapusgay; batok kanila siya modahunog diha sa langit. Ang Ginoo maghukom sa tibuok kalibotan; maghatag siya ug kalig-on sa iyang hari, ug magbayaw sa gahom sa iyang dinihogan.”

1 Samuel 7:11

Ug ang mga tawo sa Israel nanggula gikan sa Mispa ug gigukod ang mga Filistihanon hangtod sa ubos sa Bet-kar ug gipamatay sila.