1 Samuel 6:5

Ang Biblia 2011

Busa kinahanglang maghimo kamo ug mga larawan sa inyong mga hubag ug mga larawan sa inyong mga ilaga nga nagdaot sa yuta ug maghatag kamo ug himaya ngadto sa Dios sa Israel, basin pa nga siya magpagaan sa iyang kamot gikan kaninyo ug sa inyong mga dios ug sa inyong yuta.

Cross References

1 Cronicas 16:28

Ipahinungod ngadto sa Ginoo, O mga panimalay sa katawhan, ipahinungod ngadto sa Ginoo ang himaya ug kusog!

1 Cronicas 16:29

Ipahinungod ngadto sa Ginoo ang himaya nga angay sa iyang ngalan; pagdala ug usa ka halad ug duol sa iyang atubangan! Simbaha ang Ginoo diha sa balaang katahom;

Salmo 18:44

Sa diha nga nakadungog sila mahitungod kanako, mituman sila kanako; ang mga langyaw mitugyan sa ilang kaugalingon kanako.

Salmo 32:4

Kay sa adlaw ug sa gabii ang imong kamot bug-at ibabaw kanako; ang akong kusog nauga sama sa kainit sa ting-init. Selah

Salmo 39:10

Kuhaa ang imong hampak gikan kanako; naut-ot ako pinaagi sa pagbunal sa imong kamot.

Salmo 66:3

Ingna ninyo ang Dios, “Pagkamakalilisang sa imong mga buhat! Hilabihan kadako ang imong gahom nga ang imong mga kaaway nangyukbo kanimo.

Exodo 12:12

Kay molatas ako nianang gabhiona sa yuta sa Ehipto ug pamatyon nako ang tanang kamagulangan sa yuta sa Ehipto, tawo ug mananap, ug hukman nako ang tanang diosdios sa Ehipto. Ako ang Ginoo.

Exodo 8:17

Ug kini gibuhat nila; gituy-od ni Aaron ang iyang kamot uban ang iyang sungkod ug gihampak ang abog sa yuta ug mitungha ang mga tagnok diha sa mga tawo ug sa mga mananap. Ang tanang abog sa yuta nahimong mga tagnok sa tibuok yuta sa Ehipto.

Exodo 8:24

Kini gibuhat sa Ginoo. Mitungha ang dagkong mga panon sa langaw sulod sa balay sa Paraon, sulod sa mga balay sa iyang mga alagad ug sa tibuok yuta sa Ehipto. Ug ang yuta nadaot tungod sa mga panon sa langaw.

Exodo 8:5

Ug ang Ginoo miingon kang Moises, “Ingna si Aaron, ‘Tuy-ora ang imong kamot uban ang imong sungkod ibabaw sa mga suba, sa mga kanal ug sa mga danawan aron patunghaon ang mga baki sa ibabaw sa yuta sa Ehipto.’ ”

Isaias 19:1

Ang mensahe mahitungod sa Ehipto. Tan-awa, ang Ginoo nagsakay sa usa ka tulin nga panganod ug moadto sa Ehipto; ug ang mga diosdios sa Ehipto mangurog sa iyang atubangan, ug ang kasingkasing sa mga Ehiptohanon matunaw sa sulod nila.

Isaias 42:12

Pahimayaa sila sa Ginoo, ug ipapahayag ang pagdayeg kaniya diha sa kapuloan.

Jeremias 13:16

Himayaa ang Ginoo nga imong Dios sa dili pa siya magpadala ug kangitngit, sa dili pa mapandol ang inyong mga tiil sa ngiob nga kabukiran, ug samtang mangita kamo sa kahayag, iya kining gihimo nga kangitngit, ug gihimo kini nga hilabihang kangitngit.

Jeremias 3:13

Angkona lamang ang imong kasal-anan, nga ikaw misupil batok sa Ginoo nga imong Dios, ug nagsabwag sa imong mga pagpahimuot ngadto sa mga langyaw ilalom sa matag lunhawng kahoy, ug wala nimo pamatia ang akong tingog, nag-ingon ang Ginoo.

Joel 2:25

Akong ibalik kaninyo ang mga tuig nga gikaon sa nagpanon nga mga dulon, sa lukton, sa tigpangdaot ug sa tigpamutol, ang akong dako nga kasundalohan nga akong gipadala sa inyong taliwala.

Jonas 3:9

Kinsa ang nasayod kon ang Dios dili ba motalikod ug masubo ug mobiya sa iyang bangis nga kasuko aron dili kita mangamatay?”

Malaquias 2:2

Kon dili kamo mamati, kon dili ninyo kini ibutang sa inyong kasingkasing aron sa paghatag ug himaya sa akong ngalan, nag-ingon ang Ginoo sa mga panon, ipadala nako ang tunglo kaninyo ug tunglohon nako ang inyong mga panalangin. Sa pagkatinuod, gitunglo na nako kini tungod kay wala ninyo kini ibutang sa inyong kasingkasing.

Numeros 33:4

samtang ang mga Ehiptohanon naglubong sa tanan nilang mga kamagulangan nga gipamatay sa Ginoo sa taliwala nila. Ngadto usab sa ilang mga dios, ang Ginoo nagpahamtang ug mga paghukom.

Juan 9:24

Ug sa ikaduhang higayon gitawag nila ang tawo nga kaniadto buta ug miingon sila kaniya, “Ang Dios maoy dayega. Kami nahibalo nga kadtong tawhana usa ka makasasala.”

Josue 7:19

Unya si Josue miingon kang Acan, “Anak ko, ihatag ang himaya sa Ginoo, ang Dios sa Israel ug dayega siya. Ug sultihi ako karon kon unsay imong nabuhat; ayaw kini itago kanako.”

Gipadayag 11:13

Ug niadtong tungora dihay usa ka dakong linog, ug ang ikanapulong bahin sa siyudad nagun-ob, pito ka libo ka tawo ang nangamatay sa linog, ug ang nahibilin nangalisang ug mihatag ug himaya ngadto sa Dios sa langit.

Gipadayag 14:7

Ug sa kusog nga tingog siya miingon, “Kahadloki ninyo ang Dios ug ihatag kaniya ang himaya, kay miabot na ang takna sa iyang paghukom. Ug simbaha ninyo siya nga maoy nagbuhat sa langit ug sa yuta, sa dagat ug sa mga tuboran sa tubig.”

Gipadayag 16:9

Ug ang katawhan nangapaig sa hilabihang kainit, ug nagpasipala sila sa ngalan sa Dios nga may gahom sa ibabaw niining mga katalagman ug wala sila maghinulsol o maghatag kaniya ug himaya.

1 Samuel 5:11

Busa ilang gipasugoan ug gitigom ang tanang pangulo sa mga Filistihanon ug sila miingon, “Ipalayo ang sudlanan sa kasabotan sa Dios sa Israel ug ipabalik kana ngadto sa iyang dapit aron dili kana mopatay kanato ug sa atong katawhan,” kay dihay makamatay nga kalisang sa tibuok nga siyudad. Ang kamot sa Dios bug-at kaayo didto.

1 Samuel 5:9

Apan human kini nila madala ngadto sa Gat, ang kamot sa Ginoo nakigbatok sa siyudad, hinungdan sa dakong kaguliyang, ug gisakit niya ang katawhan sa siyudad, bata ug tigulang pinaagi sa pagdagsang sa mga hubag.

1 Samuel 6:8

Kuhaa ang sudlanan sa kasabotan sa Ginoo ug ibutang kini sa karomata, ug ibutang sa kahon diha sa kilid niini ang mga hulagway nga bulawan nga inyong iuli kaniya, ingon nga usa ka halad tungod sa paglapas. Palakta kini ug pasubaya sa dalan.