1 Samuel 6:3

Ang Biblia 2011

Sila miingon, “Kon ipadala ninyo pagbalik ang sudlanan sa kasabotan sa Dios sa Israel, ayaw kini ipadala nga walay sulod, hinuon paniguroa nga ulian siya ug usa ka halad tungod sa paglapas. Unya kamo mangaayo ug mahibaloan ninyo ngano nga ang iyang kamot wala mobiya gikan kaninyo.”

Cross References

Job 10:2

Akong ingnon ang Dios, Ayaw ako hukmi; ipahibalo kanako kon ngano nga nakigbatok ikaw kanako.

Exodo 23:15

Himoa ninyo ang Kasaulogan sa Pan nga Walay Patubo sumala sa akong gisugo kaninyo. Magkaon kamo ug pan nga walay patubo sulod sa pito ka adlaw sulod sa gitakda nga panahon sa bulan sa Abib, kay niini migula kamo gikan sa Ehipto ug walay si bisan kinsa nga magpakita sa akong atubangan nga walay dala.

Exodo 34:20

Ang kamagulangan sa asno kinahanglan nga inyong lukaton pinaagi sa usa ka nating karnero o kon kini dili ninyo lukaton, balia ang liog niini. Ang tanang kamagulangan sa inyong mga anak nga lalaki kinahanglang inyong lukaton ug walay usa nga magpakita sa akong atubangan nga walay dala.

Exodo 8:15

Apan sa pagkakita sa Paraon nga miarang-arang na, gipagahi niya ang iyang kasingkasing ug wala mamati kanila sumala sa gisulti sa Ginoo.

Levitico 5:6

ug dad-on niya ang iyang halad tungod sa paglapas ngadto sa Ginoo alang sa sala nga iyang nabuhat, usa ka baye gikan sa mga panon, nating karnero o kanding alang sa halad tungod sa sala, ug ang pari maghimo sa pagtabon sa sala alang kaniya, alang sa iyang sala.

Levitico 6:6

Dad-on niya ngadto sa pari ang iyang halad tungod sa paglapas ngadto sa Ginoo, usa ka laking karnero nga walay tatsa gikan sa panon, sumala sa pagbili niini ingon nga halad tungod sa paglapas.

Deuteronomio 16:16

“Sa makatulo sa usa ka tuig ang tanan ninyong mga lalaki kinahanglang magpakita sa atubangan sa Ginoo nga inyong Dios, sa dapit nga pilion niya: sa Kasaulogan sa mga Pan nga Walay Patubo, sa Kasaulogan sa mga Semana ug sa Kasaulogan sa mga Balongbalong. Ug kinahanglang dili sila magpakita nga walay dala sa atubangan sa Ginoo.

1 Samuel 5:11

Busa ilang gipasugoan ug gitigom ang tanang pangulo sa mga Filistihanon ug sila miingon, “Ipalayo ang sudlanan sa kasabotan sa Dios sa Israel ug ipabalik kana ngadto sa iyang dapit aron dili kana mopatay kanato ug sa atong katawhan,” kay dihay makamatay nga kalisang sa tibuok nga siyudad. Ang kamot sa Dios bug-at kaayo didto.

1 Samuel 5:7

Sa diha nga ang mga tawo sa Asdod nakakita sa butang nga nahitabo, sila miingon, “Ang sudlanan sa kasabotan sa Dios sa Israel kinahanglang dili magpabilin uban kanato kay ang iyang kamot bug-at ibabaw kanato ug kang Dagon nga atong dios.”

1 Samuel 5:9

Apan human kini nila madala ngadto sa Gat, ang kamot sa Ginoo nakigbatok sa siyudad, hinungdan sa dakong kaguliyang, ug gisakit niya ang katawhan sa siyudad, bata ug tigulang pinaagi sa pagdagsang sa mga hubag.

1 Samuel 6:8

Kuhaa ang sudlanan sa kasabotan sa Ginoo ug ibutang kini sa karomata, ug ibutang sa kahon diha sa kilid niini ang mga hulagway nga bulawan nga inyong iuli kaniya, ingon nga usa ka halad tungod sa paglapas. Palakta kini ug pasubaya sa dalan.

1 Samuel 6:9

Ug tan-awa, kon kana moagi sa agianan sa iyang kaugalingong yuta ngadto sa Bet-semes, siya mao ang naghimo kanato niining dakong kadaot. Apan kon dili, kita makahibalo nga dili ang iyang kamot ang naghampak kanato, nahitabo kini kanato sumala sa kahigayonan.”