1 Samuel 6:17

Ang Biblia 2011

Mao kini ang mga bulawan nga hubag nga giuli sa mga Filistihanon ingon nga usa ka halad tungod sa paglapas ngadto sa Ginoo: usa alang sa Asdod, usa alang sa Gaza, usa alang sa Askelon, usa alang sa Gat, usa alang sa Ekron.

Cross References

2 Samuel 1:20

Ayaw kini isugilon sa Gat, ayaw kini ibalita sa mga kadalanan sa Askelon; tingali unya ug ang mga anak nga babaye sa mga Filistihanon mangalipay, tingali unya ug ang mga anak nga babaye sa mga dili tinuli manghugyaw.

2 Samuel 21:22

Kining upat nga napatay kaliwat sa mga higanti didto sa Gat, ug sila nangapukan pinaagi sa kamot ni David ug pinaagi sa kamot sa iyang mga sulugoon.

2 Mga Hari 1:2

Unya si Ahasias nahulog sa bintana sa iyang lawak sa itaas didto sa Samaria, ug nasakit siya. Busa nagpadala siya ug mga sinugo ug miingon kanila, “Lakaw ug pangutan-a si Baalsebub, ang dios sa Ekron, kon mamaayo ba ako niining sakita.”

2 Cronicas 26:6

Siya miadto ug nakiggubat batok sa mga Filistihanon ug gilumpag ang kuta sa Gat ug ang kuta sa Jabne, ug ang kuta sa Asdod, ug nagtukod siya ug mga siyudad sa kayutaan sa Asdod, ug sa mga Filistihanon.

Jeremias 25:20

ug ang tanang langyaw uban kanila; ang tanang mga hari sa yuta sa Uz ug ang tanang mga hari sa yuta sa mga Filistihanon—sa Askelon, sa Gasa, sa Ekron, ug sa mga salin sa Asdod;

Levitico 5:7

“Apan kon siya dili makaabot sa pagdala ug usa ka nating karnero, magdala siya ug duha ka tukmo o duha ka kuyabog sa salampati ingon nga halad tungod sa paglapas alang sa Ginoo tungod sa sala nga iyang nahimo, ang usa ingon nga halad tungod sa sala ug ang usa ingon nga halad nga sunogon.

Amos 1:6

Mao kini ang giingon sa Ginoo, “Tungod sa tulo ka kalapasan sa Gaza ug tungod sa upat, dili nako bakwion ang silot; tungod kay ilang gibihag ang tibuok nga katawhan, aron sa pagtugyan kanila ngadto sa Edom.

Amos 6:2

Pangagi kamo ngadto sa Calne, ug tan-awa; ug gikan didto adto kamo sa bantogang Hamat, unya lugsong kamo ngadto sa Gat sa mga Filistihanon. Maayo pa ba sila kay niining maong mga gingharian? O ang ilang kayutaan dako pa ba kay sa inyong kayutaan,

Deuteronomio 28:27

Ang Ginoo maghampak kaninyo pinaagi sa mga hubag didto sa Ehipto ug sa mga kabahong, mga nuka ug mga katol nga dili gayod maayo.

Mga Maghuhukom 1:18

Gikuha usab ni Juda ang Gaza uban ang kayutaan niini, ang Askelon uban ang kayutaan niini ug ang Ekron uban ang kayutaan niini.

Mga Maghuhukom 14:19

Ug ang Espiritu sa Ginoo mikunsad kaniya ug milugsong siya ngadto sa Askelon, ug gipatay niya ang 30 ka tawo sa lungsod ug gikuha ang ilang mga inilog ug gihatag ang mga mahalon nga bisti ngadto sa nagsugilon sa tigmo. Sa hilabihan nga kasuko, mibalik siya ngadto sa balay sa iyang amahan.

Mga Maghuhukom 16:1

Si Samson miadto sa Gaza ug didto nakakita ug usa ka babaye nga nagbaligya sa iyang dungog ug midulog kaniya.

Mga Maghuhukom 16:21

Unya gidakop siya sa mga Filistihanon ug gilugit ang iyang mga mata, ug gidala siya ngadto sa Gaza ug gigapos siya ug bronsi nga kadena ug gihimong tiggaling didto sa bilanggoan.

1 Samuel 5:1

Sa dihang nailog sa mga Filistihanon ang sudlanan sa kasabotan sa Dios, ila kining gidala gikan sa Ebeneser ngadto sa Asdod.

1 Samuel 5:10

Busa ilang gipadala ang sudlanan sa kasabotan sa Dios ngadto sa Ekron. Ug sa diha nga ang sudlanan sa kasabotan sa Dios didto sa Ekron, ang mga tawo sa Ekron naninggit, “Gidala nila ang sudlanan sa kasabotan sa Dios sa Israel kanato aron sa pagpatay kanato ug sa atong katawhan.”

1 Samuel 5:8

Busa ilang gipasugoan ug gitigom ang tanang mga pangulo sa mga Filistihanon ug miingon, “Unsay atong buhaton sa sudlanan sa kasabotan sa Dios sa Israel?” Ug sila mitubag, “Kinahanglang dad-on ang sudlanan sa kasabotan sa Dios sa Israel ngadto sa Gat.” Busa ilang gidala ang sudlanan sa kasabotan sa Dios sa Israel didto.

1 Samuel 6:4

Unya sila miingon, “Unsa ba ang halad tungod sa paglapas nga atong iuli kaniya?” Ug sila mitubag, “Lima ka bulawan nga hubag ug lima ka bulawan nga ilaga sumala sa gidaghanon sa mga pangulo sa mga Filistihanon kay ang maong katalagman diha kaninyong tanan ug sa inyong mga pangulo.