1 Samuel 5:9

Ang Biblia 2011

Apan human kini nila madala ngadto sa Gat, ang kamot sa Ginoo nakigbatok sa siyudad, hinungdan sa dakong kaguliyang, ug gisakit niya ang katawhan sa siyudad, bata ug tigulang pinaagi sa pagdagsang sa mga hubag.

Cross References

Salmo 78:66

Ug iyang gibuntog ang iyang mga kaaway; gibutang niya sila sa usa ka kaulawan nga walay kataposan.

Amos 5:19

ingon sa usa ka tawo nga midagan gikan sa usa ka liyon ug usa ka oso ang mitagbo kaniya; o misulod sa usa ka balay ug misandig nga ang iyang kamot diha sa bungbong, ug ang usa ka bitin mipaak kaniya.

Deuteronomio 2:15

Kay ang kamot gayod sa Ginoo batok kanila aron sa paglaglag kanila gikan sa kampo, hangtod nga nangahanaw sila.

1 Samuel 12:15

Apan kon dili kamo mamati sa tingog sa Ginoo, hinuon mosukol kamo batok sa sugo sa Ginoo, ang kamot sa Ginoo makigbatok kaninyo ug sa inyong hari.

1 Samuel 5:10

Busa ilang gipadala ang sudlanan sa kasabotan sa Dios ngadto sa Ekron. Ug sa diha nga ang sudlanan sa kasabotan sa Dios didto sa Ekron, ang mga tawo sa Ekron naninggit, “Gidala nila ang sudlanan sa kasabotan sa Dios sa Israel kanato aron sa pagpatay kanato ug sa atong katawhan.”

1 Samuel 5:11

Busa ilang gipasugoan ug gitigom ang tanang pangulo sa mga Filistihanon ug sila miingon, “Ipalayo ang sudlanan sa kasabotan sa Dios sa Israel ug ipabalik kana ngadto sa iyang dapit aron dili kana mopatay kanato ug sa atong katawhan,” kay dihay makamatay nga kalisang sa tibuok nga siyudad. Ang kamot sa Dios bug-at kaayo didto.

1 Samuel 5:6

Ang kamot sa Ginoo bug-at diha sa katawhan sa Asdod; iyang gilisang ug gipaantos sila pinaagi sa mga hubag, ang Asdod lakip ang kayutaan niini.

1 Samuel 6:11

Ilang gibutang ang sudlanan sa kasabotan sa Ginoo sa ibabaw sa karomata ug ang kahon nga gisudlan ug mga bulawang ilaga ug mga larawan sa ilang mga hubag.

1 Samuel 7:13

Busa ang mga Filistihanon nabuntog ug wala na sila mosulod pag-usab sa kayutaan sa Israel. Ang kamot sa Ginoo nakigbatok sa mga Filistihanon sa tanang mga adlaw ni Samuel.