1 Samuel 5:6

Ang Biblia 2011

Ang kamot sa Ginoo bug-at diha sa katawhan sa Asdod; iyang gilisang ug gipaantos sila pinaagi sa mga hubag, ang Asdod lakip ang kayutaan niini.

Cross References

Genesis 41:31

Ug kadtong kadagaya dili na mahinumdoman tungod sa gutom nga mosunod nga hilabihan gayod.

Job 31:3

Dili ba katalagman ang modangat sa mga dili matarong, ug kadaotan alang sa mga tigbuhat ug kalapasan?

Salmo 145:20

Ang Ginoo manalipod sa tanan nga nahigugma kaniya apan ang tanang mga daotan iyang laglagon.

Salmo 147:6

Ang Ginoo nagtuboy sa mga giyatakan, iyang gipalukapa ang daotan ngadto sa yuta.

Salmo 32:4

Kay sa adlaw ug sa gabii ang imong kamot bug-at ibabaw kanako; ang akong kusog nauga sama sa kainit sa ting-init. Selah

Salmo 78:66

Ug iyang gibuntog ang iyang mga kaaway; gibutang niya sila sa usa ka kaulawan nga walay kataposan.

Exodo 9:3

ang kamot sa Ginoo magpahamtang ug makalilisang nga kamatay nganha sa imong kahayopan nga anaa sa kaumahan, sa mga kabayo, sa mga asno, sa mga kamilyo, sa mga baka, ug sa mga karnero.

Mga Buhat 13:11

Ug karon, tan-awa, ang kamot sa Ginoo anaa ibabaw kanimo, ug ikaw mabuta ug dili na makakita sa adlaw sulod sa usa ka panahon.” Dihadiha miabot kaniya ang gabon ug kangitngit ug naglibotlibot siya sa pagpangita ug makaagak kaniya.

Deuteronomio 28:27

Ang Ginoo maghampak kaninyo pinaagi sa mga hubag didto sa Ehipto ug sa mga kabahong, mga nuka ug mga katol nga dili gayod maayo.

1 Samuel 5:11

Busa ilang gipasugoan ug gitigom ang tanang pangulo sa mga Filistihanon ug sila miingon, “Ipalayo ang sudlanan sa kasabotan sa Dios sa Israel ug ipabalik kana ngadto sa iyang dapit aron dili kana mopatay kanato ug sa atong katawhan,” kay dihay makamatay nga kalisang sa tibuok nga siyudad. Ang kamot sa Dios bug-at kaayo didto.

1 Samuel 5:7

Sa diha nga ang mga tawo sa Asdod nakakita sa butang nga nahitabo, sila miingon, “Ang sudlanan sa kasabotan sa Dios sa Israel kinahanglang dili magpabilin uban kanato kay ang iyang kamot bug-at ibabaw kanato ug kang Dagon nga atong dios.”

1 Samuel 5:9

Apan human kini nila madala ngadto sa Gat, ang kamot sa Ginoo nakigbatok sa siyudad, hinungdan sa dakong kaguliyang, ug gisakit niya ang katawhan sa siyudad, bata ug tigulang pinaagi sa pagdagsang sa mga hubag.