1 Samuel 5:4

Ang Biblia 2011

Apan sa ilang pagbangon sayo sa pagkasunod buntag, si Dagon natumba na usab sa atubangan sa sudlanan sa kasabotan sa Ginoo, ug ang ulo ni Dagon ug ang duha niini ka kamot nangaputol nga didto na nahimutang sa tugkaran ug ang lawas ni Dagon mao ray nahibilin kaniya.

Cross References

Isaias 27:9

Tungod niini ang kasal-anan ni Jacob pasayloon, ug kini mao ang kinatibuk-an nga bunga sa pagkuha sa iyang sala, sa diha nga mahimo niya ang tanang mga bato sa mga halaran sama sa mga bato nga anapog nga gipulpog, wala nay mga Asera o mga halaran sa insenso nga magpabiling magtindog.

Isaias 40:20

Kadtong kabos kaayo magpili ug kahoy nga dili madunot ingon nga iyang halad; siya nangita ug usa ka batid nga tigbuhat aron sa paghimo ug usa ka larawan nga dili molihok.

Jeremias 10:11

Mao kini ang isulti ninyo kanila, “Ang mga diosdios nga wala magbuhat sa kalangitan ug sa yuta mangahanaw gikan sa yuta ug gikan sa ubos sa kalangitan.”

Jeremias 10:14

Ang matag tawo hungog ug walay kahibalo; ang matag tigsalsal ug bulawan gipakaulawan pinaagi sa iyang mga diosdios; kay ang iyang mga nga larawan kabakakan, ug walay gininhawa diha kanila.

Jeremias 10:15

Sila walay bili, usa ka buhat sa limbong; sa panahon sa pagsilot kanila, sila mangalaglag.

Jeremias 50:2

“Isulti ninyo sa mga nasod ug ipahibalo, ug pagpatindog ug usa ka bandila ug ipahibalo, ayaw kini tagoa, ug isulti: ‘Ang Babilonia nailog na, si Bel gipakaulawan, si Merodak nalisang. Ang iyang mga larawan gipakaulawan, ang iyang mga diosdios nangalisang.’

Daniel 11:8

Iyang dad-on ngadto sa Ehipto ang ilang mga dios uban sa mga tinunaw nga larawan ug sa ilang mahalon nga mga sudlanan nga plata ug bulawan, ug sulod sa pipila ka tuig siya maglikay sa pagsulong sa hari sa amihanan.

Miqueas 1:7

Ang tanan niyang mga kinulit nga larawan dugmokon, ang tanan niya nga suhol sunogon sa kalayo, ug ang tanan niyang mga diosdios akong wagtangon; kay siya nagtigom kanila gikan sa suhol sa usa ka babayeng nagbaligya ug dungog, ug sila mobalik ngadto sa suhol sa usa ka babayeng nagbaligya ug dungog.

1 Samuel 6:5

Busa kinahanglang maghimo kamo ug mga larawan sa inyong mga hubag ug mga larawan sa inyong mga ilaga nga nagdaot sa yuta ug maghatag kamo ug himaya ngadto sa Dios sa Israel, basin pa nga siya magpagaan sa iyang kamot gikan kaninyo ug sa inyong mga dios ug sa inyong yuta.