1 Samuel 5:2

Ang Biblia 2011

Unya gikuha sa mga Filistihanon ang sudlanan sa kasabotan sa Dios ug gidala kini ngadto sa balay ni Dagon ug gibutang kini tupad kang Dagon.

Cross References

1 Cronicas 10:10

Ilang gibutang ang iyang hinagiban sa templo sa ilang mga dios ug gihigot ang iyang ulo didto sa templo ni Dagon.

1 Cronicas 10:8

Sa pagkaugma, sa diha nga ang mga Filistihanon nangabot aron panguhaan ang mga patay, nakita nila nga si Saul ug ang iyang mga anak nga lalaki nangapukan didto sa bukid sa Gilboa.

Daniel 5:2

Si Belsasar, sa dihang makainom na sa bino, nagsugo nga dad-on ang mga kupa nga bulawan ug plata nga nakuha sa iyang amahan nga si Nabucodonosor gikan sa Templo sa Jerusalem aron ang hari ug ang iyang mga kadagkoan, ang iyang mga asawa ug ang iyang mga puyopuyo makainom gikan niini.

Daniel 5:23

Apan nagmapahitas-on ikaw sa imong kaugalingon batok sa Ginoo sa langit ug ang mga galamiton sa iyang balay gidala nganhi sa imong atubangan ug ikaw ug ang imong mga kadagkoan, ang imong mga asawa ug ang imong mga puyopuyo nanginom sa bino gikan niini. Ug gidayeg nimo ang mga dios nga plata ug bulawan, bronsi, puthaw, kahoy ug bato nga dili makakita o makadungog o makaila, apan ang Dios nga sa iyang kamot anaa ang imong gininhawa ug iya ang tanan nimong mga pamaagi, wala nimo pasidunggi.

Habacuc 1:11

Unya sila mohuros sama sa hangin ug mopadayon, mga tawong sad-an, nga ang kaugalingong kusog mao ang ilang dios!

Habacuc 1:16

Busa naghalad siya alang sa iyang pukot, ug nagsunog ug insenso alang sa iyang baling; kay pinaagi kanila nagkinabuhi siya diha sa kaharuhay ug daghan ang iyang pagkaon.

Mga Maghuhukom 16:23

Ang mga pangulo sa mga Filistihanon nagtigom aron sa paghimo ug usa ka dakong halad ngadto kang Dagon nga ilang dios ug aron sa paglipay. Kay sila miingon, “Ang atong dios nagtugyan kang Samson nga atong kaaway nganhi sa atong kamot.”