1 Samuel 4:8

Ang Biblia 2011

Pagkaalaot nato! Kinsa ba ang makaluwas kanato gikan sa kamot niining gamhanang Dios? Mao kini ang Dios nga nagpaantos sa mga Ehiptohanon pinaagi sa nagkalainlaing katalagman didto sa kamingawan.

Cross References

Exodo 15:14

Ang mga katawhan nakadungog, ug sila nangurog; gihakop sa mga kasakit ang nagpuyo sa Filistia.

Exodo 7:5

Ug ang mga Ehiptohanon mahibalo nga ako mao ang Ginoo, sa diha nga tuy-oron nako ang akong kamot batok sa Ehipto ug kuhaon nako ang katawhan sa Israel gikan sa taliwala nila.”

Exodo 9:14

Kay niining panahona ako magpadala sa tanan nakong katalagman diha sa imong kasingkasing, sa imong mga alagad ug sa imong katawhan, aron ikaw mahibalo nga walay usa nga sama kanako sa tibuok kalibotan.

Gipadayag 11:6

Sila may kagahom sa pagtak-op sa langit aron walay ulan nga moabot sulod sa mga adlaw sa ilang pagpropesiya, ug sila may kagahom ibabaw sa katubigan aron sa paghimo niini nga dugo, ug sa paghampak sa yuta pinaagi sa tanang katalagman, bisan makapila sumala sa buot nila.

1 Samuel 4:7

ang mga Filistihanon nangahadlok nga nag-ingon, “Ang Dios nahiabot sa kampo.” Ug sila miingon, “Pagkaalaot nato! Kay walay usa ka butang nga nahitabo nga sama niini sukad masukad.

1 Samuel 4:9

Paglig-on kamo ug pagpakalalaki, O mga Filistihanon, aron dili kamo maulipon sa mga Hebreo, ingon nga kaniadto sila naulipon ninyo; pagpakalalaki ug pakig-away kanila.”

1 Samuel 5:7

Sa diha nga ang mga tawo sa Asdod nakakita sa butang nga nahitabo, sila miingon, “Ang sudlanan sa kasabotan sa Dios sa Israel kinahanglang dili magpabilin uban kanato kay ang iyang kamot bug-at ibabaw kanato ug kang Dagon nga atong dios.”