1 Samuel 4:4

Ang Biblia 2011

Busa ang katawhan nagpasugo ngadto sa Silo ug ilang gikuha gikan didto ang sudlanan sa kasabotan sa Ginoo sa mga panon nga naglingkod ibabaw sa mga kerubin. Ang duha ka anak nga lalaki ni Eli nga si Hopni ug si Pinehas didto uban sa sudlanan sa kasabotan sa Dios.

Cross References

2 Samuel 15:24

Unya miabot si Abiatar ug si Zadok usab uban sa tanang mga Levihanon nga nagdala sa sudlanan sa kasabotan sa Dios, ug gipahiluna nila ang sudlanan sa kasabotan sa Dios hangtod nga ang tanang katawhan nakalabay gikan sa siyudad.

2 Samuel 6:2

Ug si David mitindog ug miuban sa tibuok katawhan nga didto uban kaniya, gikan sa Baale-juda aron sa pagdala gikan didto sa sudlanan sa kasabotan sa Dios, nga gitawag pinaagi sa ngalan sa Ginoo sa mga panon nga naglingkod sa ibabaw sa mga kerubin.

2 Mga Hari 19:15

Ug si Hesekias nag-ampo sa Ginoo nga nag-ingon, “O Ginoo, ang Dios sa Israel, nga naglingkod ibabaw sa mga kerubin, ikaw ang Dios, ikaw lamang, sa tanang gingharian sa yuta, ikaw ang nagbuhat sa langit ug sa yuta.

Salmo 80:1

Pamati, O Magbalantay sa Israel, ikaw nga nagmando kang Jose sama sa usa ka panon sa mga karnero! Ikaw nga naglingkod ibabaw sa kerubin, dan-ag

Salmo 80:2

sa atubangan ni Efraim ug ni Benjamin ug ni Manases! Pukawa ang imong gahom, ug dali ngari aron sa pagluwas kanamo.

Salmo 99:1

Ang Ginoo naghari; pakuroga ang mga katawhan! Siya naglingkod ibabaw sa mga kerubin; palinoga ang yuta!

Isaias 37:16

“O Ginoo sa mga panon, ang Dios sa Israel, nga naglingkod ibabaw sa mga kerubin, ikaw mao ang Dios, ikaw lamang, sa tanang mga gingharian sa yuta, ikaw ang nagbuhat sa langit ug sa yuta.

Malaquias 1:9

Ug karon pagpakiluoy sa Dios aron siya magmaluluy-on kanato. Pinaagi nianang gasa gikan sa inyong kamot, magpakita ba siya ug kaluoy kang bisan kinsa kaninyo? nag-ingon ang Ginoo sa mga panon.

Numeros 4:15

Ug sa dihang mahuman na ni Aaron ug sa iyang mga anak ang pagtabon sa balaang dapit ug sa tanang mga kasangkapan sa balaang dapit, sa diha nga mobiya na ang mga nagkampo, human niini, ang mga lalaki nga kaliwat ni Kohat moadto aron sa pagpas-an niini apan kinahanglang dili sila mohikap sa balaang mga butang aron sila dili mamatay. Mao kini ang mga butang sa Tolda nga Tagboanan nga dad-onon sa mga kaliwat ni Kohat.

Numeros 4:5

Sa diha nga mogikan na ang mga nagkampo, si Aaron ug ang iyang mga anak nga lalaki mosulod ug manangtang sa tabil sa salimbong ug kini itabon nila sa sudlanan sa pagpamatuod.

Numeros 7:89

Ug sa pagsulod ni Moises sa tolda nga tagboanan aron sa pagpakigsulti sa Ginoo, iyang nadungog ang tingog nga nagsulti kaniya gikan sa ibabaw sa tabon nga diha sa ibabaw sa sudlanan sa pagpamatuod, gikan sa taliwala sa duha ka mga kerubin, ug kini nakigsulti kaniya.

1 Samuel 1:24

Sa diha nga gilutas na niya siya, gidala niya siya uban ang torong baka nga tulo ka tuig ang kagulangon, ug usa ka epha nga harina ug usa ka sudlanan nga panit nga bino, ug gidala siya ngadto sa balay sa Ginoo didto sa Silo, ug ang bata linghod pa ang panuigon.

1 Samuel 14:3

Ug si Ahias nga anak ni Ahitub nga igsoong lalaki ni Icabod nga anak ni Pinehas nga anak ni Eli, ang pari sa Ginoo sa Silo, nagsul-ob ug ephod. Ug ang katawhan wala mahibalo nga si Jonatan milakaw.

1 Samuel 2:22

Niining higayona si Eli tigulang na kaayo ug nadungog niya ang tanan nga gibuhat sa iyang mga anak nga lalaki sa tibuok Israel, ug giunsa nila sa pagdulog sa mga babaye nga nag-alagad didto sa ganghaan sa tolda nga tagboanan.