1 Samuel 4:3

Ang Biblia 2011

Sa diha nga ang mga tawo miabot na sa kampo, ang mga kadagkoan sa Israel miingon, “Nganong gipabuntog man kita sa Ginoo niining adlawa sa atubangan sa mga Filistihanon? Atong kuhaon ang sudlanan sa kasabotan sa Ginoo gikan sa Silo ug dad-on nato dinhi aron moanhi siya sa atong taliwala ug magluwas kanato gikan sa kamot sa atong mga kaaway.”

Cross References

2 Samuel 15:25

Unya ang hari miingon kang Zadok, “Dad-a pagbalik ang sudlanan sa kasabotan sa Dios ngadto sa siyudad. Kon makakaplag ako ug kaluoy sa mga mata sa Ginoo, siya modala kanako pagbalik ug magpakita kanako niini ug sa iyang puluy-anan.

1 Cronicas 17:1

Unya sa diha nga si David mipuyo sa iyang balay, si David miingon ngadto kang Natan nga propeta, “Tan-awa, ako nagpuyo sa usa ka balay nga cedro apan ang sudlanan sa kasabotan sa Ginoo anaa sa tolda.”

Salmo 74:1

O Dios, nganong gisalikway nimo kami hangtod sa kahangtoran? Ngano ba nga nag-aso ang imong kapungot batok sa mga karnero sa imong sibsibanan?

Salmo 74:11

Ngano ba nga gipugngan nimo ang imong kamot, ang tuo nimong kamot? Nganong gitipigan nimo kini sa imong dughan?

Isaias 50:1

Mao kini ang giingon sa Ginoo, “Hain man ang sulat sa pakigbulag sa imong inahan, nga pinaagi niini siya akong gibiyaan? O kinsa sa akong mga gikautangan ang gibaligyaan nako kaninyo? Tan-awa, tungod sa inyong mga kasal-anan nabaligya kamo, ug tungod sa inyong mga paglapas gibiyaan ang inyong inahan.

Isaias 58:3

‘Ngano man nga kami nagpuasa, ug ikaw wala makakita niini? Ngano nga nagpaubos kami sa among kaugalingon, ug ikaw wala makamatikod niini?’ Tan-awa, sa adlaw sa inyong pagpuasa kamo nangita sa kaugalingon ninyong kalipay, ug nagdaogdaog sa tanan ninyong mamumuo.

Isaias 59:1

Tan-awa, ang kamot sa Ginoo dili mubo nga kini dili makaluwas, o ang iyang dalunggan bungol, nga kini dili makadungog;

Isaias 59:2

apan ang inyong mga kasal-anan maoy nakapahimulag kaninyo ug sa inyong Dios, ug ang inyong mga sala nakapatago sa iyang nawong gikan kaninyo, nga tungod niana siya dili makadungog.

Jeremias 3:16

Ug sa diha nga kamo mosanay ug modaghan sa yuta, nianang mga adlawa, nag-ingon ang Ginoo, dili na sila moingon, “Ang sudlanan sa kasabotan sa Ginoo.” Dili kini moabot sa hunahuna o mahinumdomanan, o pangitaon; dili na kini buhaton pag-usab.

Jeremias 7:4

Ayaw kamo pagsalig niining bakakong mga pulong, ‘Mao kini ang Templo sa Ginoo, ang Templo sa Ginoo, ang Templo sa Ginoo.’

Numeros 10:33

Busa mipanaw sila gikan sa bukid sa Ginoo sulod sa tulo ka adlaw nga paglakaw ug ang sudlanan sa kasabotan sa Ginoo nag-una kanila sulod sa tulo ka adlaw nga panaw sa pagpangita ug dapit nga kapahulayan alang kanila.

Numeros 10:35

Sa dihang mogikan ang sudlanan sa kasabotan, si Moises moingon, “Tindog, O Ginoo, ug patibulaaga ang imong mga kaaway ug pakagiwa gikan sa imong atubangan kadtong nagdumot kanimo.”

Numeros 31:6

Ug si Moises mipadala kanila ngadto sa gubat, usa ka libo gikan sa matag banay, uban kang Pinehas nga anak ni Eleasar nga pari, uban ang mga galamiton sa balaang dapit ug ang mga trumpeta alang sa pagpasidaan diha sa iyang kamot.

Deuteronomio 29:24

ang tanang nasod moingon, ‘Nganong gibuhat kini sa Ginoo niining yutaa? Unsa ang kahulogan sa kainit niining dakong kapungot?’

Deuteronomio 31:26

“Kuhaa ninyo kini nga basahon sa Balaod ug ibutang ninyo kini sa kilid sa sudlanan sa kasabotan sa Ginoo nga inyong Dios aron kini adto didto ingon nga saksi batok kaninyo.

2 Timoteo 3:5

nagbaton ug dagway sa pagkadiosnon apan naglimod sa gahom niini. Likayi kini sila.

Mga Hebreo 9:4

diin didto gibutang ang bulawan nga halaran sa insenso ug ang sudlanan sa kasabotan, nga gisapawan ug bulawan sa tanang bahin niini diin gibutang ang tibod nga bulawan nga gisudlan sa mana ug ang sungkod ni Aaron nga nanalingsing ug ang mga papan nga gisulatan sa kasabotan.

Josue 4:7

Unya sultihan ninyo sila nga ang mga tubig sa Jordan nabahin sa duha sa atubangan sa sudlanan sa kasabotan sa Ginoo. Sa pag-agi niini sa Jordan, ang mga tubig sa Jordan nabahin busa kining mga batoha handomanan sa katawhan sa Israel hangtod sa kahangtoran.”

Josue 6:6

Busa si Josue nga anak ni Nun mitawag sa mga pari ug miingon kanila, “Kuhaa ninyo ang sudlanan sa kasabotan ug ang pito ka pari padad-a ug mga trumpeta nga sungay sa karnero nga mag-una sa sudlanan sa Ginoo.”

Josue 7:7

Si Josue miingon, “O Ginoong Dios, nganong gidala pa man nimo kining katawhan dinhi sa tabok sa Jordan aron itugyan kami ngadto sa kamot sa mga Amorihanon, aron laglagon kami? Nakontento na unta kami sa pagpuyo sa pikas daplin sa Jordan!

Josue 7:8

O Ginoo, unsa may akong ikasulti, karon nga ang Israel mitalikod sa iyang kaaway!

1 Pedro 3:21

Agig hulagway niini, ang bautismo, nagluwas kaninyo karon dili ingon nga paghugas sa buling gikan sa lawas kondili ingon nga pangamuyo ngadto sa Dios alang sa hinlo nga tanlag, pinaagi sa pagkabanhaw ni Jesu-Cristo,

Judas 1:5

Karon buot nakong ipahinumdom kaninyo, bisan tuod nasayran na ninyo kining mga butanga nga ang Ginoo sa makausa nagluwas sa katawhan gikan sa yuta sa Ehipto ug sa kaulahian iyang gilaglag ang mga wala magtuo.

1 Samuel 1:24

Sa diha nga gilutas na niya siya, gidala niya siya uban ang torong baka nga tulo ka tuig ang kagulangon, ug usa ka epha nga harina ug usa ka sudlanan nga panit nga bino, ug gidala siya ngadto sa balay sa Ginoo didto sa Silo, ug ang bata linghod pa ang panuigon.

1 Samuel 14:18

Ug si Saul miingon kang Ahias, “Dad-a dinhi ang sudlanan sa kasabotan sa Dios.” Kay ang sudlanan sa kasabotan sa Dios didto niadtong adlawa uban sa katawhan sa Israel.

1 Samuel 4:2

Ang mga Filistihanon naglaray atbang sa Israel ug sa ilang panagsangka ang Israel nabuntog sa mga Filistihanon nga nakapatay ug mga upat ka libo ka tawo gikan sa panon sa kasundalohan.