1 Samuel 4:21

Ang Biblia 2011

Ug iyang ginganlan ang bata ug Icabod, nga nag-ingon, “Ang himaya nawala gikan sa Israel,” tungod kay ang sudlanan sa kasabotan sa Dios nailog ug tungod sa iyang ugangan nga lalaki ug sa iyang bana.

Cross References

Salmo 106:20

Ang himaya sa Dios gipulihan nila ug larawan sa usa ka baka nga nagkaon ug balili.

Salmo 26:8

O Ginoo, nahigugma ako sa balay nga imong puluy-anan, ug sa dapit diin magpuyo ang imong himaya.

Salmo 78:61

ug gitugyan ang iyang gahom ngadto sa pagkabihag, ang iyang himaya ngadto sa kamot sa kaaway.

Salmo 78:64

Ang ilang mga pari nangapukan pinaagi sa espada, ug ang ilang mga biyuda wala magbangutan.

Jeremias 2:11

Nag-ilis ba ug mga dios ang usa ka nasod, bisan kon kini dili mga dios? Apan ang akong katawhan nag-ilis sa ilang himaya alang niadtong walay kapuslanan.

Mga Pagbangotan 2:1

Ang Ginoo diha sa iyang kasuko nagbutang sa anak nga babaye sa Zion diha sa kaulawan! Gihulog niya gikan sa langit ngadto sa yuta ang katahom sa Israel; wala niya hinumdomi ang iyang tumbanan sa adlaw sa iyang kasuko.

Oseas 9:12

Bisan ug sila nag-atiman ug mga bata, kuhaan nako sila hangtod nga walay mahibilin. Alaot sila sa diha nga ako mobiya kanila!

1 Samuel 14:3

Ug si Ahias nga anak ni Ahitub nga igsoong lalaki ni Icabod nga anak ni Pinehas nga anak ni Eli, ang pari sa Ginoo sa Silo, nagsul-ob ug ephod. Ug ang katawhan wala mahibalo nga si Jonatan milakaw.

1 Samuel 2:34

Kining mahitabo sa imong duha ka anak nga lalaki nga si Hopni ug si Pinehas mao ang ilhanan kanimo. Silang duha mamatay sa mao rang adlaw.

1 Samuel 3:12

Nianang adlawa buhaton nako batok kang Eli ang tanan nga akong gisulti mahitungod sa iyang panimalay, gikan sa sinugdanan hangtod sa kataposan.

1 Samuel 4:11

Ug ang sudlanan sa kasabotan sa Dios nailog ug ang duha ka anak ni Eli nga si Hopni ug si Pinehas gipamatay.

1 Samuel 4:22

Siya miingon, “Ang himaya nawala gikan sa Israel tungod kay ang sudlanan sa kasabotan sa Dios nailog.”