1 Samuel 4:2

Ang Biblia 2011

Ang mga Filistihanon naglaray atbang sa Israel ug sa ilang panagsangka ang Israel nabuntog sa mga Filistihanon nga nakapatay ug mga upat ka libo ka tawo gikan sa panon sa kasundalohan.

Cross References

Mga Pagbangotan 3:40

Susihon nato ug sulayan ang atong mga pamaagi, ug mamalik kita ngadto sa Ginoo!

Levitico 26:37

Mangapandol sila ibabaw sa usa ug usa nga daw miikyas gikan sa espada, bisan walay maggukod kanila, dili kamo makahimo sa pagsukol atubangan sa inyong mga kaaway.

Numeros 14:45

Unya ang mga Amalekanhon ug ang mga Canaanhon nga nagpuyo niadtong bukira nanglugsong ug mibuntog kanila ug migukod kanila bisan hangtod sa Horma.

Josue 7:12

Busa ang katawhan sa Israel dili makabarog sa atubangan sa ilang mga kaaway. Managan sila gikan sa ilang mga kaaway tungod kay sila nagahimo man nga laglagonon. Dili na ako mag-uban kaninyo gawas kon laglagon ninyo ang mga butang nga ginahin gikan sa inyong taliwala.

1 Samuel 17:21

Ang Israel ug ang mga Filistihanon naghan-ay alang sa gubat, kasundalohan batok kasundalohan.

1 Samuel 17:8

Siya mitindog ug misinggit ngadto sa mga panon sa kasundalohan sa Israel, “Nganong nanganhi kamo aron sa paghan-ay sa inyong kasundalohan alang sa pagpakiggubat? Dili ba ako usa ka Filistihanon ug kamo mga sulugoon ni Saul? Pagpili kamo ug usa ka tawo alang kaninyo, ug paanhia siya kanako.

1 Samuel 4:1

Ang pulong ni Samuel miabot sa tibuok Israel. Niadtong mga adlawa ang Israel nanggula aron sa pagpakig-away batok sa mga Filistihanon. Nagkampo sila didto sa Ebeneser ug ang mga Filistihanon nagkampo didto sa Afek.

1 Samuel 4:10

Busa ang mga Filistihanon nakig-away, ug ang Israel nabuntog ug midagan ang matag tawo ngadto sa iyang pinuy-anan. Dihay dakong pagpamatay, kay may napukan sa Israel nga 30,000 ka sundalong naglakaw.

1 Samuel 4:3

Sa diha nga ang mga tawo miabot na sa kampo, ang mga kadagkoan sa Israel miingon, “Nganong gipabuntog man kita sa Ginoo niining adlawa sa atubangan sa mga Filistihanon? Atong kuhaon ang sudlanan sa kasabotan sa Ginoo gikan sa Silo ug dad-on nato dinhi aron moanhi siya sa atong taliwala ug magluwas kanato gikan sa kamot sa atong mga kaaway.”