1 Samuel 4:16

Ang Biblia 2011

Ug ang tawo miingon kang Eli, “Ako gikan pa sa panggubatan ug miikyas ako niining adlawa gikan didto.” Siya miingon, “Unsa na man ang nahitabo, anak ko?”

Cross References

2 Samuel 1:4

Ug si David miingon kaniya, “Unsa na man ang nahitabo? Suginli ako.” Ug siya mitubag, “Ang katawhan nanagan gikan sa gubat, ug daghan usab sa katawhan ang nangapukan ug nangamatay, ug si Saul ug si Jonatan nga iyang anak nangamatay usab.”

Josue 7:19

Unya si Josue miingon kang Acan, “Anak ko, ihatag ang himaya sa Ginoo, ang Dios sa Israel ug dayega siya. Ug sultihi ako karon kon unsay imong nabuhat; ayaw kini itago kanako.”

1 Samuel 3:6

Ang Ginoo mitawag pag-usab, “Samuel!” Si Samuel mibangon ug miadto kang Eli ug miingon, “Ania ako kay ikaw nagtawag kanako.” Ug siya mitubag, “Wala ako magtawag kanimo, anak; higda pag-usab.”

1 Samuel 4:17

Siya nga nagdala sa mga balita mitubag, “Ang Israel nanagan gikan sa atubangan sa mga Filistihanon ug may usa usab ka dako nga pagpamatay taliwala sa katawhan, ug ang imong duha usab ka anak nga si Hopni ug si Pinehas nangamatay ug ang sudlanan sa kasabotan sa Dios nailog.”