1 Samuel 4:10

Ang Biblia 2011

Busa ang mga Filistihanon nakig-away, ug ang Israel nabuntog ug midagan ang matag tawo ngadto sa iyang pinuy-anan. Dihay dakong pagpamatay, kay may napukan sa Israel nga 30,000 ka sundalong naglakaw.

Cross References

2 Samuel 18:17

Ug ilang gikuha si Absalom ug gitambog siya ngadto sa dakong gahong didto sa kalasangan ug gipabarog sa ibabaw kaniya ang usa ka dakong tapok sa mga bato ug ang tibuok Israel nanagan, ang matag usa ngadto sa iyang balay.

2 Samuel 18:7

Ug didto ang katawhan sa Israel nabuntog sa mga sulugoon ni David, ug may usa ka dakong pagpamatay didto niadtong adlawa, 20,000 ka tawo.

2 Samuel 19:8

Unya ang hari mitindog ug milingkod didto sa ganghaan. Ug ang tanang katawhan gisuginlan, “Tan-awa, ang hari naglingkod diha sa ganghaan,” ug ang tibuok katawhan miadto atubangan sa hari. Niining higayona, ang Israel nanagan ang matag usa ngadto sa ilang mga puluy-anan.

2 Samuel 20:1

Nahitabo nga didtoy usa ka daotang tawo nga ginganlan ug Seba nga anak ni Bikri nga kaliwat ni Benjamin, ug siya mipatingog sa trumpeta, ug miingon, “Kami walay bahin kang David, ug kami walay panulundon diha sa anak ni Jesse; ang matag tawo ngadto sa iyang tolda, O Israel!”

1 Mga Hari 12:16

Ug sa pagkakita sa tibuok Israel nga ang hari wala mamati kanila, ang katawhan mitubag sa hari, “Unsay bahin namo kang David? Kami walay panulundon sa anak ni Jesse. Sa inyong mga tolda, O Israel! Tan-awa karon ang imong kaugalingong balay, David.” Busa ang Israel namauli ngadto sa ilang mga tolda.

1 Mga Hari 22:36

Ug dihay usa ka singgit gikan sa tibuok kasundalohan sa hapit na mosalop ang adlaw, “Ang matag tawo ngadto sa iyang siyudad, ug ang matag tawo ngadto sa iyang yuta!”

2 Mga Hari 14:12

Ug ang Juda nabuntog sa Israel ug ang matag tawo mikagiw ngadto sa iyang panimalay.

2 Cronicas 13:17

Si Abias ug ang iyang katawhan mipatay kanila sa usa ka dakong pagpamatay, busa dihay nangapukan sa Israel nga lima ka gatos ka libo ka piniling tawo.

2 Cronicas 25:22

Ang Juda nabuntog sa Israel ug ang matag tawo mikagiw ngadto sa iyang kaugalingong puluy-anan.

Salmo 78:9

Ang mga Efraimhanon nga nasangkap sa pana, mitalikod sa adlaw sa gubat.

Jeremias 7:12

Karon lakaw kamo ngadto sa akong dapit nga atua sa Silo, nga maoy unang gipahimutangan nako sa akong ngalan, ug tan-awa kon unsay akong gibuhat niini tungod sa pagkadaotan sa akong katawhan nga Israel.

Levitico 26:17

Ipaatubang nako ang akong nawong batok kaninyo ug pukanon kamo sa inyong mga kaaway ug ang mga nagdumot kaninyo magmando ibabaw kaninyo ug mangagiw kamo bisan walay maggukod kaninyo.

Deuteronomio 28:15

“Apan kon kamo dili motuman sa tingog sa Ginoo nga inyong Dios o magbantay sa pagbuhat sa tanan niyang mga sugo ug sa iyang mga lagda nga akong gisugo kaninyo niining adlawa, kining tanang tunglo moabot kaninyo ug modangat kaninyo.

Deuteronomio 28:25

“Ipabuntog kamo sa Ginoo sa atubangan sa inyong mga kaaway. Manggula kamo batok kanila sa usa ka dalan ug gikan kanila mangagiw kamo sa pito ka dalan ug mahimo kamong kahadlokan sa tanang mga gingharian sa yuta.

1 Samuel 3:11

Ug ang Ginoo miingon kang Samuel, “Hapit na nako buhaton sa Israel ang usa ka butang, nga ang duha ka dalunggan sa makabati niini mobagting.

1 Samuel 4:2

Ang mga Filistihanon naglaray atbang sa Israel ug sa ilang panagsangka ang Israel nabuntog sa mga Filistihanon nga nakapatay ug mga upat ka libo ka tawo gikan sa panon sa kasundalohan.