1 Samuel 31:4

Ang Biblia 2011

Unya miingon si Saul ngadto sa iyang tigdala sa hinagiban, “Ibta ang imong espada ug dunggaba ako niana, tingali unya ug kining mga dili tinuli moabot ug modunggab kanako ug binuangan ako.” Apan ang iyang tigdala sa hinagiban wala makahimo kay nahadlok siya pag-ayo. Busa gikuha ni Saul ang iyang espada ug gidunggab niya ang iyang kaugalingon.

Cross References

2 Samuel 1:1

Human sa kamatayon ni Saul, sa diha nga si David mipauli gikan sa pagpamatay sa mga Amalekanhon, mipabilin si David ug duha ka adlaw sa Ziklag.

2 Samuel 1:14

Si David miingon kaniya, “Ngano nga wala ka mahadlok sa paggamit sa imong kamot sa paglaglag sa dinihogan sa Ginoo”

2 Samuel 1:20

Ayaw kini isugilon sa Gat, ayaw kini ibalita sa mga kadalanan sa Askelon; tingali unya ug ang mga anak nga babaye sa mga Filistihanon mangalipay, tingali unya ug ang mga anak nga babaye sa mga dili tinuli manghugyaw.

2 Samuel 1:6

Ug ang batan-ong lalaki nga nagsugilon kaniya miingon, “Nahitabo nga ako didto sa bukid sa Gilboa, ug si Saul nagsandig sa iyang bangkaw ug dihay mga karwahi ug ang mga nagsakay niini naggukod kaniya.

2 Samuel 17:23

Sa diha nga si Ahitofel nakakita nga ang iyang tambag wala tumana, gimontorahan niya ang iyang asno ug mipauli siya sa iyang kaugalingong siyudad. Ug gihusay niya ang iyang panimalay ug nagbitay sa iyang kaugalingon ug siya namatay ug gilubong sa lubnganan sa iyang amahan.

2 Samuel 21:12

si David miadto ug mikuha sa mga bukog ni Saul ug sa mga bukog ni Jonatan nga iyang anak gikan sa mga tawo sa Jabes-gilead nga mikawat niini gikan sa plasa sa Bet-san, diin ang mga Filistihanon mibitay kanila, sa adlaw nga ang mga Filistihanon mipatay kang Saul didto sa Gilboa.

1 Mga Hari 16:18

Sa pagkakita ni Zimri nga ang siyudad nailog, miadto siya sa palasyo sa hari ug gisunog pinaagi sa kalayo ang balay sa hari lakip ang iyang kaugalingon ug namatay siya

1 Mga Hari 16:27

Karon ang uban nga mga buhat ni Omri nga iyang nahimo, ug ang gahom nga iyang gipakita, wala ba kini masulat sa basahon sa mga Kasaysayan sa mga Hari sa Israel?

1 Cronicas 10:4

Unya miingon si Saul ngadto sa iyang tigdala sa hinagiban, “Ibta ang imong espada ug dunggaba ako niana kay tingali unya ug kining mga dili tinuli moanhi ug magpasipala kanako.” Apan ang iyang tigdala sa hinagiban midumili kay nahadlok siya pag-ayo. Busa gikuha ni Saul ang iyang espada ug miubo niini ug namatay.

Mga Maghuhukom 14:3

Apan ang iyang amahan ug ang iyang inahan miingon kaniya, “Wala bay usa ka babaye sa taliwala sa mga anak nga babaye sa imong mga kadugo o sa taliwala sa tanan natong katawhan, nga ikaw moadto pa sa pagkuha ug usa ka asawa sa mga dili tinuli nga Filistihanon?” Apan si Samson miingon sa iyang amahan, “Kuhaa siya alang kanako kay siya nakapahimuot kaayo kanako.”

Mga Maghuhukom 9:54

Dihadiha gitawag niya ang batan-ong lalaki nga tigdala sa iyang hinagiban ug miingon, “Ibta ang imong espada ug patya ako kay tingali unya ug ang mga tawo mosulti mahitungod kanako, ‘Usa ka babaye ang nagpatay kaniya.’ ” Ug ang iyang batan-ong lalaki midunggab kaniya ug namatay siya.

1 Samuel 14:6

Unya si Jonatan miingon ngadto sa batan-ong lalaki nga maoy nagdala sa iyang hinagiban, “Tana, mangadto kita sa kampo sa mga dili tinuli, basin ug ang Ginoo molihok alang kanato kay walay makapugong sa Ginoo sa pagluwas pinaagi sa daghan o pinaagi sa diyotay.”

1 Samuel 17:26

Si David miingon sa mga tawo nga nagtindog tupad kaniya, “Unsay buhaton sa tawo nga makapatay niining Filistihanon, ug makakuha sa pagkatalamayon sa Israel? Kay kinsa ba kining dili tinuli nga Filistihanon nga siya naghagit man sa mga panon sa kasundalohan sa buhing Dios?”

1 Samuel 17:36

Ang imong sulugoon nakapatay ug mga liyon ug mga oso ug kining dili tinuli nga Filistihanon mahimong sama sa usa kanila, sa pagtan-aw nga siya naghagit sa kasundalohan sa Dios nga buhi.”

1 Samuel 26:10

Ug si David miingon, “Ingon nga ang Ginoo buhi, ang Ginoo ang maghampak kaniya o ang iyang adlaw sa kamatayon moabot o siya moadto sa gubat ug mamatay.

1 Samuel 31:5

Sa diha nga ang iyang tigdala sa hinagiban nakakita nga si Saul namatay, siya usab nagdunggab sa iyang kugalingon ug namatay uban niya.