1 Samuel 30:6

Ang Biblia 2011

Si David nasubo sa hilabihan, kay ang katawhan naghisgot sa pagbato kaniya, tungod kay ang kalag sa tibuok katawhan naguol pag-ayo, ang matag usa alang sa iyang mga anak nga lalaki ug sa iyang mga anak nga babaye. Apan si David naglig-on sa iyang kaugalingon diha sa Ginoo nga iyang Dios.

Cross References

Genesis 32:7

Unya si Jacob nahadlok sa hilabihan gayod ug nabalisa siya. Ug iyang gibahin ang iyang mga tawo nga diha uban kaniya ug ang mga panon sa kahayopan ug ang mga baka ug ang mga kamilyo ngadto sa duha ka pundok.

2 Samuel 17:8

Unya si Husai miingon, “Ikaw nahibalo nga ang imong amahan ug ang iyang mga tawo mga tawong kusgan, ug sila nangasuko pag-ayo sama sa oso nga gikawatan sa iyang mga anak diha sa kapatagan. Gawas pa niana ang imong amahan batid sa gubat, dili siya makig-uban sa katawhan panahon sa kagabhion.

2 Mga Hari 4:27

Ug sa pag-abot niya ngadto sa tawo sa Dios didto sa bungtod, iyang gikuptan ang tiil niini. Ug si Gihasi mipaduol aron sa pagtukmod kaniya palayo apan ang tawo sa Dios miingon, “Pasagdi siya, kay anaa siya sa dakong kagul-anan ug ang Ginoo nagtago niini gikan kanako ug wala magsugilon kanako.”

Job 13:15

Tan-awa, iya akong patyon; wala akoy paglaom; Bisan pa niini, ako manalipod sa akong mga agianan ngadto sa iyang nawong.

Salmo 116:10

Ako nagtuo, bisan ako nagsulti, “Gisakit ako sa hilabihan gayod”;

Salmo 138:3

Sa adlaw nga ako nagsangpit, ikaw mitubag kanako, ang kusog sa akong kalag imong gilig-on.

Salmo 18:2

Ang Ginoo mao ang akong bato ug ang akong kuta ug ang akong manluluwas, akong Dios, akong bato nga diha kaniya ako midangop, akong taming, ug sungay sa akong kaluwasan, akong lig-ong salipdanan.

Salmo 18:6

Sa akong kagul-anan nagsangpit ako sa Ginoo; ngadto sa akong Dios nagpakitabang ako. Gikan sa iyang Templo, nadungog niya ang akong tingog, ug ang akong pagtuaw ngadto kaniya midangat sa iyang mga dalunggan.

Salmo 25:17

Hupaya ang mga kasamok sa akong kasingkasing, ug kuhaa ako gikan sa akong mga kagul-anan.

Salmo 27:14

Paghulat sa Ginoo; pagmalig-on ug padasiga ang imong kasingkasing; Oo, paghulat sa Ginoo!

Salmo 31:24

Pagmalig-on kamo ug padasiga ang inyong kasingkasing, kamong tanan nga naghulat sa Ginoo!

Salmo 42:11

Ngano nga nagsubo man ikaw, O akong kalag, ug nganong nahasol man ikaw sa sulod nako? Laom sa Dios; kay magdayeg ako pag-usab kaniya, ang akong magtatabang ug akong Dios.

Salmo 42:5

Ngano nga nagsubo man ikaw, O akong kalag, ug nganong nahasol man ikaw sa sulod nako? Laom sa Dios; kay magdayeg ako pag-usab kaniya, akong magtatabang

Salmo 42:7

Ang kahiladman nagtawag ngadto sa kahiladman sa dinahunog sa imong mga busay; ang tanan nimong mga balod milapaw kanako.

Salmo 56:11

diha sa Dios nagsalig ako nga walay kahadlok. Unsay mabuhat sa tawo kanako?

Salmo 62:1

Sa Dios lamang naghulat sa hilom ang akong kalag; gikan kaniya ang akong kaluwasan.

Salmo 62:5

Kay sa Dios lamang maghulat sa hilom ang akong kalag, kay gikan kaniya ang akong paglaom.

Salmo 71:4

Luwasa ako, O akong Dios, gikan sa kamot sa daotan, gikan sa kamot sa dili matarong ug walay puangod nga tawo.

Salmo 71:5

Kay ikaw, O Ginoo, mao ang akong paglaom, ang akong pagsalig, O Ginoo, sukad pa sa akong pagkabatan-on.

Exodo 17:4

Unya si Moises mituaw ngadto sa Ginoo, “Unsa bay akong buhaton niining katawhan? Hapit na nila ako batoon.”

Mga Panultihon 18:10

Ang ngalan sa Ginoo maoy usa ka lig-ong tore; ang matarong modagan ngadto niini ug maluwas.

Isaias 25:4

Kay ikaw nahimong usa ka lig-ong salipdanan sa kabos, usa ka lig-ong salipdanan sa nanginahanglan diha sa iyang kagul-anan, usa ka salipdanan gikan sa bagyo, usa ka landong gikan sa kainit; kay ang pagdasmag sa tawong bangis sama sa bagyo batok sa usa ka bungbong,

Jeremias 16:19

O Ginoo, akong kalig-on, ug akong panalipod, akong dalangpanan panahon sa kalisdanan, nganha kanimo ang mga nasod moanha gikan sa mga kinatumyan sa yuta, ug moingon, “Ang among katigulangan walay napanunod kondili kabakakan, mga butang nga walay bili nga walay kapuslanan.

Jonas 2:2

nga nag-ingon, “Ako nagsangpit sa Ginoo tungod sa akong kalisdanan, ug siya mitubag kanako; gikan sa tiyan sa Sheol ako mituaw, ug ikaw namati sa akong tingog.

Numeros 14:10

Apan ang tibuok katilingban mihulga nga labayon sila ug mga bato. Unya ang himaya sa Ginoo nagpakita diha sa tolda nga tagboanan ngadto sa tanang katawhan sa Israel.

Mateo 21:9

Ug ang mga panon sa katawhan nga nag-una ug nagsunod kaniya naninggit nga nag-ingon, “Hosanna, sa Anak ni David! Dalaygon ang mianhi sa ngalan sa Ginoo! Hosanna sa kahitas-an!”

Mateo 27:22

Si Pilato miingon kanila, “Unya unsaon man nako kini si Jesus nga gitawag ug Cristo?” Silang tanan miingon, “Ilansang siya sa krus!”

Juan 8:59

Tungod niini namunit sila ug mga bato aron ilabay kaniya apan si Jesus mitago ug migula sa Templo.

Roma 4:18

Kay siya milaom bisan ug wala nay paglaom, mituo nga siya mahimong amahan sa daghang mga nasod, sumala sa gisulti kaniya, “Sama niana kadaghan ang imong kaliwatan.”

Roma 4:20

Apan siya wala magduhaduha sa saad sa Dios, kondili nalig-on pinaagi sa pagtuo, samtang naghimaya siya sa Dios,

Roma 8:31

Busa unsa may atong isulti mahitungod niini? Kon ang Dios dapig kanato, kinsa man ang mobatok kanato?

2 Mga Taga-Corinto 1:6

Bisan kon kami sakiton, kini alang sa paglipay kaninyo ug sa inyong kaluwasan ug kon kami lipayon, kini alang sa paglipay kaninyo nga masinati ninyo diha sa inyong paglahutay sa samang mga kasakit nga among giantos.

2 Mga Taga-Corinto 4:8

Kami gipiit sa tanang paagi apan wala mapugngi; gilisodlisod apan wala kawad-i ug paglaom;

2 Mga Taga-Corinto 7:5

Kay bisan sa amo nang pag-abot sa Macedonia, wala makapahulay ang among mga lawas, hinuon gisakit kini sa tanang paagi—panagbingkil sa gawas ug kahadlok sa sulod.

Mga Hebreo 13:6

Busa makaingon kita nga masaligon, “Ang Ginoo mao ang akong magtatabang, dili ako mahadlok; unsa may mahimo sa tawo kanako?”

Mga Maghuhukom 18:25

Ang mga Danihanon miingon kaniya, “Ayaw ipadungog ang imong tingog kanamo kay tingali unya ug may mga tawo nga masuko ug modasmag kanimo ug mawad-an ikaw sa imong kinabuhi uban sa mga kinabuhi sulod sa imong panimalay.”

Mga Maghuhukom 20:22

Apan ang katawhan, ang mga tawo sa Israel, nagmaisogon ug nagpahimutang pag-usab sa samang dapit diin didto sila magpahimutang sa unang adlaw.

1 Samuel 1:10

Naguol pag-ayo si Hana ug nag-ampo siya sa Ginoo ug mihilak pag-ayo.

1 Samuel 23:16

Ug si Jonatan nga anak ni Saul mitindog ug miadto kang David sa Hores ug nagpalig-on sa iyang kamot diha sa Dios.

1 Samuel 28:15

Si Samuel miingon kang Saul, “Ngano nga imo akong gisamok pinaagi sa pagpatungha kanako?” Ug si Saul mitubag, “Ako naguol sa hilabihan gayod kay ang mga Filistihanon nakiggubat batok kanako, ug ang Dios mibulag gikan kanako ug wala na motubag kanako, bisan pinaagi sa mga propeta o pinaagi sa mga damgo, busa gipatawag nako ikaw aron sultihan ako kon unsay akong buhaton.”