1 Samuel 30:12

Ang Biblia 2011

Gihatagan nila siya ug usa ka torta nga gikan sa igera ug duha ka pungpong nga paras. Ug sa nakakaon na siya, naulian ang iyang espiritu kay wala man siya makakaon ug pan o makainom ug tubig sulod sa tulo ka adlaw ug tulo ka gabii.

Cross References

Ester 4:16

“Lakaw, tigoma ang tanang mga Judio nga makit-an diha sa Susa, ug paghimo kamo ug pagpuasa alang kanako ug ayaw kamo pagkaon o pag-inom sulod sa tulo ka adlaw, gabii ug adlaw. Ako usab ug ang akong mga sulugoon nga babaye magpuasa sama sa inyong gibuhat. Unya moadto ako sa hari bisan ug supak kini sa balaod, ug kon ako mamatay, mamatay ako.”

Mga Pagbangotan 1:11

Ang tibuok niyang katawhan nag-agulo samtang nangita sila ug pan; ilang gipabaylohan ang ilang mga bahandi ug pagkaon aron sa pagpahiuli sa ilang kusog. “Tan-awa, O Ginoo, ug sud-onga kay ako gitamay.”

Jonas 1:17

Apan ang Ginoo nagtagana ug usa ka dakong isda aron molamoy kang Jonas; ug si Jonas diha sa sulod sa tiyan sa isda tulo ka adlaw ug tulo ka gabii.

Mateo 27:63

ug miingon kaniya, “Ginoo, nahinumdom kami nga kadtong mangingilad, sa buhi pa siya, nag-ingon, ‘Human sa tulo ka adlaw, mabanhaw ako.’

Mga Maghuhukom 15:19

Ug gibuksan sa Dios ang may lungag nga dapit sa Lehi ug migula ang tubig didto. Ug sa pag-inom niya, naulian ang iyang espiritu ug siya nabaskog. Busa ang ngalan niadto gitawag ug En-hakore nga anaa sa Lehi hangtod niining adlawa.

1 Samuel 14:27

Apan si Jonatan wala makadungog sa iyang amahan nga nagsugo sa katawhan sa panumpa, busa iyang gibutang ang tumoy sa sungkod nga diha sa iyang kamot ug gituslob niya kini sa udlan nga may dugos ug gibutang niya ang iyang kamot ngadto sa iyang baba ug ang iyang mga mata midan-ag.

1 Samuel 30:11

Unya nakakita sila ug usa ka Ehiptohanon diha sa kapatagan ug gidala nila siya ngadto kang David, ug gihatagan nila siya ug pan ug siya mikaon ug gihatagan nila siya ug tubig nga mainom.

1 Samuel 30:13

Unya si David miingon kaniya, “Kang kinsa ka mang sakop? Ug taga-diin ikaw?” Ug siya miingon, “Ako usa ka batan-on gikan sa Ehipto, sulugoon sa usa ka Amalekanhon ug ang akong agalon mibiya kanako tungod kay nasakit ako tulo na ka adlaw karon ang milabay.