1 Samuel 3:3

Ang Biblia 2011

Ang lampara sa Dios wala pa mapalong ug si Samuel naghigda sa sulod sa Templo sa Ginoo, diin didto ang sudlanan sa kasabotan sa Dios.

Cross References

2 Cronicas 13:11

Sila maghalad ngadto sa Ginoo matag buntag ug matag gabii, mga halad nga sunogon ug humot nga insenso, magpahimutang sa pan nga gihalad didto sa lamisa nga lunsayng bulawan ug mag-atiman sa bulawan nga lamparahan aron ang iyang mga lampara magsiga matag gabii kay among gituman ang sugo sa Ginoo nga atong Dios apan kamo mibiya kaniya.

Salmo 27:4

Usa ka butang ang akong gipangayo sa Ginoo, nga akong pangitaon; nga makapuyo ako sa balay sa Ginoo sa tanang mga adlaw sa akong kinabuhi, aron sa pagsud-ong sa katahom sa Ginoo, ug sa pagpakisayod diha sa iyang Templo.

Salmo 29:9

Ang tingog sa Ginoo nagkusokuso sa dagkong kahoy, ug gihawanan niya ang mga kalasangan; ug sa sulod sa iyang Templo ang tanan nagsinggit, “Himaya!”

Salmo 5:7

Apan ako, diha sa kadagaya sa imong gugmang walay paglubad, mosulod sa imong balay; diha sa pagkahadlok kanimo, magsimba ako atubangan sa imong Templo nga balaan.

Exodo 25:31

“Magbuhat ikaw ug usa ka lamparahan gikan sa lunsay nga bulawan. Ang patindoganan ug ang lawas niini kinahanglan nga sinalsal. Ang mga kupa nga daw bulak, ang mga biyoos ug mga gihay kinahanglan nga unay niini.

1 Samuel 1:6

Ang iyang kailog naghagit ug nagbiaybiay kaniya aron siya masuko tungod kay ang Ginoo nagtak-op sa iyang taguangkan.

1 Samuel 1:9

Human sila makakaon ug makainom didto sa Silo, si Hana mitindog. Ang pari nga si Eli naglingkod sa iyang lingkoranan dapit sa haligi sa ganghaan sa Templo sa Ginoo.