1 Samuel 3:21

Ang Biblia 2011

Ang Ginoo mipakita pag-usab didto sa Silo tungod kay siya nagpadayag sa iyang kaugalingon ngadto kang Samuel pinaagi sa pulong sa Ginoo.

Cross References

Genesis 12:7

Unya, ang Ginoo mipakita kang Abram ug miingon kaniya, “Sa imong kaliwat ihatag nako kining yutaa.” Ug nagtukod siya didto ug usa ka halaran alang sa Ginoo nga nagpakita kaniya.

Genesis 15:1

Human niining mga butanga, ang pulong sa Ginoo miabot kang Abram pinaagi sa usa ka panan-awon, “Ayaw kahadlok, Abram, ako mao ang imong taming ug ang imong ganti dako kaayo.”

Jeremias 41:5

dihay 80 ka tawo nga gikan sa Sekem, gikan sa Silo ug gikan sa Samaria nga ang ilang mga bungot gibarbas ug ang ilang mga bisti gigisi ug nga gisamaran ang ilang kaugalingon, uban ang mga halad nga pagkaon ug ang insenso diha sa ilang kamot, aron kini dad-on nila ngadto sa balay sa Ginoo.

Amos 3:7

Sa pagkatinuod ang Ginoong Dios dili magbuhat ug bisan unsa nga dili magpadayag sa iyang tinago ngadto sa iyang mga alagad nga mga propeta.

Numeros 12:6

Ug siya miingon, “Pamatia ninyo ang akong mga pulong: Kon adunay usa ka propeta sa taliwala ninyo, ako, ang Ginoo magpakita kaniya sa usa ka panan-awon, ako makigsulti kaniya pinaagi sa usa ka damgo.

Deuteronomio 29:10

“Niining adlawa kamong tanan nagtindog sa atubangan sa Ginoo nga inyong Dios, ang mga pangulo sa inyong mga banay, ang inyong mga kadagkoan, ang inyong mga tinugyanan, ang tanang mga lalaki sa Israel,

Mga Hebreo 1:1

Sa daghan ug nagkalainlaing mga pamaagi ang Dios misulti kaniadto ngadto sa atong mga katigulangan pinaagi sa mga propeta.

1 Samuel 10:19

Apan kamo niining adlawa nagsalikway sa inyong Dios nga nagluwas kaninyo gikan sa tanan ninyong katalagman ug sa inyong kasakit, ug kamo nagsulti kaniya, ‘Dili! pagbutang hinuon ug usa ka hari ibabaw kanamo.’ Busa karon ipakita ang inyong kaugalingon ngadto sa Ginoo pinaagi sa inyong mga banay ug sa inyong mga linibo.”

1 Samuel 3:1

Ang bata nga si Samuel nag-alagad sa Ginoo ubos sa pagdumala ni Eli. Ug ang pulong sa Ginoo talagsa ra niadtong mga adlawa ug dili kanunay ang panan-awon.

1 Samuel 3:10

Unya ang Ginoo mitungha ug mitindog nga nagtawag sama sa unang mga higayon, “Samuel! Samuel!” Ug si Samuel miingon, “Sulti, kay ang imong sulugoon mamati.”

1 Samuel 3:4

Unya ang Ginoo mitawag, “Samuel! Samuel!” Ug siya mitubag, “Ania ako.”

1 Samuel 9:15

Sa adlaw nga wala pa moabot si Saul, ang Ginoo mipadayag ngadto kang Samuel,